စက်တင်ဘာ ၂၊၂၀၂၆။သုည/People’s Spring
စစ်ကိုင်းတိုင်း၊ ရွှေဘိုမြို့နယ်အတွင်းက ရေဘေးသင့်ပြည်သူတွေကို ရွှေဘိုမြို့နယ် သပိတ်အင်အားစုဝင်တွေက ကျန်းမာရေး စောင့်ရှောက်မှုတွေ ဒီကနေ့ (စက်တင်ဘာ ၂) ပြုလုပ်ပေးခဲ့ပါတယ်။
စစ်ကိုင်းဒေသသပိတ်အင်အားစု နဲ့ ရွှေဘိုမြို့နယ်သပိတ်အင်အားစု Mobile Medical Team တို့ပူးပေါင်းပြီး ရေဘေးသင့်စစ်ရှောင်ပြည်သူတွေကို လိုအပ်တဲ့ ဆေးဝါးထောက်ပံ့တာ ၊ ကျန်းမာရေးစောင့်ရှောက်မှုပေးတာတွေကို ပြုလုပ်ခဲ့ကြတာပါ။
ဒါ့အပြင် စက်တင်ဘာ ၁ ရက်ကလည်း BTS JUNGKOOK ရဲ့ (၂၉) နှစ်ပြည့် မွေးနေ့အလှူအဖြစ် TaeKook World MM page မှ စုပေါင်းလှူဒါန်းသော ကူညီထောက်ပံ့မှုတွေကို စစ်ကိုင်းတိုင်းဒေသ သပိတ်အင်အားစုနဲ့ ရွှေဘိုမြို့နယ် သပိတ်အင်အားစုတို့ ပူးပေါင်း လှူဒါန်းပေးခဲ့ပါတယ်။
Public Service Announcement
ရွှေဘိုမြို့နယ်မှ ရေဘေးသင့် ပြည်သူတွေကို စားနပ်ရိက္ခာ၊ ငါးသေတ္တာဗူး၊ ဆီ၊ ကြက်ဥ၊ ရိက္ခာခြောက်၊ ရေသန့်နဲ့ ဓာတ်ဆားတွေကို ကူညီထောက်ပံ့ခဲ့ကြပါတယ်။
ရေဘေးသင့် စစ်ရှောင်တွေအတွက် ဆေးဝါးနဲ့ စားနပ်ရိက္ခာ အကူအညီတွေ လိုအပ်နေဆဲ ဖြစ်တဲ့အတွက် ဝိုင်းဝန်းကူညီကြဖို့အတွက်လည်း ရွှေဘိုမြို့နယ် သပိတ်အင်အားစုက တိုက်တွန်းနှိုးဆော်ထားပါတယ်။
