Connect with us

Hi, what are you looking for?

LuduNwayOo

ဗီဒီယို

ကပ်ရောဂါ မူလအစကို ရှာဖွေမှုတွေ လုံးဝ လက်လျှော့မှာ မဟုတ်ဘူးလို့ WHOပြော

သတင်းတစ်ခုက WHOဟာ ကိုဗစ်ရောဂါ ဖြစ်ပွားစေတဲ့ Sars-Cov-2 ကိုရိုနာဗိုင်းရပ်စ်ရဲ့ မူလအစကို စုံစမ်းဖော်ထုတ်မယ့် အားထုတ်မှုတွေကို စွန့်လွှတ်လိုက်ပြီဖြစ်ကြောင်း ဖော်ပြလာတဲ့နောက် ဖေဖော်ဝါရီ ၁၅ ရက်မှာ ဒေါက်တာ တက်ဒ်ရော့စ် အက်ဒ်ဟာနွမ် ဂီဘရီယီးဆက်စ်က အခုလို တုံ့ပြန်ခဲ့တာပါ။

ကိုဗစ်ရောဂါရဲ့ မူလအစကို ဖော်ထုတ်နိုင်ဖို့ မဆုတ်မနစ် ဆက်ကြိုးစားသွားမယ်လို့ ကမ္ဘာ့ကျန်းမာရေး အဖွဲ့ကြီး (WHO)ရဲ့ အကြီးအကဲက ပြောကြားခဲ့ပါတယ်။

သတင်းတစ်ခုက WHOဟာ ကိုဗစ်ရောဂါ ဖြစ်ပွားစေတဲ့ Sars-Cov-2 ကိုရိုနာဗိုင်းရပ်စ်ရဲ့ မူလအစကို စုံစမ်းဖော်ထုတ်မယ့် အားထုတ်မှုတွေကို စွန့်လွှတ်လိုက်ပြီဖြစ်ကြောင်း ဖော်ပြလာတဲ့နောက် ဖေဖော်ဝါရီ ၁၅ ရက်မှာ ဒေါက်တာ တက်ဒ်ရော့စ် အက်ဒ်ဟာနွမ် ဂီဘရီယီးဆက်စ်က အခုလို တုံ့ပြန်ခဲ့တာပါ။

Sars-Cov-2 ကူးစက်မှုတွေကို ၂၀၁၉ နှောင်းပိုင်းတုန်းက တရုတ်နိုင်ငံ အလယ်ပိုင်း၊ ဝူဟန်မြို့မှာ စတင် ထောက်လှမ်း တွေ့ရှိလာတဲ့နောက် ကိုဗစ်ဟာ ကမ္ဘာ့ကပ်ရောဂါကြီး အဆင့်ထိ ဆင့်ကဲ ကျယ်ပြန့်လာခဲ့တာ ဖြစ်ပါတယ်။ ကပ်ရောဂါကြောင့် ကမ္ဘာတလွှားမှာ လူပေါင်း ၇ သန်းနီးပါးလောက်ထိ အသက်ဆုံးရှုံးခဲ့ရပါတယ်။

Sars-Cov-2 ဗိုင်းရပ်စ်က ဘယ်လိုဘယ်ပုံ အစပြုခဲ့ပြီး လူသားတွေဆီ ကူးစက်တဲ့ အဆင့်ထိ မျိုးဗီဇ ဆင့်ကဲ ပြောင်းလဲမှုတွေ ဘယ်လို ဖြစ်ခဲ့သလဲ ဆိုတာကို ဖော်ထုတ်ဖို့ဟာ အနာဂတ်မှာ အလားတူ ကပ်ရောဂါတွေ ဖြစ်ပွားမှုကနေ တားဆီးဖို့အတွက် အရမ်းအရေးကြီးတဲ့ လုပ်ငန်းစဉ် တစ်ခု ဖြစ်ပါတယ်။

Public Service Announcement

Public Service Announcement

ဒါပေမဲ့ WHOဟာ တရုတ် အစိုးရရဲ့ တောင်းဆိုမှုကို လိုက်လျောပြီး ကိုဗစ်ရဲ့ မူလအစကို စုံစမ်းမှုတွေ ရပ်နားလိုက်ပြီလို့ Nature ဝက်ဘ်ဆိုက်ရဲ့ ဆောင်းပါးတစ်ခုမှာ စွပ်စွဲ ဖော်ပြခဲ့ပါတယ်။

ဒေါက်တာ ဂီဘရီယီးဆက်စ်ကတော့ အဲဒီစွပ်စွဲမှုကို ငြင်းပယ်ပြီး တိကျတဲ့ အဖြေတစ်ခုကို မရမချင်း အဲဒီစုံစမ်းမှုတွေကို အားထည့် ဆောင်ရွက်နေရမှာ ဖြစ်တယ်လို့ ပြောပါတယ်။ ကပ်ရောဂါကြီး တစ်ခုရဲ့ မူလအစကို သိရှိဖို့က သေရေးရှင်ရေးအဆင့် အရမ်းအရေးကြီးပါတယ်လို့လည်း သူက ဆိုတယ်။

နောက်ပြီး သူဟာ မကြာသေးခင်က တရုတ်ရဲ့ ကျန်းမာရေးဌာန ထိပ်တန်း အရာရှိတွေဆီ အကြောင်းကြားစာ ပေးပို့ခဲ့ပြီး WHOရဲ့ စုံစမ်းစစ်ဆေးမှုတွေမှာ ပူးပေါင်းဖို့ တိုက်တွန်းခဲ့ကြောင်း ဒေါက်တာ ဂီဘရီယီးဆက်စ်က အတည်ပြုခဲ့ပါတယ်။ အဲဒီအတွက် တရုတ်ဖက်က ပွင့်လင်းမြင်သာမှုအပြည့်နဲ့ အချက်အလက်တွေ မျှဝေဖို့ လိုတာကိုလည်း သူက ထောက်ပြထားခဲ့ကြောင်း သိရပါတယ်။

