Connect with us

Hi, what are you looking for?

သတင်း

မုံရွာပလဖ စခန်းကို PDF တပ်ရင်း​တွေစီးနင်း၊ ပလဖတပ်ဖွဲ့ဝင်အချို့ ကျဆုံး

စစ်ကိုင်းတိုင်း၊ မုံရွာမြို့က ပြည်သူ့လုံခြုံရေးအဖွဲ့(ပလဖ) စခန်းကို အမျိုးသားညီညွတ် ရေးအစိုးရ(NUG)၊ ကာကွယ်ရေးဝန်ကြီးဌာနလက်အောက်ရှိ မုံရွာခရိုင်တပ်ရင်းတွေက ဝင်ရောက်စီးနင်းပစ်ခတ်လို့ ပလဖအဖွဲ့ဝင်အချို့ သေဆုံးတယ်လို့သတင်းရရှိပါတယ်။

(မုံရွာ ပလဖ တာဝန်ခံအားကူ)

ဇွန်-၃၀၊၂၀၂၆။စိုင်းနောင်/People’s Spring

စစ်ကိုင်းတိုင်း၊ မုံရွာမြို့က ပြည်သူ့လုံခြုံရေးအဖွဲ့(ပလဖ) စခန်းကို အမျိုးသားညီညွတ် ရေးအစိုးရ(NUG)၊ ကာကွယ်ရေးဝန်ကြီးဌာနလက်အောက်ရှိ မုံရွာခရိုင်တပ်ရင်းတွေက ဝင်ရောက်စီးနင်းပစ်ခတ်လို့ ပလဖအဖွဲ့ဝင်အချို့ သေဆုံးတယ်လို့သတင်းရရှိပါတယ်။

မုံရွာမြို့နယ်ပလဖစခန်းကို မုံရွာခရိုင်တပ်ရင်း (၄) ၊(၂၂)၊ (၂၃)၊ (၂၅) နဲ့ (၂၈) တို့ကဇွန်လ၂၉ရက်ညနေသုံးနာရီခန့်မှာ ဝင်ရောက်စီးနင်းခဲ့တာလို့ ဒေသခံသတင်းရင်းမြစ်ကပြောပါတယ်။မုံရွာခရိုင် တပ်ရင်း (၄)၊( ၂၂) ၊(၂၃) ၊ (၂၅) ၊(၂၈) တို့ ကို 5+ တပ်ရင်းလို့ ​လည်း​ခေါ်ကြပြီး တပ်ရင်း ငါးခု​ပေါင်းထားတာလို့သိရပါတယ် ။

“ဘာကြောင့်လဲတော့တိတိကျကျမသိရသေးဘူး။ခရိုင်ရင်းတွေပေါင်းပြီး ဝင်စီးတာ။ ပလဖတာဝန်ခံ အားကူအပါအဝင် သုံးဦး ကနေ ငါးဦးသေဆုံးတယ်လို့ မနေ့က ကြားရပေမယ့် ဒီမနက်နောက်ဆုံးရတဲ့သတင်းကတော့ အားကူ ဒဏ်ရာရတာလို့ပဲသိရတယ်”လို့ ဒေသခံသတင်းရင်းမြစ်ကပြောပါတယ်။

Public Service Announcement

Public Service Announcement

အခြားသတင်းရင်းမြစ်တဦးက အားကူအပါအဝင် ပလဖ တပ်ဖွဲ့ဝင်အချို့နဲ့ စီးနင်းချိန်အနီးမှာရှိ​​နေတဲ့ ပြည်သူ ၂ ဦးပါ​သေဆုံးခဲ့တယ်လို့ ​ပြောပါတယ် ။ဖြစ်စဉ်ကို အတည်ပြုနိုင်ဖို့ လူထု​နွေဦးက စုံစမ်း​နေဆဲဖြစ်ပါတယ်။

