'/%3E%3C/svg%3E){kind=small}
ဇူလိုင်-၁၉၊ ၂၀၂၆။မေရီ/People’s Spring
ဒီကနေ့ ကျရောက်တဲ့ (၇၉) နှစ်မြောက် အာဇာနည်နေ့မှာ မန္တလေးမြို့က အာဏာသိမ်းစစ်တပ်က လုံခြုံရေး အများအပြားတင်းကျပ်စွာ ချထားပြီး စစ်ဆေးနေကြောင်း ဒေသခံတွေက ပြောပါတယ်။
ဇူလိုင်လ ၁၉ ရက် ဒီကနေ့ မနက်အစောပိုင်းကတည်းက မန္တလေးမြို့ရဲ့ မြို့ဝင်မြို့ထွက်ဂိတ်တွေ၊လမ်းဆုံလမ်းခွတွေနဲ့ အချက်အချာကျတဲ့ နေရာတွေမှာ စစ်တပ်၊ ရဲ၊ ပျူစောထီးနဲ့ မီးသတ်တပ်ဖွဲ့ဝင်တွေ ပါဝင်တဲ့ အင်အားအများအပြားနဲ့ စစ်ဆေးတာ၊ ကင်းပုန်းချတာတွေ ပြုလုပ်နေကြောင်း ဒေသခံတွေက ပြောပါတယ်။
“”မနက်ကတည်းက လမ်းဆုံတွေမှာ အင်အားအပြည့်နဲ့ စစ်နေတာ။ ကားတွေရော၊ သုံးဘီးတွေရော အကုန်တားပြီး စစ်ဆေးနေတယ်”လို့ ဒေသခံ အမျိုးသားတစ်ဦးက ပြောပါတယ်။
Public Service Announcement
ဒါ့အပြင် အာဇာနည်နေ့ ဝမ်းနည်းခြင်းအထိမ်းအမှတ်အဖြစ် ပြည်သူတွေ အနက်ရောင် ဝတ်ဆင်ကာ စစ်အာဏာရှင်ဆန့်ကျင်ရေး လှုပ်ရှားမှုတွေ ပြုလုပ်မှာကို စိုးရိမ်ပြီးအင်္ကျီအနက်ရောင်တွေ မဝတ်ဆင်ကြဖို့ အုပ်ချုပ်ရေးမှူးတချို့က လိုက်လံပြောဆို တားမြစ်မှုတွေ ရှိနေကြောင်း သိရပါတယ်။
