စက်တင်ဘာ-၉၊၂၀၂၆။အိမ်သွင်/People’s Spring
နေပြည်တော်မှာ စစ်တပ်ရဲ့ ပြည်ထဲရေးဝန်ကြီး ဒုတိယဗိုလ်ချုပ်ကြီးညွန့်ဝင်းဆွေရဲ့ ကိုယ်ရေးအရာရှိ (PSO)မောင်းလာတဲ့ကားတိုက်မိလို့ ဒုဗိုလ်မှူးကြီး ၁ ဦး သေဆုံးပြီး နောက်ထပ်အရာရှိ ၁ဦးလည်း ဒဏ်ရာရရှိခဲ့တယ်လို့ စု့စမ်းသိရပါတယ်။
ဒုတိယဗိုလ်ချုပ်ကြီးညွန့်ဝင်းဆွေရဲ့ကိုယ်ရေးအရာရှိ ဗိုလ်ကြီးဝင်းနိုင်ထွန်းမောင်းလာတဲ့ကားက ထောက်ပံ့နဲ့ပို့ဆောင်ရေးတပ်က ဒုဗိုလ်မှူးကြီး အောင်ဟိန်းထွန်းနဲ့ ဒုအရာခံဗိုလ် ပြည့်ငြိမ်းမောင်းလာတဲ့ဆိုင်ကယ်ကို တိုက်မိခဲ့တာ ဖြစ်ပါတယ်။
အဲ့ဒီ ယာဉ်တိုက်မှုက ပျဥ်းမနားမြို့နယ်က ရန်ကုန်-မန္တလေးကားလမ်းဟောင်းပေါ် မှာ စက်တင်ဘာ ၈ ရက် ည ၁၁ နာရီခန့်မှာဖြစ်ပွားခဲ့တာဖြစ်ပြီး ဒုဗိုလ်မှူးကြီး အောင်ဟိန်းထွန်းက ဆေးရုံအရောက်မှာ သေဆုံးခဲ့တာလို့ ဒေသခံသတင်းရင်းမြစ်က ပြောပါတယ်။
Public Service Announcement
” ဖြစ်ပြီး မိနစ်အနည်းငယ်အကြာမှာ လူမှုရေးအဖွဲ့တွေသွားသယ်ခဲ့တာ။ စစ်တပ်ကနောက်ကလိုက်လာပြီး သတင်းမတင်ကြဖို့ ပြောတယ်”လို့ ဒေသခံတစ်ဦးက ပြောပါတယ်။
ဒုအရာခံဗိုလ် ပြည့်ငြိမ်းလည်း ဆေးရုံမှာကုသနေရဆဲလို့ သိရပါတယ်။ ယာဉ်တိုက်မှုဖြစ်တဲ့ စစ်ကောင်စီတပ်ဖွဲ့ဝင်တွေဟာ KTV ကနေ အပြန်မှာဖြစ်တာလို့ ဒေသခံအချို့ကပြောပေမယ့် သီးခြားအတည်ပြုလို့ မရသေးပါဘူး။
ဗိုလ်ကြီးဝင်းနိုင်ထွန်းကို စစ်တပ်က ညတွင်းချင်း ဖမ်းခေါ်သွားတယ်လို့လည်း သတင်းရရှိပါတယ်။
