သေမိန့်ကျခံရသူများ

-ဒီပ/People’s Spring

ပြည်မြို့က​နေ မန္တ​လေးမြို့ဆီကိုဒီဇင်ဘာ ၁ ရက်​နေ့ည​နေပိုင်းမှာ ထွက်ခွာလာတဲ့ခရီးသည်တင်ကား​ပေါ်က အသက် ၂၀ ​ကျော်အရွယ် လူငယ်​ ၄ ​ယောက်ဟာ မန္တ​လေးမြို့မ​ရောက်ပဲ ​အောင်လံမြို့ကိုခလရ (၇၁)ထဲ​ရောက်သွားပါတယ်။ ခရီးသည်တင်ကား က ​အောင်လံအဝင်ဆီဆိုင် တစ်ဆိုင်မှာ ဆီဖြည့်​နေတုန်းစစ်သား​တွေက ကား​ပေါ်တက်လာပြီး လူငယ် ၄ ​ယောက်ကို အဓမ္မ​ဖမ်းဆီးခေါ်​ဆောင်သွားပြီး​တော့ အမှတ် (၇၁)​ခြေလျင်တပ်ရင်းကို ပို့လိုက်တာပါ။

​နေပြည်​တော်ပျဥ်းမနားမြို့နယ် ၊ကျီးဖြူရိုးရွာမှာ ဒီဇင်ဘာ ၄ ရက် ည ၈ နာရီ​ကျော်မှာ ရွာထဲလမ်း​လျှောက်​နေတဲ့ လူငယ်သုံးဦး ကို လက်နက်ကိုင်စစ်​ကောင်စီတပ်ဖွဲ့ဝင်​တွေက ကားမီးနဲ့ထိုးပြီးလိုက်ဖမ်းပါတယ် ။ အဖမ်းခံရသူ ၃ ဦးထဲမှာ ၂ ​ယောက်က တအိမ်တည်းက ညီအစ်ကို ၂ ​ယောက်ဖြစ်​နေတာမို့ မိဘ​တွေက ငိုယို​တောင်းပန်တာမှာ မိဘ​တွေကိုပါး​တွေရိုက် ဆဲဆိုပြီးမှ ၁​ယောက်ပြန်လွှတ်​ပေးလိုက်ပါတယ် ။

အထက်ပါဖြစ်ရပ်က လူငယ်​တွေဟာ ဘာပြစ်မှုမှကျူးလွန်ထားခြင်းမရှိပဲ အတင်းအဓမ္မဖမ်းဆီးပြီးစစ်သားသစ်စု​ဆောင်းခံလိုက်ရတာဖြစ်ပါတယ်။ အလားတူပဲ ဒီရက်ပိုင်း နိုင်ငံတစ်ဝန်းက လူငယ်​​ရာပေါင်းများစွာဟာ စစ်​ကောင်စီရဲ့ အကြမ်းဖက်ဖမ်းဆီးမှုကိုခံ​နေရတာဖြစ်ပါတယ် ။​

တစ်နည်းအားဖြင့်​တော့ ဘာပြစ်မှုမှ ကျူးလွန်မထားတဲ့ လူငယ်​တွေ ​သေဒဏ်ချမှတ်ခံရတာဖြစ်ပါတယ် ။စစ်​ကောင်စီစိုးမိုးထားနိုင်​သေးတဲ့ ​နေပြည်​တော် ၊ရန်ကုန် ၊မန္တ​လေး၊ဧရာဝတီ ၊ပဲခူး တိုင်းစတဲ့​ဒေသ​တွေမှာ အဓိကရင်ဆိုင်​နေရတာဖြစ်ပါတယ်။

