အောက်တိုဘာ-၁၂၊ ၂၀၂၆။ခိုင်မြတ်/ People’s Spring
စစ်တွေမြို့နယ်မှာ တိုက်ပွဲတွေပြင်းထန်နေရာ အာရက္ခတပ်တော်(AA)က အမြင့်ကျွန်းရှိစစ်တပ်စခန်း နှစ်ခုကိုထပ်မံသိမ်းပိုက်နိုင်ခဲ့ပါတယ် ။
အောက်တိုဘာ ၁၀ ရက် နဲ့ ၁၁ ရက်မှာ အမြင့်ကျွန်းရှိစစ်တပ်စခန်း ၂ ခုကို AA ကထပ်မံသိမ်းပိုက်နိုင်ခဲ့တာဖြစ်ပြီး AA ကရှေ့ကိုတိုးပြီးတော့ထိုးစစ်ဆင်နေတယ်လို့ AA သတင်းရင်းမြစ်ကပြောပါတယ် ။ ရေချမ်းပြင်ဘက်မှာလည်း စစ်တပ်ရဲ့ဘန်ကာတွေကို AA ကသိမ်းပိုက်ရရှိတယ်လို့သူကဆက်ပြောပါတယ်။
“အမြင့်ကျွန်းက စခန်းနှစ်ခုရတယ်။ မနေ့ကနဲ့ တနေ့ကရတာ။ရှေ့တိုးနေကြတယ်။ နာရီကန်နားကနေလည်း တိုက်ပွဲဖော်နေတယ်။ ရေချမ်းပြင်ဘက်မှာလည်း ဘန်ကာတွေရထားတယ်။ စခန်းကြီးတော့ မဟုတ်ဘူး။ေွးတွေ နေခဲ့တဲ့ ကင်းစခန်ငယ်ပါ၊ အထိနာပြီးတော့ ဆုတ်ပြေးသွားလို့ ရလိုက်တာ။ “လို့ AA သတင်းရင်းမြစ်က ရှင်းပြပါတယ်။
Public Service Announcement
ဒါ့အပြင်အခုရက်ပိုင်းအတွင်း တိုက်ပွဲပြင်းထန်ခဲ့တဲ့ ငပြီကျွန်းမှာလည်း စစ်သားအလောင်း ၄၀ လောက်ရပြီး စစ်သုံ့ပြန်းအချို့ကို ဖမ်းဆီးရရှိထားတယ်လို့ မြေပြင်စစ်ရေးသတင်းရင်းမြစ်တဦးက ပြောပါတယ်။ ငပြီကျွန်းပေါ် တက်လာတဲ့ စစ်သားဆယ်နဲ့ချီကျန်နေသေးပြီး တိုက်ပွဲဆက်လက်ဖြစ်ပွားနေတယ်လို့သိရပါတယ် ။
“(ငပြီကျွန်းတိုက်ပွဲမှာ)စစ်သားအလောင်း ၄၀ လောက်ရပြီ၊ ဖမ်းမိတာ ၂၀ ကျော်လောက်ရှိတယ်။ ေွး တွေကျန်တော့ကျန်ပါသေးတယ်။ ဒီကောင်တွေ ၅၀၊ ၆၀ လောက်က ကျန်မယ်ထင်တယ်။ လိုက်ပြီးတော့ ရှင်းနေတုန်းပဲ။အလယ်ရွာကို ရသွားတာဟုတ်တယ်။ အလယ်ရွာဆိုတာက အိမ် ဆယ်ကိုးဆောင်ပဲ ရှိတဲ့ရွာပါ၊ စာသင်ကျောင်းတခု ရှိတယ်။အဲဒီမှာ ဓါတ်ပုံရိုက်ကြတာ။ ဒါပေမယ့် ခဏပါပဲ၊ အခုတာ(ပုဇွန်ကန်)တွေမှာ ပုန်းနေကြတယ် ဒီကောင်တွေ”လို့ အထက်ပါစစ်ရေးသတင်းရင်းမြစ်က ပြောပါတယ်။
