သတင်း
“ဒေါ်လာက ဈေးဖွင့်တယ်ဆိုတာမရှိတော့မရှိတော့ဘူး။ ကြိုက်ရောင်းကြိုက်ဝယ်ပုံစံဖြစ်နေပြီ”ဟု ငွေလဲလုပ်ငန်းရှင်တစ်ဦးကပြောသည်။
Hi, what are you looking for?
“ဒေါ်လာက ဈေးဖွင့်တယ်ဆိုတာမရှိတော့မရှိတော့ဘူး။ ကြိုက်ရောင်းကြိုက်ဝယ်ပုံစံဖြစ်နေပြီ”ဟု ငွေလဲလုပ်ငန်းရှင်တစ်ဦးကပြောသည်။
“စစ်တပ်နဲ့ နီးစပ်တဲ့ သူဌေးတွေကိုက စစ်ကောင်စီမှာ ဒေါ်လာကော၊ရွှေကော ထိန်းချုပ်နိုင်တဲ့ စွမ်းရည်မရှိတော့ဘူးဆိုတာသိလာတယ်။ မြန်မာ့စီးပွားရေးဘာဆက်ဖြစ်မယ်ဆိုတာ ကြိုသိလာတော့ ရွှေနဲ့ ဒေါ်လာကို ရသလောက် ဝယ်စုနေတာပါ” ဟု လုပ်ငန်းရှင်တစ်ဦးကပြောသည်။
စက်သုံးဆီဈေးဖက်မှာလည်း ရုရှားက ဆီတွေ စက်တင်ဘာလဆန်းပိုင်းမှာ ပြည်တွင်းကိုရောက်မယ်လို့ စစ်ကောင်စီက ပြောဆို ချိန်မှာပဲ တစ်လီတာကို ကျပ်၃၀၀၀အထက်ကိုရောက်သွားပါတယ်။
စစ်ကောင်စီက တစ်ဒေါ်လာကို ကျပ် ၂၁၀၀ သတ်မှတ်ထားသော်လည်း ဈေးကွက်အတွင်း တစ်ဒေါ်လာလျှင် ၃,၁၀၀ကျပ်အထိမြင့်တက်နေသည်ဟု ငွေလဲလုပ်ငန်းရှင်များကပြောသည်။
ဒေါ်လာနှင့်ရွေဈေးနှုန်းများ စံချိန်တင်မြင့်တက်နေသော်လည်းဈေးကွက်အတွင်း အခေါက်ရွှေတုံးများဝယ်ယူ၍မရကြောင်းလည်း ရွှေလုပ်ငန်းရှင်များကပြောသည်။
အဆိုပါ LOTTE ဟိုတယ်တွင် ဩစတြေးလျအစိုးရကလည်း စစ်တပ်၏အာဏာသိမ်းမှုအပြီး ဒေါ်လာ ၅၂၅,၀၀၀ သုံးစွဲခဲ့သည်။
စစ်ကောင်စီက ဒေါ်လာလိုအပ်ချက်ဖြည့်တင်းရန် ပြည်တွင်းရှိ ကုမ္ပဏီများနှင့် လူပုဂ္ဂိုလ်များ၏ နိုင်ငံခြားငွေစာရင်းမှ ဒေါ်လာများကို ဧပြီ ၄ ရက်က တစ်ဒေါ်လာကို ၁၈၅၀ကျပ်ဖြင့် တရက်အတွင်းရောင်းချရမည်ဟု ဖိအားပေးခဲ့သည်။
စစ်တပ်အာဏာမသိမ်းခင် ၂၀၂၁ ဇန်နဝါရီလကုန်ပိုင်းက ၁ ဒေါ်လာလျှင် ၁၃၃၇ ကျပ်သာရှိခဲ့သည်။ထိုကြောင့် ငွေလဲနှူန်းအရဆိုပါက ကျပ်ငွေတန်ဖိုးသည် တစ်နှစ်ခွဲ အကြာတွင်၁၂၄ ရာခိုင်နှူန်းတန်ဖိုးကျဆင်းခဲ့ခြင်းဖြစ်သည်။
လက်ရှိ နိုင်ငံခြားမှ တင်သွင်းရသည့် စားအုန်းဆီအပါအဝင် လူသုံးကုန်ပစ္စည်းများကိုလည်း အကန့်အသတ်ဖြင့်ရောင်းခနိုင်တော့သည်ဟု အခြားလုပ်ငန်းရှင်များကလည်းပြောသည်။
“နိုင်ငံခြားက ဒေါ်လာနဲ့ သွင်းရတဲ့ ကွန်ပျူတာတို့ ၊လျှပ်စစ်ပစ္စည်းတွေကို ခဏအရောင်းရပ်ထားရတယ်၊ ဒေါ်လာဈေးမငြိမ်တော့ ဘာဆက်လုပ်ရမှန်းမသိဘူး”ဟု စီးပွားရေးလုပ်ငန်းရှင်တစ်ဦးကပြောသည်။