Connect with us

Hi, what are you looking for?

LuduNwayOo

ဗီဒီယို

အမေရိကန် ကတိပြုထားတဲ့ တင့်ကားတွေ ယူကရိန်းဆီ ရောက်ရှိဖို့ မသေချာ

ယူကရိန်းကို ရုရှားတပ်တွေ ကျူးကျော်တိုက်ခိုက်မှု တစ်နှစ်ပြည့်တဲ့ ကာလမှာ အမေရိကန်က အခုလို အားယုတ်စရာ အရှိတရား တစ်ခုကို ထုတ်ဖော် ဝန်ခံခဲ့တာ ဖြစ်ပါတယ်။ အမေရိကန် စစ်တပ်ဟာ လောလောလတ်လတ် အနေနဲ့ ယူကရိန်းဆီ ခွဲဝေပေးဖို့ M1 Abramsတွေ ဖူဖူလုံလုံ မရှိဘူးလို့ စစ်တပ် အတွင်းရေးမှူး ခရစ္စတင်း ဝေါမတ်သ်က ပြောပါတယ်။

အမေရိကန် သမ္မတ ဂျိုးဘိုင်ဒန်က ပေးပို့သွားမယ်လို့ ကတိပြုထားတဲ့ နည်းပညာမြင့် တင့်ကားတွေဟာ ယူကရိန်းဆီ အမှန်တကယ် ရောက်ရှိဖို့ မသေချာဘဲ ဖြစ်နေကြောင်း သိရပါတယ်။

M1 Abrams တင့်ကားရဲ့ အဆင့်မြှင့်တင်ထားတဲ့ ဗားရှင်းတွေထဲက စုစုပေါင်း ၃၁ စီးကို အမေရိကန်က ယူကရိန်းဆီ ပို့ဆောင်ပေးမယ်လို့ ကတိပြုထားပါတယ်။ ဒါပေမဲ့ အမေရိကန် စစ်တပ်ကတော့ အဲဒီ တင့်ကားတွေဟာ အခုနှစ်ကုန်၊ ဒါမှမဟုတ် လာမယ့် နှစ်ဆန်းပိုင်းလောက်ထိ ယူကရိန်းဆီ ရောက်နိုင်ဖွယ် မရှိသေးဘူးလို့ ဖေဖော်ဝါရီ ၂၃ ရက်မှာ ပြောကြားခဲ့ပါတယ်။ အဲဒီ အချိန်လောက်ထိ စစ်ပွဲက ဆက်ဖြစ်နေမလား ဆိုတာတောင် မသေချာတဲ့ သဘောပါပဲ။

ယူကရိန်းကို ရုရှားတပ်တွေ ကျူးကျော်တိုက်ခိုက်မှု တစ်နှစ်ပြည့်တဲ့ ကာလမှာ အမေရိကန်က အခုလို အားယုတ်စရာ အရှိတရား တစ်ခုကို ထုတ်ဖော် ဝန်ခံခဲ့တာ ဖြစ်ပါတယ်။ အမေရိကန် စစ်တပ်ဟာ လောလောလတ်လတ် အနေနဲ့ ယူကရိန်းဆီ ခွဲဝေပေးဖို့ M1 Abramsတွေ ဖူဖူလုံလုံ မရှိဘူးလို့ စစ်တပ် အတွင်းရေးမှူး ခရစ္စတင်း ဝေါမတ်သ်က ပြောပါတယ်။

ဝေါမတ်သ်က ယူကရိန်းဆီ တင့်ကားတွေ ပို့ဆောင်ဖို့ ဆိုတာဟာ သီတင်းပတ်တွေအတွင်း၊ ဒါမှမဟုတ် လပိုင်းအတွင်း မဖြစ်နိုင်သေးဘူးလို့ ဆိုပါတယ်။ ဒါကြောင့် အမေရိကန်ဟာ ယူကရိန်းအတွက် တင့်ကားတွေ အမြန်ဆုံး ပေးပို့နိုင်မယ့် နည်းလမ်းတွေကို စဉ်းစားနေတယ်လို့လည်း သူက ဆက်ပြောပါတယ်။ လေ့လာသူတွေကတော့ ယူကရိန်းဟာ ဂျာမန်လုပ် Leopard 2 တိုက်ပွဲဝင် တင့်ကားတွေကို မျှော်လင့်တာက ပိုလက်တွေ့ကျလိမ့်မယ်လို့ သုံးသပ်ကြပါတယ်။