ဒါ့အပြင် စစ်တပ်ရဲ့ရေတပ် သင်္ဘောတွေဟာ ငပြီကျွန်းမှာ ကမ်းတက်လို့ထပ်မရတော့ဘဲအဝေးကနေ လက်နက်ကြီးနဲ့ ငပြီကျွန်းပေါ် လှမ်းပစ်နေတယ်လို့သူကဆက်ပြောပါတယ်။
ငပြီကျွန်းဟာ စစ်တွေမြို့ရဲ့အဓိကရေတပ်ထောက်ပို့ကာကင်းစခန်းကြီးဖြစ်တဲ့ ရွှေမင်းဂံရေတပ်ရဲ့ အရှေ့ဘက်တမိုင်ကျော်အကွာ၊ ပေါက်တောမြို့ရဲ့ အနောက်ဘက် ခြောက်မိုင်ကျော်အကွာ ကုလာတန်မြစ်ပေါ်မှာ တည်ရှိပါတယ်။ စတုရန်းဧက လေးထောင်ကျော်အကျယ်အဝန်းရှိတဲ့ ရေလယ်ကျွန်းတခုဖြစ်ပါတယ်။အဲဒီကျွန်းပေါ်မှာ လူနေကျေးရွာသုံးရွာတည်ရှိပါတယ်။
စစ်တပ်ကရွှေမင်းဂံရေတပ်စခန်းရဲ့အရှေ့ဘက်ကုလားတန်မြစ်လယ်ကျွန်း ဖြစ်တဲ့ ငပြီကျွန်းကိုအောက်တိုဘာ ၇ ရက်ကစပြီးထောက်ပို့လေယာဉ်Y12 ၊တိုက်လေယာဉ် ၁၀ စီးကျော်၊ စစ်သေင်္ဘာ ၅ စီးခန့်နဲ့ ပစ်ကူပေးကမ်းတက်ဖို့ကြိုးစားခဲ့တာဖြစ်ပြီး စစ်သားအချို့ကမ်းပေါ်တက်နိုင်ခဲ့ပါတယ်။
AA ကငပြီကျွန်းပေါ် တက်လာတဲ့ စစ်တပ်ကို တိုက်ခိုက်နေသလို တချိန်တည်းမှာ စစ်တွေမြို့နယ်အတွင်းရှိ စစ်တပ်ကာကင်းစခန်းတွေကိုလည်း ထိုးစစ်ဆင်တိုက်ခိုက်နေတာဖြစ်ပါတယ်။အောက်တိုဘာ၈ ရက်ညနေပိုင်းမှာ ငပြီကျွန်းအနီးကိုကမ်းတက်ဖို့ကြိုးစားတဲ့ စစ်သင်္ဘောတွေကို AA က လက်နက်ကြီး၊ ဒရုန်းတွေနဲ့ပစ်ခတ်တိုက်ခိုက်ခဲ့တာမှာသင်္ဘော တစီးထိမှန်ကာ စစ်သား ၂၀ ခန့်သေဆုံးခဲ့တယ်လို့မြေပြင်စစ်ရေးသတင်းရင်းမြစ်တွေကပြောပါတယ်။
ဒါပေမယ့်စစ်ရေယာဥ်အချို့ ငပြီကျွန်းမှာကပ်နိုင်တာကြောင့် စစ်သားဆယ်နဲ့ချီကျွန်းပေါ်ထပ်ရောက်ပြီး တိုက်ပွဲတွေဆက်လက်ဖြစ်နေတာဖြစ်ပါတယ် ။တိုက်ပွဲတွေမှာ AA တပ်ဖွဲ့ဝင်အချို့လည်းထိခိုက်ကျဆုံးမှုရှိတယ်လို့သိရပါတယ်။
