News
“ဒေါ်အောင်ဆန်းစုကြည်နဲ့ မတရားဖမ်းဆီးထိန်းသိမ်းခံထားရသူအားလုံးကို ပြန်လွှတ်ပေးဖို့နဲ့ မြန်မာနိုင်ငံဒီမိုကရေစီလမ်းကြောင်းပေါ်ပြန်သွားဖို့ ကျွန်တော်တို့ စစ်ကောင်စီကို တောင်းဆိုပါတယ်” ဟု ၎င်းက ဆိုသည်။
Hi, what are you looking for?
“ဒေါ်အောင်ဆန်းစုကြည်နဲ့ မတရားဖမ်းဆီးထိန်းသိမ်းခံထားရသူအားလုံးကို ပြန်လွှတ်ပေးဖို့နဲ့ မြန်မာနိုင်ငံဒီမိုကရေစီလမ်းကြောင်းပေါ်ပြန်သွားဖို့ ကျွန်တော်တို့ စစ်ကောင်စီကို တောင်းဆိုပါတယ်” ဟု ၎င်းက ဆိုသည်။
အားလုံးပါဝင်သော နိုင်ငံရေးဆွေးနွေးမှု အကောင်အထည်ဖော်ရေး အပါအဝင် အာဆီယံသဘောတူညီချက် ငါးချက်ကို အကောင်အထည်ဖော်ရန် ပြင်သစ်နိုင်ငံသည် အာဆီယံကို အပြည့်အဝ ထောက်ခံအားပေးနေကြောင်း ဆက်လက်ဖော်ပြသည်။
စုစုပေါင်း ထောင်ဒဏ် ၅ နှစ်ဖြစ်ပေမယ့် ဆက်သွယ်ရေးဥပဒေ နဲ့ ပို့ကုန်သွင်းကုန်ဥပဒေ တို့နဲ့စွဲထားတဲ့အမှုတွေကို တပေါင်းတည်းကျခံရမှာဖြစ်တာကြောင့် ဒေါ်အောင်ဆန်းစုကြည်ကို ဒီနေ့ချလိုက်တဲ့ ထောင်ဒဏ်ဟာ ၄ နှစ်ဖြစ်သွားတယ်လို့ တရားရုံးနဲ့နီးစပ်သူတွေထံက သိရပါတယ်။
အမိန့်ချမယ့် အမှုတွေကတော့ သဘာဝဘေးအန္တရာယ်စီမံခန့်ခွဲမှု ပုဒ်မ ၂၅ ၊ ပို့ကုန်သွင်းကုန်ဥပဒေပုဒ်မ ၈ ၊ ဆက်သွယ်ရေးဥပဒေ ပုဒ်မ ၆၇ နဲ့စွပ်စွဲထားတဲ့အမှုတွေဖြစ်ပါတယ်။
ထောင်ဒဏ် ၃ နှစ်အထိ ချလို့တဲ့ ဒီအမှုကို အမိန့်ချမယ့် ရက် ဟာ ၂ ကြိမ်တိုင်ရွှေ့ဆိုင်းလိုက်ပြီးနောက် ဇန်နဝါရီလ ၁၀ ရက်မှာအမိန့်ချ ဖို့ တရားရုံးကသတ်မှတ်လိုက်တာဖြစ်ပါတယ်။
စစ်တပ်အာဏာသိမ်းတဲ့နေ့က နေပြည်တော်က နိုင်ငံတော်အတိုင်ပင်ခံပုဂ္ဂိုလ် နေထိုင်တဲ့အိမ်မှာ ဆက်သွယ်ရေးစကားပြောစက်တွေ တွေ့တယ်ဆိုပြီး ပို့ကုန်သွင်းကုန်ဥပဒေ ၊ ဆက်သွယ်ရေးဥပဒေတွေနဲ့ ဒေါ်အောင်ဆန်းစုကြည်ကိုတရားစွဲထားတာပါ။
အာဏာသိမ်းပြီးနောက် ဒေါ်အောင်ဆန်းစုကြည်နေထိုင်ရာ နေပြည်တော်က နေအိမ်ကို စစ်ကောင်စီတပ်တွေဝင်ရှာရာမှာ တရားမဝင်ဆက်သွယ်ရေးစကားပြောစက်တွေ တွေ့တယ်လို့စွပ်စွဲကာ တရားစွဲထားတဲ့အမှုဖြစ်ပါတယ်။
အာဏာသိမ်းပြီးနောက် စစ်ကောင်စီဟာ ဒေါ်အောင်ဆန်းစုကြည်ကို နှစ်ရှည်ထောင်ဒဏ် ချလို့ရအောင် အမှုပေါင်း ၁၂ မှုနဲ့စွဲဆိုထားတာဖြစ်ပါတယ်။
ဒေါ်အောင်ဆန်းစုကြည်ကို နေပြည်တော်က NLD ပါတီဝန်းရံသူတွေထံသွားရောက်ခဲ့တာနဲ့ပတ်သက်ပြီးကိုဗစ်စည်းကမ်းချိုးဖောက်တယ်ဆိုကာ သဘာဝဘေးပုဒ်မ ၂၅ နဲ့စွဲဆိုထားတာပါ။
ဒေါ်အောင်ဆန်းစုကြည် ကိုထောင်ဝတ်စုံဖြစ်တဲ့ အပေါ်အင်္ကျီအဖြူရောင်နဲ့အညိုရောင်လုံချည် ဝတ်ဆင်ထားတာတွေ့ရတယ်လို့ တရားရုံးနဲ့နီးစပ်တဲ့အသိုင်းအဝိုင်းဆီကသိရပါတယ်။