Connect with us

Hi, what are you looking for?

သတင်း

အင်းတော်မြို့မှာ တိုက်ပွဲဖြစ်နေပြီး ခရီးသည်တင် ကား ၂စီး ကျည်ထိမှန်

စစ်ကိုင်းတိုင်း၊ အင်းတော်မြို့နယ်မှာ တိုက်ပွဲတွေဆက်တိုက်ဖြစ်နေပြီး ဒီကနေ့ တိုက်ပွဲမှာ ခရီးသည်တင်ကား ၂စီး ကျည်ထိမှန်ခဲ့တယ်လို့ ခရီးသွားလာသူတွေက ပြောပါတယ်။

(မန္တလေး-မြစ်ကြီးနားလမ်း ကားလမ်းပိတ်လို့ ရပ်နားထားတဲ့ ယာဉ်တချို့ကို တွေ့ရစဉ်။ ဓာတ်ပုံ - CJ)

ဇွန်-၃၀၊၂၀၂၆၊ကတ်သရင်းနှင်း/People’s Spring

စစ်ကိုင်းတိုင်း၊ အင်းတော်မြို့နယ်မှာ တိုက်ပွဲတွေဆက်တိုက်ဖြစ်နေပြီး ဒီကနေ့ တိုက်ပွဲမှာ ခရီးသည်တင်ကား ၂စီး ကျည်ထိမှန်ခဲ့တယ်လို့ ခရီးသွားလာသူတွေက ပြောပါတယ်။

ဇွန်လ၂၇ ရက်ကစတင်ကာ တကောင်းမြို့နယ် အတွင်းက မန္တလေး – မြစ်ကြီးနားလမ်းပိုင်းအနီးမှာ တိုက်ပွဲတွေပြင်းထန်နေတာဖြစ်ပြီး မကြာခဏ လမ်းပိတ် နေတာလို့ သိရပါတယ်။

ဇွန်လ၂၈ ရက်မှာ အင်းတော်မြို့ရဲ့ အနောက် ဘက်မှာ တိုက်ပွဲတွေ ဖြစ်ခဲ့ပြီး ကားလမ်း ယာယီ ပိတ်သွားခဲ့တယ်လို့ သိရပါတယ်။

Public Service Announcement

Public Service Announcement

ဇွန်လ ၃၀ ရက် ဒီကနေ့မှာတော့ နဘား-ကသာ လမ်းပိုင်းမှာ တိုက်ပွဲဖြစ်ခဲ့ပြီး ၆ဘီးကား ၁စီးနဲ့ အံစာတုံးကား ၁စီး ထိမှန်ခဲ့တာလို့ သိရပါတယ်။

“ခရီးသည်တင်ကား၂စီးထိတယ်လို့ သိရပါတယ်။ကျွန်တော်တို့အရှေ့မှာပဲ။ကျွန်တော်တို့က ပိတ်မိနေတုန်းဖြစ်သွားတာ။အခုတော့လမ်းပွင့် သွားလို့ ထွက်လာခဲ့ပြီ”လို့ ခရီးသည်တစ်ဦးက ပြောပါတယ်။

ကား၂စီးထိမှန်မှုမှာ ခရီးသည်တွေပါတယ်လို့လည်းသိရပြီး ထိခိုက်မှု အသေးစိတ်ကိုတော့ မသိရသေးဘူး။

ယခုရက်ပိုင်းအတွင်း အဲဒီလမ်းပိုင်းကို စစ်တပ်ကအသုံးပြုကာ စစ်ကြောင်းတွေလည်း မြစ်ကြီးနားမြို့ကို အင်အားပို့တာတွေပြုလုပ်နေပြီး စစ်ကြောင်းဆင်းချိန်မှာလည်း ဇက်ဆိပ်တွေကို စစ်တပ်က ပိတ်တာတွေပြုလုပ်လေ့ ရှိတယ်လို့ သိရပါတယ်။

စစ်တပ်က ပြန်ထိန်းချုပ်သွားတဲ့ တကောင်း၊မော်လူး၊အင်းတော်စတဲ့မြို့တွေအနီးမှာ တိုက်ပွဲ မကြာခဏဖြစ်နေပြီး ဇွန်လ ၁၅ ရက် နောက်ပိုင်းကစတင်ကာ တိုက်ပွဲတွေ ပြင်းထန်နေတာလို့ တော်လှန်ရေးတပ်တွေကလည်း ပြောပါတယ်။

ဆက်စပ်သတင်းများ

သတင်း

စစ်ကိုင်းတိုင်းအထက်ပိုင်း၊ အင်းတော်၊ ကောလင်း၊ဝန်းသိုနဲ့ မော်လူးမြို့ကို ဝင်ရောက်လာတဲ့ စစ်တပ်စစ်ကြောင်းနဲ့ လေကြောင်း၊လက်နက်ကြီးပစ်ခတ်မှုတွေကြောင့် အရပ်သား သေဆုံးသူ ၂၀ဦးထက်မနည်းရှိနေတယ်လို့ ဒေသခံစစ်ဘေးရှောင်တွေက ပြောပါတယ်။

သတင်း

တရုတ်စီမံကိန်းတွေရှိတဲ့ရခိုင်ပြည်နယ် ကျောက်ဖြူမြို့နယ်အတွင်းက တောင်မော်ဦးရေတပ်စခန်းဝန်းကျင်နဲ့ မင်းတက်တောင်လမ်းဆုံအနီး သိုင်းချောင်းဝန်းကျင်တို့မှာ စစ်တပ်စခန်း​တွေကို အာရက္ခတပ်တော်(AA)ကတိုက်ခိုက်​နေပြီး တိုက်ပွဲအပြင်းအထန်ဖြစ်ပွားနေကြတယ်လို့မြေပြင်သတင်းရင်းမြစ်တွေကပြောပါတယ်။

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

သတင်း

စစ်ကိုင်းတိုင်း အင်းတော်မြို့နဲ့ မော်လူးမြို့အကြားရှိ စစ်တပ်တပ်စခန်း ၃ခုကို တော်လှန်ရေးပူးပေါင်းတပ်တွေ တိုက်ခိုက်သိမ်းပိုက်နိုင်ခဲ့ကြောင်း စစ်ရေးသတင်းရင်းမြစ်က ပြောပါတယ်။