အင်းစိန်အကျဥ်း​ထောင်ထဲက​နေ မတရားဖမ်းဆီးထိန်းသိမ်းခံထားရသူ​တွေကို စလွှတ်​ပေး​နေပြီဖြစ်ပါတယ်

အင်းစိန်အကျဥ်း​ထောင်ထဲက​နေ မတရားဖမ်းဆီးထိန်းသိမ်းခံထားရသူ​တွေကို စလွှတ်​ပေး​နေပြီဖြစ်ပါတယ်။လောလောဆယ်အထိတော့ ကား နှစ်စီးပဲထွက်လာပြီဖြစ်ပြီး ​ထောင်​ရှေ့မှာ မိသားစုဝင်​တွေ​တော်​တော်များများ​စောင့်​နေကြတာလည်းဖြစ်ပါတယ်။

“၅၀၅ တွေကို အကုန်လွှတ်ပေးမယ့်ပုံရှိတယ်။ တ‌စ်ဆောင်ချင်းရှင်းနေတာတယ်” လို့ အ‌ဆောင် ၂ က လွတ်​မြေက်ပြီးအခုပဲ အပြင်​ရောက်လာတဲ့လူငယ်က ​ပြောပါတယ်။

အာဏာသိမ်းမှုကိုဆန့်ကျင်လို့ အကြောင်းအမျိုးမျိုးနဲ့မတရားဖမ်းဆီးခံထားရသူ စုစုပေါင်း ၅၀၀၀ ကျော်ကို ပြန်လွှတ်ပေးမယ်လို့ စစ်ကောင်စီက မနေ့ အောက်တိုဘာ ၁၈ ရက် ထုတ်ပြန်ကြေညာခဲ့ပါတယ်။မနေ့ညနေပိုင်းကတည်းက ထောင်တွေကနေ အမိန့်ချမှတ်ထားပြီးသူတွေအပါအဝင် ဖမ်းဆီထိန်းသိမ်းခံထားရသူအချို့ကိုလွှတ်ပေးခဲ့ပါတယ်။

ဒီကနေ့လွှတ်ပေးမယ့်အထဲမှာ အမှုရင်ဆိုင်နေရသူ ၄၃၂၀ ဦးနဲ့ ထောင်ဒဏ်ချမှတ်ပြီးသူ ၁၃၁၆ ဦးပါဝင်ပြီး ဘယ်သူဘယ်ဝါတွေလွတ်လာမယ်ဆိုတာတော့ မသိရသေးပါဘူး။

Public Service Announcement

ဖမ်းဆီးခံထားရတဲ့ အနုပညာရှင်နဲ့ သတင်းသမားတွေပါတယ်လို့ နာမည်စာရင်းတွေထွက်နေတာတော့ရှိပါတယ်။