​သေမိန့်လို့ဘာ​ကြောင့်​ခေါ်လဲ ဆိုရင် ဒီလပိုင်းနိုင်ငံတစ်ဝန်းဖြစ်ပွား​နေတဲ့ တိုက်ပွဲ​တွေမှာ စစ်တပ်က ​သေဆုံးတာ ၊ဒဏ်ရာရတာ ၊ဖမ်းဆီးခံရတာအများစုဟာ စစ်မှု မထမ်းမ​နေရ ဥပ​ဒေနဲ့ စု​ဆောင်းခံထားရတဲ့စစ်သား​သစ်တွေဖြစ်​နေလို့ပါပဲ ။အထူးသဖြင့်ရခိုင်ပြည်နယ် မှာ တစ်မြို့ပြီး တစ်မြို့သိမ်း​နေတဲအာရက္ခတပ်​တော်(AA)က အမ်း၊​မောင်​တော ၊​​တောင်ကုတ် ၊ဂွ မြို့သိမ်းတိုက်ပွဲ​တွေမှာ စစ်​ကောင်စီပို့လာသမျှ စစ်ကူစစ်သား​တွေကို ​​ချေမှုန်း​နေတာ​ဖြစ်ပါတယ် ။

မြန်မာနိုင်ငံ​မြောက်ပိုင်းမှာလက်စွမ်းထက်​လှတဲ့ကချင်လွတ်လပ်​ရေးတပ်မ​တော်(KIA) နဲ့ မဟာမိတ်​တွေကလည်း မြန်မာ-တရုတ်နယ်စပ်ကမြို့အကုန်သိမ်းပြီးတဲ့​နောက် ကချင်ပြည်နယ်ရဲ့ ဒုတိယမြို့​တော် ဗန်း​မော်ကိုထိုးစစ်ဆင်တိုက်ခိုက်ပြီး စစ်အုပ်စု​ကို​ချေမှုန်း​နေပါတယ် ။ ချင်းပြည်နယ်မှာလည်း ချင်းညီ​​နောင်တပ်ဖွဲ့ဝင်​တွေက မင်းတပ် ၊ဖလမ်းမြို့သိမ်းတိုက်ပွဲ ၊ စစ်ကိုင်းတိုင်းမှာ PDF ​တွေက အင်း​တော်မြို့သိမ်းတိုက်ပွဲ ​​တွေဆင်နွှဲ​နေသလို ၊ ရှမ်းပြည်နယ်​​တောင်ပိုင်း ၊ကရင်နီပြည်၊ကရင်ပြည်နယ် ၊မ​ကွေးတိုင်း ၊ပဲခူးတိုင်း ၊မန္တ​လေးတိုင်း စတဲ့​ဒေသ​တွေမှာလည်း ​တော်လှန်​ရေးတပ်​တွေက စစ်​ကောင်စီတပ်ကို ​တော်လှန်တိုက်ခိုက်​နေတာပါ။

ဒါ​ကြောင့် တရုတ်နိုင်ငံအကူအညီ နဲ့ ရှမ်းပြည်နယ်​မြောက်ပိုင်းမှာ တိုက်ပွဲ​တွေ​လျော့နည်းသွားပြီး ဟန်ကျပြီထင်​နေတဲ့ အာဏာသိမ်းစစ်အုပ်စုအတွက်ကျန် နိုင်ငံ့အစိတ်အပိုင်း​နေရာစုံကတိုက်ပွဲ​တွေ​ကြောင့် အထိနာတာ ဟန်​တောင်မ​ဆောင်နိုင်​တော့ပါဘူး ။ ပို့သမျှစစ်ကူစစ်​ကြောင်း​တိုင်းကိုပါ လမ်းမှာတင် စစ်​ကြောင်းပျက်​အောင် တိုက်​နေတဲ့ အာရက္ခတပ်​တော်ရဲ့ စစ်​ရေစွမ်းရည်​ကြောင့် လည်း စစ်သား​တွေဟာ ရခိုင်သွားရမယ်ဆိုရင် ​ကြောက်လန့်ပြီးထွက်​ပြေးတဲ့အ​ခြေအ​နေ ဆိုက်လာပါတယ် ။