“ဘာပဲဖြစ်ဖြစ် စနစ်တကျဖြေရှင်းစေချင်တာပါ။ ပွင့်လင်းမြင်သာမှုရှိရှိသတင်းတွေထုတ်ပြန်မှုလည်းလိုတယ်”လို့ မုံရွာမြို့ခံတစ်ဦးကပြောပါတယ်။

အားကူဟာ ၂၀၂၃ သြဂုတ်လက မုံရွာမြို့ပေါ်မှာ ဖြစ်ပွားခဲ့တဲ့ ဓားပြတိုက်မှုမှာ ကျူးလွန်သူတွေကိုဖမ်းဆီးစစ်ဆေးတာကို လူမှုကွန်ရက်ပေါ်မှာ Live လွှင့်ခဲ့တဲ့အတွက် ဝေဖန်ခံခဲ့ရဖူးပါတယ်။

ပြည်သူ့လုံခြုံရေးအဖွဲ့ဟာအမျိုးသားညီညွတ်ရေးအစိုးရ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန(MOHAI)လက်အောက်မှာရှိပါတယ်။ လက်ရှိအခြေအနေတွေနဲ့ပတ်သက်လို့ MOD ရော MOHAI ကပါ သတင်းမထုတ်ပြန်သေးပါဘူး။မုံရွာမြို့နယ်ပလဖကိုလည်း ဆက်သွယ်မေးမြန်းနေဆဲဖြစ်ပါတယ်။

“ဒီကိစ္စကို စစ်ရုံးချုပ်က ကိုင်တွယ်နေပါပြီ။ လိုအပ်တဲ့ စုံစမ်းစစ်ဆေးအရေးယူမှုတွေ လုပ်သွားမှာဖြစ်ပါတယ်။အဆင့်ဆင့်သော စစ်ဌာနတွေရဲ့ညွှန်ကြားချက်နဲ့ လုပ်ဆောင်တာမဟုတ်ဘူးလို့ ကနဦးသိထားပါတယ်” လို့ NUG ဝန်ကြီးချုပ်ရုံး ​ပြော​ရေးဆိုခွင့်ရှိသူ ဦး​နေဘုန်းလတ်က ​ပြောပါတယ် ။

အခုရက်ပိုင်းအတွင်း​တော်လှန်​ရေးတပ်ဖွဲ့ကြား လက်နက်ကိုင်​အင်အားသုံးဖြေရှင်း​နေမှု​တွေအ​ပေါ် ပြည်သူအများစုက ​ဝေဖန်​နေကြပါတယ်။ ဒါ့အပြင် အခုလိုဖြစ်ရပ်​တွေက ​နွေဦး​တော်လှန်​ရေးတစ်စုံလုံးအ​ပေါ်ထိခိုက်မှာကိုလည်းပြည်သူ​တွေက စိုးရိမ်​နေကြပါတယ်။

ဆက်စပ်သတင်းများ

သတင်း

မန္တလေး-မုံရွာလမ်းပိုင်းကုန်ကားတွေကို စစ်တပ်က တရားမဝင် ငွေတောင်းခံမှု သိန်းဂဏန်းတွေအထိ တိုးတောင်းလာတာကြောင့် ကုန်ကားသမားတွေ ပိုပြီးအခက်အခဲ တွေ့နေရတယ်လို့ ယာဉ်မောင်းတွေက ပြောပါတယ်။

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

စစ်ကိုင်းတိုင်း၊ မုံရွာမြို့​က သီတင်းကျွတ်ဘုရားကြီးပွဲလာသူအချို့ရဲ့ ဆိုင်ကယ်နဲ့ သုံးဘီးဆိုက်တွဲတွေ ပျောက်ဆုံးခဲ့ကြောင်း ဒေသခံတွေက ပြောပါတယ်။

သတင်း

စစ်ကိုင်းတိုင်း၊ မုံရွာမြို့နယ်၊ ကျောက္ကာရွှေဂူနီဘုရားဝင်းမှာ တပ်စွဲထားတဲ့ စစ်တပ်ကို တော်လှန်ရေးတပ်ဖွဲ့တွေ တိုက်ခိုက်ခဲ့ပါတယ်။