စစ်အာဏာရှင်ဆန့်ကျင်ရေး လှုပ်ရှားမှုတွေ ဝက်လက်နဲ့ က​လေးဒေသမှာ ပြုလုပ်

ဇူလိုင်-၉၊၂၀၂၆။သုည/People’s Spring

စစ်ကိုင်းတိုင်း ဝက်လက်နဲ့ က​လေးမြို့နယ်မှာ ဒေသခံပြည်သူတွေ၊ တော်လှန်သပိတ်အင်အားစုတွေက စစ်အာဏာရှင်ဆန့်ကျင်ရေး လှုပ်ရှားမှုတွေ ဒီကနေ့ (ဇူလိုင် ၉)မှာ ပြုလုပ်ခဲ့ပါတယ်။

ကလေးမြို့နယ်မှာ လူထုတိုက်ပွဲဦးဆောင်ကော်မတီက ဒေသခံပြည်သူတွေနဲ့အတူ ပူးပေါင်းပြီး “စစ်အာဏာရှင်အပါအဝင် အာဏာရှင်စနစ်မှန်သမျှကျဆုံးရေး” အလံမလိပ် အသံမတိတ် လှုပ်ရှားမှု တရပ်ကို ပြုလုပ်ခဲ့ကြပါတယ်။

ကလေးဒေသခံပြည်သူတွေကိုလည်း စစ်ကောင်စီရဲ့ ဖိနှိပ်မှုကိုငြိမ်ခံမနေပဲ၊ စစ်အာဏာရှင်စနစ်ကို “ကျေးလက်ပုန်ကန်၊မြို့ပြဖီဆန်ကာ” ဆိုတဲ့အတိုင်း ရရာကဏ္ဍ နည်းလမ်းအသီးသီးမှ ပါဝင်တိုက်ပွဲဝင်ဖို့ သပိတ်အင်အားစုတွေက တိုက်တွန်းခဲ့ပါတယ်။

Public Service Announcement

ဝက်လက်မြို့နယ် တနေရာမှာလည်း မြောင်မြို့နယ်လူထုသပိတ်တိုက်ပွဲဦးဆောင်ကော်မတီနဲ့ ကျောင်းသားပြည်သူတွေ ပူးပေါင်းပြီး အာဏာရှင်ဆန့်ကျင်ရေးလှုပ်ရှားမှု ပြုလုပ်ခဲ့ပါတယ်။

ယင်းလှုပ်ရှားမှုမှာ စစ်အာဏာရှင်ဆန့်ကျင်ရေးနဲ့ နိုင်ငံရေး သပိတ်တရားဟောပြောခြင်း၊ ဆဲဗင်းဂျူလိုင်အထိမ်းအမှတ် လက်ကမ်းစာစောင်များ ဖြန့်ဝေပေးခြင်း ၊ ” THE LADY” ရုပ်ရှင်ပြသခြင်းတွေ လုပ်ဆောင်ခဲ့ကြပါတယ်။