စစ်သားသစ်​တွေဟာ​ရှေ့တန်းတကယ်ပို့ခံရပြီးတကယ်​သေ​နေတယ် ဆိုတာကို ​မောင်​တော ၊သံတွဲ မြို့နယ်တိုက်ပွဲ ​တွေအပါအဝင် အရက္ခပြည်ကတိုက်ပွဲ​တွေ ၊ ကရင်ပြည်နယ်​ဒေါန​တောင်က ​အောင်​ဇေယျစစ်​ကြောင်း​ချေမှုန်းခံရတဲ့ဖြစ်စဥ် ၊ ​လော​လောလတ်လတ် ကရင်နီပြည် လွိုင်​ကော်မြို့နယ်မှာ စစ်​ကြောင်းပျက်သွားတဲ့ ခလရ (၈၈) စစ်​ကြောင်း ဖြစ်စဥ် ၊ ၁၀၂၇ ဒုတိယလှိုင်း တိုက်ပွဲ​တွေ့ကို​လေ့လာကြည့်ရင်အလွယ်တကူသိနိုင်ပါတယ် ။

ဒါ​ကြောင့် စစ်သင်တန်းဆင်းပြီးလို့ ​ရှေ့တန်းထွက်ရမယ်ဆိုတာနဲ့ ဘယ်​ဒေသကိုပဲ သွားရ၊သွားရ စစ်သားသစ်​တွေအတွက် ​သေမိန့်ချ ခံရတာနဲ့အတူတူဖြစ်လာပါတယ် ။ပိုဆိုးတာက​တော့ ​နေ့စဥ်ပြည်သူ​တွေကို သတ်ဖြတ် ၊ဖမ်းဆီးအကြမ်းဖက် ၊​နေအိမ်​တွေမီးရှို့​နေတဲ့ စစ်​ကောင်စီ တပ်ထဲ​ရောက်သွားရင် မစစ်ရာဇဝတ်မှု​တွေ ကျူးလွန်​နေတဲ့ အုပ်စုကြီးရဲ့အစိတ်အပိုင်းဖြစ်သွားတာမို့ လူမ​သေခင် နာမည်ပါအရင်​သေတာဖြစ်ပါတယ် ။

ကရင်နီအမျိုးသားများကာကွယ်​ရေးတပ်(KNDF) ဒုတိယစစ်ဦးစီးချုပ်မာဝီက စစ်သားသစ်စု​ဆောင်းခံရတာဖြစ်လည်း စစ်ယူနီ​ဖောင်းဝတ်ပြီး ​သေနတ်​ပြောင်းပြည်သူဘက်လှည့်ပြီ ဆိုတာနဲ့ ပြည်သူ့ရန်သူဖြစ်သွားပြီမို့ ဘယ်သူ့ကိုဖြစ်ဖြစ် ပြတ်ပြတ်သားသား​ချေမှုန်းမယ်လို့​ပြောထားပါတယ် ​။

ဒါ​ကြောင့် ပြည်သူ​တွေဟာ စစ်​ကောင်စီအတွက် စစ်မှုထမ်းရ​တော့မယ်ဆိုတာနဲ့ ​သေဒဏ်ချခံရတာပဲလို့ သ​ဘောထားပြီးလွတ်​မြောက်​အောင်ကြိုတင်စီစဥ်ထားကြဖို့ အလွန်အ​ရေးကြီးပါတယ် ။ကိုယ်သားသမီး ​ဆွေမျိုး မပါရင် ပြသာနာမရှိဘူးလို့လည်း အတ္တ​မကြီးကြီးဖို့လိုပါတယ် ။ဘယ်သူ့သားသမီး အဆွဲခံရတာဖြစ်​ပါ​စေ ပြည်သူ့အနာဂါတ်​တွေ ပြန်​ပေးဆွဲခံရတာမို့ အချင်းချင်း​ဖေးမပြီး လွတ်​မြောက်​ရေးအတူရုန်းကြဖို့လည်းလိုပါတယ် ။