Leopard 2တွေကို အနောက်ဥရောပ နိုင်ငံ တော်တော်များများမှာ သုံးစွဲနေပြီး လတ်တလောမှာ ယူကရိန်းဆီ ခွဲဝေပေးဖို့ အသင့်ရှိနေကြပါတယ်။ ပြီးတော့ အနောက်နိုင်ငံတွေမှာ ယူကရိန်း တင့်ကား တပ်သားတွေက Leopard 2တွေ မောင်းနှင်မှုအတွက် သွားရောက် လေ့ကျင့်ရာမှာလည်း အခြေအနေတွေ သိသိသာသာ တိုးတက်နေပါတယ်။

ယူကရိန်း သမ္မတ ဗိုလိုဒီမာ ဇီလန်စကီးက ရုရှားရဲ့ ကျူးကျော်မှုကို ထိထိရောက်ရောက် တွန်းလှန်နိုင်ရေးအတွက် အနောက်မဟာမိတ် နိုင်ငံတွေဆီက တိုက်ပွဲဝင် တင့်ကားတွေ အမြန်ဆုံး ထောက်ပံ့ပေးကြဖို့ တောင်းဆိုထားပါတယ်။ လတ်တလောမှာတော့ ဗြိတိန်က ထောက်ပံ့ထားတဲ့ Challenger 2 တင့်ကားတချို့ဟာ ယူကရိန်း စစ်မြေပြင်မှာ စတင် တိုက်ပွဲဝင်နေပြီလို့ ယူဆရပါတယ်။

You May Also Like

နိုင်ငံတကာ

မြောက်ကိုရီးယားဟာ ပြီးခဲ့တဲ့ ရက်ပိုင်းမှာလည်း တောင်ကိုရီးယားနဲ့ အမေရိကန် ပူးပေါင်း စစ်ရေးလေ့ကျင့်မှုတွေကို တုံ့ပြန်တဲ့ အနေနဲ့ အမျိုးအစားစုံ ဒုံးကျည်တွေ ပစ်လွှတ်ပြခဲ့ပါသေးတယ်။

နိုင်ငံတကာ

ရုရှား စစ်ဘက် ထောက်လှမ်းရေး အရာရှိတွေက ကီရီယက်ဗစ်ခ် မြို့ထဲမှာ ပစ်ချခံခဲ့ရတဲ့ ယူကရိန်း ဒရုန်းဟာ Tu-141 Strizh အမျိုးအစား ဖြစ်တယ်လို့ ဆိုပါတယ်။ ဒရုန်းပျက်ကျချိန်မှာ မြို့ထဲက အဆောက်အအုံ တချို့လည်း ထိခိုက် ပျက်စီးခဲ့တယ်လို့ ဆိုပါတယ်။

နိုင်ငံတကာ

လေဆင်နှာမောင်းဟာ ညပိုင်းအချိန် လူတွေ နှစ်နှစ်ခြိုက်ခြိုက် အိပ်မောကျနေတုန်း ရုတ်တရက် တိုက်ခတ်ခဲ့တာ ဖြစ်ပါတယ်။ ပြီးတော့ ရာသီဥတု ဘေးအန္တရာယ်ဆိုင်ရာ သတိပေး ကြေညာချက်တွေလည်း မကြားခဲ့ရဘူးလို့ ဒေသခံတွေက ပြောပါတယ်။

နိုင်ငံတကာ

ယူကရိန်းဟာ ဆိုဗီယက်လုပ် ဘက်စုံသုံး တိုက်လေယာဉ်တွေနဲ့ အကျွမ်းတဝင် ရှိပြီးသား ဖြစ်တာကြောင့် ဒီလေယာဉ်တွေ ယူဆောင်သွားဖို့ လေယာဉ်မှူးတွေမှာ ဘာအခက်အခဲမှာ မရှိခဲ့ဘူးလို့လည်း သူက ပြောပါတယ်။