Connect with us

Hi, what are you looking for?

LuduNwayOo

ဗီဒီယို

ကန်တော်လေးမှာလည်း မင်း​အောင်လှိုင်မွေးနေ့အသုဘအဖြစ်မီးရှို့ဆန္ဒပြ

ရန်ကုန်​မြို့ မင်္ဂလာတောင်ညွန့်မြို့နယ် ကန်တော်လေးတွင် ယနေ့ (ဇူလိုင် ၃ ရက်​) နေ့လည်ပိုင်းက လူငယ်များ စုပေါင်း၍ စစ်​ကောင်စီဥက္ကဌမင်း​အောင်လှိုင်၏ ​မွေး​နေ့ အသုဘပြုလုပ်၍ မီးရှို့ဆန္ဒပြခဲ့ကြသည်။

ယင်းသပိတ်တွင် မြို့နယ်အသီးသီးမှ လူငယ်များနှင့် ပြည်သူများ ၂၀၀ ကျော် ပူးပေါင်းပါဝင်ခဲ့သည်။

“မွေးနေ့မှစ၍ သောင်းလှိုင်သား အသေဆိုးနဲ့ သေစေသား” စာတန်းများ ကိုင်ဆောင်၍ ဒီမ်ိုကရေစီ ရရှိစေရေး ကြွေးကြော်ကာ ချီတက်ဆန္ဒပြခဲ့ကြပြီး မင်းအောင်လှိုင်၏ ဓာတ်ပုံများကိုလည်း မီးရှို့ သဂြိုလ်ခဲ့ကြသည်။

မြန်မာနိုင်ငံတွင် အကြမ်းဖက်စစ်ကောင်စီက မတရားသဖြင့် အာဏာသိမ်းပိုက်ထားသည်မှာ ယနေ့ ရက် ၁၅၃ ပြည့်မြောက်ခဲ့ပြီ ဖြစ်သည်။ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖော်မှုများကို အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။