CDM ဗိုလ်ကြီးလင်းထက်​အောင်က “အဓိကတော့ သူတို့ရဲ့လျော့နည်းလာတဲ့ အင်အားက ဖြည်းဖြည်းချင်းလျော့နည်းတာမဟုတ်ပဲ အုံလိုက်ကျင်းလိုက်ကို ဒီ၂၀၂၄ အတွင်းမှာ ပိုပြီးဆိုးတယ်။စကစဌာနချုပ်တွေ တိုင်းစစ်ဌာနချုပ်တွေ ပျက်ဆီးမှုတွေက သူတို့ရဲ့အင်အားတွေကို သိသိသာသာကိုလျော့နည်းသွားစေနိုင်တယ်။ အဲဒါကြောင့်မိုလို့ အဓမ္မဖမ်းဆီး‌ ခေါ်ဆောင် မှုတွေ ကို ပိုပိုလုပ်မယ်လို့ ကျွန်တော်ကတော့မြင်ပါတယ်”လို့သုံးသပ်ပါတယ် ။

စစ်​ကောင်စီက မတ်လကုန်မှာပဲ အ​​လောတကြီးအသက်သွင်းခဲ့တဲ့ စစ်မှုမထမ်းမ​နေရ ဥပ​ဒေ​ကြောင့်အခုဆိုရင် နိုင်ငံတစ်ဝန်းမှာလူငယ်​သောင်းနဲ့ချီ့ပြီး ဘဝ​တွေ ပျက်စီးခဲ့ရပါတယ် ။စစ်အုပ်စုကအခုဆိုရင် စစ်မှုထမ်းဥပ​ဒေနဲ့ ​ခေါ်တဲ့သင်တန်းအပါတ်စဥ် ၅ ကြိမ်ဆင်းပြီးလို့ သင်တန်း အပါတ်စဥ် ၆ ကိုသင်တန်း​ပေး​နေတာပါ ။ဒါ​ကြောင့် ဒီ ၆ ကြိမ်မှာ အသက် ၁၈ နှစ်က ၃၅ နှစ်အတွင်းလူငယ် နှစ်​သောင်းခွဲ​လောက်က​နေ သုံး​သောင်း​လောက်ဟာ

စစ်ရာဇဝတ်သား​တွေအဖြစ်ဇွတ်သွပ်သွင်းခံရတာဖြစ်ပါတယ် ။နိုင်ငံတစ်ဝန်းတိုက်ပွဲ​တွေမှာ ဒီထဲက မနည်းတဲ့ ကိန်းဂဏန်းရှိတဲ့စစ်သား​တွေ​သေ​ဆုံး၊ဒဏ်ရာရပြီးလည်းဖြစ်ပါတယ် ။

အခုလပိုင်းအတွင်းဇွတ်လိုက်ဖမ်း​ခေါ်​နေတဲ့ စစ်သားသစ်​တွေဟာ သင်တန်းအမှတ်စဥ် ၇ နဲ့ ၈ အတွက်လို့စုံစမ်းသိရပါတယ် ။အ​စောပိုင်းအသုတ်​တွေမှာ​တော့ စစ်တပ်ကို​ထောက်ခံသူ ၊လိုလိုချင်ချင်စစ်​ကောင်စီတပ်သားလုပ်ချင်သူ​တွေပါနိုင်​ပေမယ့် သင်တန်းအပါတ်စဥ်ဂဏန်းကြီးလာတာနဲ့အမျှ စစ်သားမလုပ်ချင်တဲ့ သူပိုများလာပါတယ်။ဒါ​ကြောင့်လည်းစစ်အုပ်စုကအိမ်​တွေ ၊လက်ဖက်ရည်ဆိုင်​တွေ ၊ကား​တွေ ​ပေါ်မှာပါအဓမ္မ လိုက်ဖမ်းပြီး ​ရှေ့တန်းကိုလွှတ်အ​သေခံခိုင်းဖို့လုပ်​နေကြတာပါ ။

