ဖာပွန်က လယ်မူပလောစစ်တပ်စခန်းကို KNU သိမ်းယူ

စက်တင်ဘာ – ၈ ၊၂၀၂၆ ၊နိုင်ပကောင်း/People’s Spring

ကရင်ပြည်နယ် ၊ဖာပွန်ခရိုင်( မူတြော်)ထဲမှာတပ်စွဲထားတဲ့အာဏာသိမ်းစစ်တပ်ရဲ့ထော်မူပလဲမဲစခန်းကို ဒီနေ့(စက်တင်ဘာ ၈)ရက်မှာ KNU တပ်က တက်ရောက်ရှင်းလင်းသိမ်းယူလိုက်တယ်လို့ KNU မူတြော်ခရိုင်၊ တပ်မဟာ(၅)ပြောရေးဆိုခွင့်ရှိသူ ပဒိုစောထိုရော်ဘင်က အတည်ပြုပါတယ်။

မူတြော်ခရိုင်မြောက်ပိုင်း၊ လူသောမြို့နယ်မှာရှိတဲ့ ဒေသအခေါ် ထော်မူပလဲမဲစခန်း(လယ်မူပလော)ကို ပြီးခဲ့တဲ့ ၂၀၂၅ ခုနှစ် ၊ မေလမှာစတင်ကာ KNU တပ်မဟာ(၅)က ဝန်းရံပိတ်ဆို့ထားတာပါ။

အဲဒီနောက်စစ်တပ်စခန်းကို ရိက္ခာဖြတ်တောက်တာ၊မြေပြင်စစ်ကူမပို့နိုင်အောင်လမ်းကြောင်းဖြတ်တောက်တာနဲ့ပစ်ခတ်တိုက်ခိုက်မှုတွေ အဆက် မပြတ်လုပ်ဆောင်ခဲ့တာပါ။

Public Service Announcement

အဲဒီလို ဝန်းရံပိတ်ဆို့ဖြတ်တောက်တိုက်ခိုက်ခံရပြီးနောက်ဒီနေ့ (စက်တင် ဘာလ ၈ ရက်)မနက်ပိုင်းမှာတော့စခန်းကို စစ်သားတွေ စွန့်ခွာ ထွက်ပြေးသွားတာကြောင့် KNU တပ်မဟာ (၅) က တက်ရောက်ရှင်းလင်းပြီးသိမ်း ယူလိုက်တာလို့သိရပါတယ်။

မူတြော်ခရိုင်မြောက်ပိုင်း၊ လူသောမြို့နယ်မှာရှိတဲ့ ထော်မူပလဲမဲ(လယ်မူပလော)စခန်းဟာ ပဲခူးတိုင်း၊ တောင်ငူမြို့နယ်အခြေစိုက် အာဏာသိမ်းစစ်တပ်ရဲ့ တောင်ပိုင်းတိုင်းစစ်ဌာနချုပ်လက်အောက်ခံတပ်ထိုင်တဲ့စခန်းဖြစ်ပါတယ်။