'/%3E%3C/svg%3E){kind=small}
နိုဝင်ဘာ ၁၂၊ ၂၀၂၆။ ထားမြတ်/People’s Spring
ပဲခူးတိုင်း၊ ရွှေကျင်မြို့နယ် ကျိုက်ထီးရိုးလေးကျေးရွာကို အာဏာသိမ်း စစ်တပ်က လေကြောင်းတိုက်ခိုက်ခဲ့လို့ စစ်ဘေးရှောင် အမျိုးသား၂ ဦး ထိခိုက်ဒဏ်ရာရရှိခဲ့ရပြီး ဓမ္မာရုံ (၁) ရုံလည်း ပျက်စီးခဲ့ရတယ်လို့ ကရင်အမျိုးသားအစည်းအရုံး(KNU) ဗဟိုကသတင်းထုတ်ပြန်ပါတယ်။
Public Service Announcement
KNU အုပ်ချုပ်မှုနယ်မြေ သတ်မှတ်ချက်အရ ခလယ်လွီထူခရိုင်၊ ဆောထိ(ရွှေကျင်) မြို့နယ် ထီးဝါးဘွေးခီး ကျေးရွာအုပ်စုအတွင်းရှိ ဝါးဖြူတောင်(ကျိုက်ထီးရိုးလေး)ကို စစ်တပ်က နိုဝင်ဘာ ၁၀ရက် မနက်မှာ တိုက်လေယာဉ်နဲ့ ဗုံးကြဲ ခဲ့တာဖြစ်ပါတယ်။
စစ်တပ်က ပေါင် ၃၀၀ ဗုံး ၄ လုံးကြဲချတိုက်ခိုက်ခဲ့ရာ ကျိုက်ထီးရိုးလေးရှိ ဓမ္မာရုံ (၁)ရုံ ထိမှန်ပျက်စီးခဲ့ရပြီး စစ်ဘေးရှောင် အမျိုးသား၂ ဦး ထိခိုက်ဒဏ်ရာရရှိခဲ့ဟု ဖော်ပြထားပါတယ်။
အာဏာသိမ်းစစ်တပ်ဟာ ရွှေကျင် မြို့နယ်ကို နိုဝင်ဘာပထမပတ်ကတည်းက စစ်ကြောင်းထိုးနေတာဖြစ်ပါတယ်။
နိုဝင်ဘာ ၆ရက်မှ စတင်ကာ စစ်တပ်စစ်ကြောင်းတွေဝင်ရောက်လာလို့ ထီးဝါးဘွေးခီး ကျေးရွာအုပ်စု အတွင်းရှိ ကျေးရွာပေါင်း (၄) ရွာ နဲ့ ဝင်းကံကျေးရွာအုပ်စုအတွင်းရှိ ကျေးရွာ (၁) ရွာ စုစုပေါင်း ကျေးရွာ (၅) ရွာမှ ဒေသခံ ပြည်သူ ၁၃၀၀ ဦးကျော် ဘေးလွတ်ရာသို့ထွက်ပြေးတိမ်းရှောင်နေရကြောင်း KNU က ထုတ်ပြန်ထားပါတယ်။
အာဏာသိမ်းစစ်တပ်ဟာ KNU အုပ်ချုပ်နယ်မြေအတွင်းရှိ အရပ်သားတွေကို ပစ်မှတ်ထားတဲ့တိုက်ခိုက်မှုတွေ ဆက်တိုက်ပြုလုပ်နေတာဖြစ်ပါတယ်။