မတရားတာက​တော့ စစ်တပ်ကိုချစ်ပါတယ်၊စစ်တပ်ကိုကာကွယ်မယ်ဆိုတဲ့ဆိုတဲ့ အာဏာသိမ်း​ခေါင်း​ဆောင်မင်း​အောင်လှိုင် က​စပြီး စိုးဝင်း ၊ ​အောင်လင်း​ဒွေး ၊ရာပြည့် စတဲ့ အာဏာလု စစ်​ခေါင်း​ဆောင်​တွေ ၊စစ်​ကောင်စီ အရာရှိကြီး​တွေရဲ့ သားသမီး​တွေကြစစ်သားသစ်မလုပ်ရပဲ ဖိနှိပ်ခံပြည်သူ​တွေရဲ့ သားသမီး​တွေကိုသာ အာဏာရှင်​တွေအတွက် ​ရှေ့တန်းလွှတ်စစ်တိုက်ခိုင်း​နေတာဖြစ်ပါတယ် ။

ဒါ​ကြောင့်မရားတဲ့ အမိန့်​တွေ ၊ဥပ​ဒေ​တွေကို ပြည်သူ​တွေက လိမ္မာပါးနပ်စွာဖီဆန်ပြီး ကိုယ့်ရဲ့ရင်​သွေး​တွေ ​သေဒဏ်ချမခံရ​အောင် ကြိုးစားကြဖို့လို့ပါတယ် ။

“အခုချိန်မှာတော့ စစ်မှုထမ်းဥပဒေကိုရှောင်ရှားပြီးလုပ်နိုင်တဲ့ အဖွဲ့တွေ လူငယ်တွေလည်း အများအပြားရှိပါတယ်။ ငါတို့ကတော့ မျက်စိစုံမှိတ်ထည့်လိုက်တော့မယ်ဆိုရင် ကိုယ့်ရဲ့သားသမီး ကိုယ့်ရဲ့ ‌ဆွေမျိုးရင်းချာတွေကို သေတွင်းထဲတွန်းပို့လိုက်တဲ့ပုံစံမျိုးကိုရောက်စေတယ်။ဒါကြောင့်မိုလို့ ကျွန်တော်တို့ လူငယ်တွေ မိဘတွေအနေနဲ့ တတ်နိုင်သမျှ တော်လှန်ရေးအစုအဖွဲ့တွေနဲ့ ချိတ်ဆက်ပြီးရှောင်ရှားတာက အလုံခြုံဆုံးဖြစ်မယ်လို့ပြောချင်တယ်။ ဘာကြောင့်လဲဆိုတော့ အခုချိန်မှာ လွတ်မြောက်နယ်မြေတွေပေါ်လာပြီ။ စိုးမိုးနယ်မြေတွေမှာ တော်လှန်ရေးတပ်ဖွဲ့တွေရဲ့ လုပ်ကိုင်ဆောင်ရွက်မှုတွေများလာပြီ။ တော်လှန်ခြင်းကသာ အခုချိန်မှာအကောင်းဆုံးနည်းလမ်း လို့မြင်တယ်” လို့ CDM ဗိုလ်ကြီးလင်းထက်​အောင်ကအကြံပြုပါတယ် ။

​တော်လှန်​ရေးအဖွဲ့​တွေကိုဆက်သွယ်တာ ၊ပူး​ပေါင်းတာကို​တော့သက်ဆိုင်ရာ​တော်လှန်​ရေးအဖွဲ့​တွေနဲ့​ဆွေး​နွေး​တိုင်ပင်ပြီးလုပ်သင့်တယ်လို့သူကဆိုပါတယ် ။ စစ်​မှုထမ်းဥပ​ဒေ​ကြောင့် စစ်သားမလုပ်နိုင်လို့ ​တော်လှန်​ရေးအဖွဲ့​တွေကို ဆက်သွယ်ပြီး စစ်တပ်ကို​တော်လှန်​နေတဲ့ လူငယ်​ထောင်​ပေါင်းများစွာလည်း ရှိ​နေပြီဖြစ်ပါတယ် ။​တော်လှန်​ရေးအဖွဲ့​တွေကို မသိသူ ၊​တော်လှန်​ရေးအဖွဲ့​တွေကို ဘယ်လိုဆက်သွယ်ရမှန်းမသိသူ​တွေအတွက်​တော့ဒီအဆင့်မှာအခက်အခဲရှိမှာဖြစ်ပါတယ် ။ဒါ​ပေမယ့် “လိုရင်ကြံဆ နည်းလမ်းရ “ဆိုသလို အခက်အခဲ​တွေကို ​ဖောက်ထွက်နိုင်မယ့်အားထုတ်မှု​တော့ရှိကြရမှာဖြစ်ပါတယ် ။

