Connect with us

Hi, what are you looking for?

LuduNwayOo

ဗီဒီယို

ဆိုဗီယက်ခေတ် လက်ကျန် စစ်ပွဲ အထိမ်းအမှတ် ပစ္စည်းတွေကို အက်စ်တိုးနီးယား ဖယ်ရှား

နာဗာဟာ အက်စ်တိုးနီးယားမှာ လူဦးရေ တတိယ အများဆုံး မြို့ဖြစ်ပါတယ်။ ရုရှား နယ်စပ်နဲ့ ကပ်ပြီး တည်ရှိနေတဲ့ မြို့ထဲမှာ နေထိုင်သူ ၆ သောင်းလောက်ရှိပြီး အဲဒီထဲက ၉၇ ရာခိုင်နှုန်းဟာ ရုရှားစကား ပြောဆိုသူတွေပါ။

ဆိုဗီယက်ခေတ်က တည်ဆောက်ခဲ့တဲ့ စစ်ပွဲ အထိမ်းအမှတ် ပုံရိပ်တွေကို အများပြည်သူ သွားလာရာ နေရာတွေကနေ စတင် ဖယ်ရှားနေကြောင်း အက်စ်တိုးနီးယား အစိုးရက ကြေညာခဲ့ပါတယ်။

ယူကရိန်းကို ရုရှားက ကျူးကျော် တိုက်ခိုက်ခဲ့တဲ့ ဖြစ်စဉ်ကို အကြောင်းပြုပြီး ပြည်သူတွေကြားမှာ ရန်လိုတဲ့ စိတ်ခံစားချက်တွေ ကိန်းအောင်းမလာဖို့၊ နာကျင်စရာ အတိတ်တွေကို အစပြန်မဖော်ချင်လို့ဆိုတဲ့ အကြောင်းပြချက်နဲ့ အခုလို ဆုံးဖြတ်ခဲ့တာလို့ အစိုးရ တာဝန်ရှိသူတွေက ပြောပါတယ်။

အက်စ်တိုးနီးယားနဲ့ ယူကရိန်းတို့ဟာ ဆိုဗီယက် ပြည်ထောင်စု ခွဲထွက်ပြီး လွတ်လပ်ရေး ရလာကြတဲ့ နိုင်ငံတွေ ဖြစ်ပါတယ်။ မျက်မှောက်ခေတ် ရုရှားကတော့ ဆိုဗီယက် ပြိုကွဲပြီးနောက်ပိုင်း ဆင်းသက်လာတဲ့ အင်အားကြီး နိုင်ငံပါ။ ယူကရိန်းကို ရုရှားက ကျူးကျော် တိုက်ခိုက်တဲ့ ကိစ္စဟာ ဆိုဗီယက် အစိတ်အပိုင်း ဖြစ်ခဲ့ဖူးတဲ့ နိုင်ငံငယ်တွေအတွက် စိုးရိမ်စရာတွေ ဖြစ်လာပါတယ်။

အက်စ်တိုးနီးယားမှာ လိုက်လံဖယ်ရှားနေတဲ့ စစ်ပွဲ အထိမ်းအမှတ်တွေထဲမှာ နာဗာမြို့က နာမည်ကျော် T-34 တင့်ကား ပုံစံတူကြီးလည်း ပါဝင်ပါတယ်။ အုတ်ခုံမြင့် တစ်ခုပေါ် နေရာချထားတဲ့ အဲဒီတင့်ကားကြီးကို အက်စ်တိုးနီးယား စစ်သမိုင်း ပြတိုက်ဆီ လွှဲပြောင်း ပို့ဆောင်သွားမယ်လို့ ဆိုပါတယ်။

နာဗာဟာ အက်စ်တိုးနီးယားမှာ လူဦးရေ တတိယ အများဆုံး မြို့ဖြစ်ပါတယ်။ ရုရှား နယ်စပ်နဲ့ ကပ်ပြီး တည်ရှိနေတဲ့ မြို့ထဲမှာ နေထိုင်သူ ၆ သောင်းလောက်ရှိပြီး အဲဒီထဲက ၉၇ ရာခိုင်နှုန်းဟာ ရုရှားစကား ပြောဆိုသူတွေပါ။