စစ်တပ်ဟာ စစ်တွေမြို့ရဲ့ အနောက်ဘက်ရေချမ်းပြင်ဝန်းကျင်၊ မြောက်ဘက် ပါဒလိတ်တပ်ရင်းအနီး အမြင့်ကျွန်းဝန်းကျင်၊ ရွှေမင်းဂံရေတပ်စခန်းဝန်းကျင်တို့မှာရှိတဲ့စစ်တပ်ရဲ့ တပ်စခန်းတွေ ကို AA ကထိုးစစ်ဆင်တိုက်ခိုက်လာပြီး အထိနာနေချိန်မှာငပြီကျွန်းကို ကမ်းကပ်ပြီးထိန်းချုပ်နိုင်ဖို့ကြိုးစားခဲ့တာဖြစ်ပါတယ်။AA ကလည်း ငပြီကျွန်းမှာ စစ်တပ်ကိုခုခံတိုက်ခိုက်နေသလို ကျန်နေရာတွေကလည်းစစ်တပ်ကို အရှိန်မြှင့်ထိုးစစ်ဆင်ရင်းစစ်စခန်းအချို့ကို ထပ်မံသိမ်းယူနိုင်ခဲ့တာဖြစ်ပါတယ် ။ဒါကြောင့်တိုက်ပွဲတွေဟာ စစ်တွေမြို့နဲ့ ပိုနီးလာပြီဖြစ်ပါတယ် ။
စစ်တပ်ဟာ ရခိုင်ပြည်နယ် စစ်တွေအပြင် ကျောက်ဖြူ၊ ရခိုင်ရိုးမအရှေ့ဘက်ခြမ်း မကွေးတိုင်း ပဒါန်း၊ မင်းတုန်း၊ ပဲခူးတိုင်း ပန်းတောင်၊ ဧရာ၀တီတိုင်း ရေကြည်၊ သာပေါင်းမြို့နယ်တို့ကနေ AA ထိန်းချုပ်ရာဒေသတွေကို ပြီးခဲ့တဲ့ စက် တင်ဘာ ၄ ရက်နေ့ကစကာ ၄၉၂၆ စစ်ဆင်ရေးလို့ကြွေးကြော်ပြီး တန်ပြန်ထိုးစစ်ဆင်နေခဲ့တာ တလကျော်ရှိပြီဖြစ်ပါ တယ်။
တလကျော်ပေမယ့် AA စခန်းတခုမှ မသိမ်းနိုင်ဘဲ AA ကသာ စစ်တပ်စခန်းတွေကို ပြန်သိမ်းနေပြီး AA ကခုခံစစ်ကနေ ထိုးစစ်အသွင်နဲ့ ပြန်လည်တိုက်ခိုက်နေတာဖြစ်ပါတယ်။
AAက ပြည်သူ၅၁ဦးသေဆုံးပြီး ၆၀ ကျော် ဒဏ်ရာရခဲ့တဲ့ ကျောက်တော်ဗုံးကြဲမှုနောက်ပိုင်း အောက်တိုဘာလဆန်းမှစပြီး ရခိုင်ပြည်တွင်ထိုးစစ်အရှိန်မြှင့်လိုက်တာဖြစ်ပါတယ်။တောင်မော်ဦးရေတပ်စခန်းကာကင်းတွေကို လည်း ထိုးစစ်အသွင်နဲ့ တိုက်ခိုက်နေခဲ့တာဖြစ်ပါတယ်။
စစ်တပ်ဝါဒဖြန့်လူမှုကွန်ယက်တွေမှာတော့ ရခိုင်တိုက်ပွဲတွေမှာ စစ်တပ်က အသာရနေပြီး AA အထိနာနေတယ်လို့ ဝါဒဖြန့်နေတာတွေ့ရပါတယ်။ စစ်တပ်ဟာ စစ်ဆင်ရေးတလကျော်ကာလအတွင်း စစ်တွေမြို့ နယ်အတွင်းက တပ်စခန်း ၁၁ ခု၊ ကျောက်ဖြူမြို့နယ် အတွင်းက ၂ ခု၊ မင်းတုန်းမြို့နယ်အတွင်းက ၁ ခု ၊ စုစုပေါင်းတပ်စခန်း ၁၄ ခုထက်မနည်းကို လက်လွှတ်ခဲ့ရပြီး ဖြစ်ပြီး အကျအဆုံးတွေလည်းရာချီ ရှိနေပြီဖြစ်တယ်လို့မြေပြင် သတင်းရင်းမြစ်တွေက ပြောပါတယ်။