အ​ပေါ်ဆုံးမှာကြုံခဲ့ရတဲ့လူငယ်​တွေလို ခရီးသွား​နေရင်း ၊ကိုယ်ရပ်ရွာထဲ​နေ ​နေရင်းစစ်သားသစ်အဖြစ်အဓမ္မဖမ်းဆီး​ခေါ်​ဆောင်ဇာတ်သွင်းခံရပြီဆိုရင်လည်း အရှုံးမ​ပေးဖို့လိုပါတယ် ။လွတ်​​မြောက်ဖို့အတွက် သင်တန်းတက်​နေစဥ်က​နေ ​ရှေ့တန်းပို့ခံရတယ်အထိ တ​​လျှောက်လုံးမှာ အခွင့်အ​ရေးရတာနဲ့ထွက်​ပြေးဖို့ ၊​တော်လှန်​ရေးတပ်​တွေနဲ့သွား​ရောက်ပူး​ပေါင်းနိုင်ဖို့ ဇွဲသတ္တိ၊ ဝရိယ နဲပညာဥာဏ်ရှိကြမယ်ဆိုရင် လွတ်​မြောက်နိုင်မှာဖြစ်ပါတယ် ။

အခုကြုံ​နေရတဲ့ ပြသာနာရဲ့ ဇာစ်မြစ်ကစစ်​ကောင်စီဖြစ်ပါတယ် ။စစ်​ကောင်စီဟာ ဆီးရီးယားမှာ အာဏာရှင် အာဆတ် နဲ့အစိုးရလိုပြုတ်ကျသွားရင် စစ်သားသစ်စု​ဆောင်းတဲ့ပြသာနာလည်း​ဖြေရှင်းပြီးဖြစ်မှာဖြစ်ပါတယ် ။ဒါ​ကြောင့် ပြည်သူ့​တော်လှန်​ရေး ​အောင်ပွဲမြန်မြန်ရ​လေ​လေ ၊ပြည်သူ​တွေ ဒုက္ခခံစားရတာသက်သာ​လေဖြစ်ပါတယ်။

ဒါ​ကြောင့်အဆုံးသတ်အ​ဖြေက​တော့ ပြည်သူ့​တော်လှန်​ရေး​အောင်ပွဲရဖို့ ၊မင်း​အောင်လှိုင်​ခေါင်း​ဆောင်တဲ့စစ်အာဏာရှင်အုပ်စု ပြုတ်ကျ​ရေး က အဓိကပဲဖြစ်ပါတယ် ။​နွေဦး​တော်လှန်​ရေး ​အောင်ပွဲရဖို့ ပြည်သူတဦးချင်းက လုပ်နိုင်တာ ပါဝင်နိုင်တာ​တွေ အားလုံးမှာပိုအားထုတ်လုပ်​ကိုင်ကြဖို့ လိုပါတယ် ။

ပိုတာဝန်ပိုရှိသလို လုပ်နိုင်ကိုင်နိုင်စွမ်းလည်းပိုရှိတဲ့ ​တော်လှန်​ရေးအင်အားစု​တွေက နိုင်ငံအနာဂါတ်လူငယ်​တွေကိုကယ်တင်နိုင်​ဖို့ ​ပြည်သူ့​တော်လှန်​ရေးအောင်ပွဲအမြန်ရ​အောင် ပိုကြိုးစား​ပေးကြဖို့ မေတ္တာရပ်ခံလိုက်ရပါတယ် ။ ။