ဇူလိုင်-၂၁၊၂၀၂၆၊ကတ်သရင်း/People’s Spring
မြင်းခြံမြို့ကပျူစောထီးခေါင်းဆောင်သီတာယုမွန်ကိုအုပ်ချုပ်ရေးပိုင်းဝင်ရောက်စွက်ဖက်မှု နဲ့ ပျူတွေက ပြည်သူကိုမတရားသတ်ဖြတ်မှု တွေကြောင့် စစ်အုပ်စုက ပြန်လည်စစ် ဆေးနေတယ်လို့ မြို့ခံတွေကပြောပါတယ်။
ဇွန်လက ပြုလုပ်ခဲ့တဲ့ မြင်းခြံမြို့ကစစ်တပ်လက်အောက်ခံအုပ်ချုပ်ရေးမှူးရွေးချိန်မှာ စစ်တပ်လက်အောက်ခံ မြင်းခြံပျူ စောထီးခေါင်း ဆောင်သီတာယုမွန်က ကျောင်းတက် နေတဲ့ ကျောင်းသား တွေအထိတ်တလန့်ဖြစ်တယ်ဆိုပြီး လူကြီးရွေးပွဲကော်မတီဝင် ၅ဦးကို ငေါက်ငမ်းတဲ့ ရုပ်သံဖိုင်ကိုလူမှုကွန်ယက်မှာ တင်ခဲ့ပါတယ်။အဲဒီနောက် လူကြီးရွေးပွဲကော်မတီဝင်ဆိုသူတဦးက လူ့အခွင့်အရေး ကော်မရှင်ကို တိုင်ကြားတာမို့ စစ်ဆေးနေတာလို့ စုံစမ်းသိရပါတယ်။
“ဖြစ်စဉ်မှန်ပါတယ်။ဒါပေမယ့်အမှုကဒီအတိုင်းပြီးသွားမယ်ထင်တယ်။ပထမက အုပ်ချုပ်ရေးအဖွဲ့အစည်းတွေကိုတိုင်တာ။ဘယ်သူမှ အ ရေးမယူရဲလို့ လူ့အခွင့်အရေးကိုတိုင်တာလို့ပြောတယ်။ခေါ်မေးတယ်လို့ တော့ကြားတယ် အဲဒီအမျိုးသမီးက အခုတိုင်ချင်တဲ့ဆီတိုင်ဆိုပြီး ရမ်းကားနေတာ”လို့ မြင်းခြံကဒေသခံအမျိုးသမီးတဦးကပြောပါတယ်။
Public Service Announcement
ဒါ့အပြင်ဇူလိုင်လ ၁၇ ရက်နေ့ကလည်အမှတ်(၅)ရပ်ကွက်မှာ ဦးမင်းကိုကညီမဖြစ်သူနဲ့ စကားများရန်ဖြစ်တာ ကြောင့်အတိုင်ခံရပြီးပြည်သူ့စစ်ဆိုသူတွေကလာဖမ်းသွားပါတယ်။ အဲဒီနောက် ည၁၂နာရီခန့်မှာ ဦးမင်းကို သေဆုံးသွားကြောင်းပျူတွေကဖုန်းဆက် အကြောင်းကြားခဲ့ပြီး အလောင်းပြန်ရဖို့အတွက်မိသားစုဝင်တွေက ငွေပေးထုတ်ခဲ့ရတယ်လို့ မြို့ခံတွေကပြောပါတယ်။
မိသားစုက လုံခြုံရေး စိုးရိမ်ကာ အမှုမဖွင့်ရဲသလို ရဲတွေလည်း အမှုမဖွင့်ရဲဘူးလို့ ဒေသခံတွေကပြောပါတယ်။
“မလွယ်ဘူးအခုက တခုခုဆို အကုန်ပျူ တွေရောက်လာတာ။မြို့တွင်းမှာ အကုန် ကြောက် နေရတာ”လို့ မြို့ခံအမျိုးသမီးက ဆက်ပြောပါတယ်။
မြင်းခြံမြို့တွင်းမှာပျူတွေကမကြာခဏဆက်ကြေးတောင်းတာ၊လူငယ်တွေကို ပေါ်တာဆွဲတာ၊ပြည်သူတွေကို အကြမ်းဖက်သတ်ဖြတ်တာ တွေမကြာခဏလုပ်နေပြီး ရဲစခန်းအပါအဝင် စစ်အုပ်စု ဌာန တွေကို တိုင်ကြားပေ မယ့် စစ်တပ်က အရေး မယူခဲ့ဘူးလို့ ဒေသခံတွေကပြောပါတယ်။