မြို့ရဲ့ လူစည်ကားရာ နေရာတစ်ခုမှာ ထားရှိတဲ့ ဒုတိယ ကမ္ဘာစစ် အထိမ်းအမှတ် တင့်ကား ပုံစံတူကြီးကို ဩဂုတ် ၁၆ ရက်မှာ ဖြုတ်ယူသွားပြီး ၁၂၅ မိုင်လောက် ဝေးကွာတဲ့ ပြတိုက်ဆီ သယ်ဆောင်သွားမှာပါ။ လတ်တလောမှာတော့ မဖယ်ရှားရသေးတဲ့ စစ်ပွဲ အထိမ်းအမှတ် နေရာတွေဆီ လူတွေ သွားလာ ဝင်ရောက်ခွင့် ပိတ်ထားလိုက်တယ်လို့လည်း အာဏာပိုင်တွေက ပြောပါတယ်။

ယူကရိန်း စစ်ပွဲကို အကြောင်းပြုပြီး ရုရှားအနွယ်တွေ များပြားတဲ့ နာဗာလို ဒေသတွေမှာ နိုင်ငံရေးအရ ရိုက်ခတ်မှုတွေ ရှိလာမှာကို အက်စ်တိုးနီးယား အစိုးရက စိုးရိမ်နေပါတယ်။ အခုအချိန်မှာ ဆိုဗီယက်ခေတ် လက်ကျန် အထိမ်းအမှတ် သင်္ကေတတွေ ဆက်ပြီး ထားရှိတာဟာ ရုရှားရဲ့ ကျူးကျော်စစ်ကို သိဒ္ဓိတင်ပေးသလို သဘောမျိုး သက်ရောက်တာကြောင့် အက်စ်တိုးနီးယားက မြေပိုင်နက်မှာ ရှိမနေသင့်တော့ကြောင်း နိုင်ငံခြားရေးဝန်ကြီး အူရာမက်စ် ရိန်ဆူလာက ပြောပါတယ်။

ရုရှားတွေ ဝင်ရောက်မှုကို စိုးရိမ်လာတဲ့အတွက် လတ်ဗီးယား၊ လစ်သူယေးနီးယားနဲ့ ချက်တို့လို အရှေ့ဥရောပ အစိုးရတွေကလည်း ရုရှားနိုင်ငံသားတွေအတွက် ဗီဇာ ထုတ်ပေးတာတွေကို အကြီးအကျယ် ကန့်သတ် လျှော့ချထားကြောင်း သိရပါတယ်။

You May Also Like

နိုင်ငံတကာ

နိုဝင်ဘာ ၁၈ နဲ့ ၁၉ ရက်က ရိုက်ကူးထားတယ်ဆိုတဲ့ ဓာတ်ပုံတွေမှာ မြောက်ကိုရီးယားက ပြန်ထွက်လာတဲ့ ရုရှား ရထားတွဲတွေဟာ ပခုံးထမ်း လောင်ချာနဲ့ ဒုံးကျည်တွေ တင်ဆောင်လာတာကို တွေ့ရပါတယ်။

သတင်း

ချင်းပြည်ကာကွယ်ရန်အတွက် ချင်းလူမျိုးတိုင်းတွင် တာဝန်ရှိသည့်အလျောက် မိမိတို့ ပခုံးပေါ် ကျရောက်လာသည့် အမျိုးသားရေးတာဝန်ကို ကျေပွန်စွာ ထမ်းရွက်ရန် လိုအပ်ကြောင်းလည်း ၎င်းက ဆိုသည်။

ဗီဒီယို

ရုရှား သမ္မတအဖြစ် ၂၀၀၈ ကနေ ၂၀၁၂ ထိ တာဝန်ယူခဲ့ဖူးသူ မက်ဗီဒက်ဗ်ဟာ ရှီက တရုတ် သမ္မတနဲ့ အာဏာရ ကွန်မြူနစ်ပါတီ အကြီးအကဲ ရာထူးတွေကို တတိယ သက်တမ်း ရယူပြီးနောက်ပိုင်း ဘေဂျင်းကို ပထမဆုံး ရောက်ရှိလာတဲ့ ရုရှား အဆင့်မြင့် အရာရှိလည်း...

နိုင်ငံတကာ

အစောပိုင်းမှာ ကတည်းက အမေရိကန် အစိုးရ အရာရှိတွေဟာ ရုရှားအနေနဲ့ စစ်မြေပြင်မှာ ဆက်တိုက်လိုလို ဝက်ဝက်ကွဲ အရေးနိမ့်လာမှုတွေကြောင့် နျူကလီးယား အပါအဝင် ဖျက်ဆီးအား ပြင်းထန်တဲ့ စစ်လက်နက်တွေ ထုတ်သုံးကောင်း သုံးလာနိုင်တယ်လို့ အစဉ်တစိုက် သတိပေးလာခဲ့ပါတယ်။