Sars-Cov-2ရဲ့ မူလအစ ဗိုင်းရပ်စ်မျိုးစိတ်ကို လင်းနို့တွေက သယ်ဆောင်လာပြီး အဲဒီကမှတဆင့် ကြားခံ တိရစ္ဆာန် တချို့မှာ ဗီဇဆင့်ကဲ ပြောင်းလဲပြီး လူတွေဆီ ကူးစက်လာတယ်လို့ ပညာရှင်တွေက ယေဘုယျ ယူဆထားပါတယ်။ နောက်ထပ် အငြင်းအခုံ ဖြစ်နေတဲ့ သီအိုရီ တစ်ခုကတော့ ဝူဟန်မှာရှိတဲ့ ဓာတ်ခွဲခန်း တစ်ခုကနေ စမ်းသပ်အဆင့် ဗိုင်းရပ်စ်တစ်ခု မတော်တဆ ပျံ့နှံ့လာတယ် ဆိုတာပါ။

Nature ဝက်ဘ်ဆိုက်ကတော့ WHOဟာ ဗိုင်းရပ်စ်ရဲ့ မူလရင်းမြစ်ကို အရှိန်မြှင့် ရှာဖွေရမယ့် ဒုတိယအဆင့် လုပ်ငန်းစဉ်တွေကို တိုးတိုးတိတ်တိတ် လျှော့ချနေတယ်လို့ ဖော်ပြခဲ့ပါတယ်။ ဒါပေမဲ့ WHOရဲ့ ကိုဗစ် တိုက်ဖျက်ရေး လုပ်ငန်းစဉ် ဦးဆောင်နေသူ ဒေါက်တာ မာရီယာ ဗန်ခါကော့ဗ်ကတော့ ဗိုင်းရပ်စ်ရဲ့ မူလအစကို ရှာဖွေရာမှာ ပထမအဆင့်တွေ၊ ဒုတိယအဆင့်တွေ ခွဲခြားထားတာ မရှိဘူးလို့ ဆိုပါတယ်။ ဒါပေမဲ့ ကမ္ဘာ့အနှံ့မှာ ဖြစ်ပေါ်နေတဲ့ နိုင်ငံရေးဆိုင်ရာ အပြောင်းအလဲတွေကတော့ ဗိုင်းရပ်စ်ရဲ့ မူလ ဇစ်မြစ်ကို ရှာဖွေတဲ့ လုပ်ငန်းတွေမှာ နှောင့်နှေး ကြန့်ကြာမှုတွေ ကြုံတွေ့စေတယ်လို့ သူက ဝန်ခံသွားပါတယ်။

ဆက်စပ်သတင်းများ

နိုင်ငံတကာ

ဆေးသိပ္ပံ ပညာရှင် အတော်များများက WHO အနေနဲ့ တိုင်းရင်းဆေးတွေကို သုတေသနပြု လေ့လာချင်တယ်ဆိုတဲ့ စိတ်ကူးကို လက်ခံပေမယ့် အခုလို ညီလာခံမျိုး ဦးဆောင်ကျင်းပပြီး ယူဆောင်နိုင်မယ့် အကျိုးရလဒ် အပေါ်မှာတော့ အကြီးအကျယ် သံသယ မေးခွန်းထုတ်နေကြပါတယ်။

နိုင်ငံတကာ

၂၀၂၁ ခုနှစ်၊ ဇန်နဝါရီလတုန်းက ကပ်ရောဂါကြောင့် သေဆုံးသူ အရေအတွက်ဟာ အပတ်စဉ် ၁ သိန်းကျော်ထိ ရှိခဲ့ပြီး အမြင့်ဆုံး အဆင့်ကို ရောက်ခဲ့ပါတယ်။ ဒါပေမဲ့ အခုနှစ် ဧပြီလ ၂၄ ရက်ထိ အခြေအနေအရ အပတ်စဉ် သေဆုံးသူ ဦးရေဟာ ၃၅၀၀ အောက်ထိ...

နိုင်ငံတကာ

တရုတ်နိုင်ငံ အလယ်ပိုင်းက ဝူဟန်မြို့ဟာ ကိုဗစ်ကပ်ရောဂါ ကူးစက်မှုတွေ အစပြုခဲ့တဲ့ နေရာလည်း ဖြစ်ပါတယ်။ အဲဒီတုန်းက မြို့တွင်းမှာ ဖြစ်ပွားနေတဲ့ ကူးစက်မှု အခြေအနေတွေကို ကမ္ဘာသိ ဖွင့်ချပြခဲ့တဲ့သူတချို့ ပျောက်ဆုံးသွားပြီး အဲဒီထဲမှာ ဖန်ဘင်လည်း အပါအဝင် ဖြစ်ခဲ့ပါတယ်။

ဗီဒီယို

ကြက်ငှက်တုပ်ကွေး ဗိုင်းရပ်စ်တွေထဲက H5N1 မျိုးကွဲဟာ လူသားတွေဆီ ကူးစက်မှု နှစ်ခုကို ဖော်ထုတ် တွေ့ရှိခဲ့တဲ့နောက် ဒီကိစ္စကို WHOက ကမ္ဘောဒီးယား အာဏာပိုင်တွေနဲ့ အနီးကပ် ညှိနှိုင်း ကိုင်တွယ်နေပါတယ်။ အဲဒီ ကူးစက်လူနာ နှစ်ဦးစလုံးဟာ မိသားစု တစ်ခုတည်းက ဖြစ်ပါတယ်။