Connect with us

Hi, what are you looking for?

LuduNwayOo

ဗီဒီယို

ယူကရိန်း ဒရုန်းတွေကို စိုးရိမ်လို့ ပူတင်ရဲ့ အိမ်နားမှာ လေကြောင်းကာကွယ်ရေးစနစ် ထားရှိ

ရုရှား အစိုးရ ပြောရေးဆိုခွင့်ရ အရာရှိ ဒီမစ်ထရီ ပက်စ်ကော့ဗ်က အစိုးရရဲ့ အရေးပါတဲ့ ရုံးဌာနတွေနားမှာ ကာကွယ်ရေး အစီအမံတွေ တိုးမြှင့်ထားတယ်လို့ အတည်ပြုပေမယ့် ပူတင်ရဲ့ အိမ်နားမှာ လေကြောင်းကာကွယ်ရေး စနစ်တစ်ခု ချထားတယ် ဆိုတာကိုတော့ ဘာမှတ်ချက်မှ မပေးခဲ့ပါဘူး။

ရုရှားသမ္မတ ဗလာဒီမာ ပူတင်ရဲ့ နေအိမ်နားမှာ လေကြောင်း ကာကွယ်ရေး စနစ်တစ်ခု ဖြန့်ကျက်ထားကြောင်း သတင်းတွေ ထွက်ပေါ်လာပါတယ်။

ဒါဟာ ယူကရိန်းဆီက နယ်စပ်ဖြတ်ကျော် တာဝေးတိုက်ခိုက်မှုတွေ ဖြစ်လာနိုင်ခြေကို ပိုမို တွေးတော ပူပင်လာတာကြောင့် ဖြစ်နိုင်တယ်လို့ စစ်ရေး လေ့လာသူတွေက ဆိုပါတယ်။ ရုရှားရဲ့ လွတ်လပ်တဲ့ မီဒီယာ တစ်ခုဖြစ်ပြီး ၂၀၂၁ ခုနှစ်ကမှ ထူထောင်ထားတဲ့ Agentstvoက နိုဗိုဂိုရော့ဒ်မှာရှိတဲ့ ပူတင်ရဲ့ အိမ်တော်နားမှာ Pantsir-S1 လေကြောင်း ကာကွယ်ရေး စနစ်တစ်ခု ဖြန့်ကျက် ထားရှိကြောင်း ဖော်ပြခဲ့ပါတယ်။

Public Service Announcement

Public Service Announcement

စုံစမ်းစစ်ဆေးရေး သတင်းဌာန တစ်ခုဖြစ်တဲ့ Agentstvoက ပူတင်ရဲ့ အိမ်နားမှာ ထားရှိတာဆိုတဲ့ Pantsir-S1 စနစ်ရဲ့ ဓာတ်ပုံတစ်ပုံကိုလည်း Telegramမှာ မျှဝေခဲ့ပါသေးတယ်။

ပြီးခဲ့တဲ့ သီတင်းပတ်တုန်းကလည်း မော်စကို မြို့တော်မှာရှိတဲ့ အစိုးရ အဆောက်အအုံ တချို့ရဲ့ ခေါင်မိုးတွေပေါ်မှာ Pantsir-S1 လေကြောင်း ကာကွယ်ရေး စနစ်တွေ အလျင်စလို လိုက်လံ တပ်ဆင်နေတဲ့ ဗီဒီယိုနဲ့ ဓာတ်ပုံ မှတ်တမ်းတွေ ထွက်ပေါ်လာပါသေးတယ်။ ဒါဟာ ယူကရိန်းဆီက ဒရုန်း တိုက်ခိုက်မှုတွေ မော်စကိုထိ နယ်ကျွံ ရောက်ရှိလာမှာကို စိုးရိမ်ပြီး ကြိုတင် ပြင်ဆင်နေတာဆိုတဲ့ သုံးသပ်မှုတွေ ရှိနေပါတယ်။

ရုရှား အစိုးရ ပြောရေးဆိုခွင့်ရ အရာရှိ ဒီမစ်ထရီ ပက်စ်ကော့ဗ်က အစိုးရရဲ့ အရေးပါတဲ့ ရုံးဌာနတွေနားမှာ ကာကွယ်ရေး အစီအမံတွေ တိုးမြှင့်ထားတယ်လို့ အတည်ပြုပေမယ့် ပူတင်ရဲ့ အိမ်နားမှာ လေကြောင်းကာကွယ်ရေး စနစ်တစ်ခု ချထားတယ် ဆိုတာကိုတော့ ဘာမှတ်ချက်မှ မပေးခဲ့ပါဘူး။

ပြီးခဲ့တဲ့နှစ်၊ ဒီဇင်ဘာလတုန်းက ရုရှားနိုင်ငံရဲ့ အစိတ်အပိုင်း တချို့မှာ ဒရုန်းနဲ့ တိုက်ခိုက်ခံရတဲ့ ဖြစ်စဉ်တွေ ကြုံတွေ့ခဲ့ပေမယ့် ယူကရိန်းကတော့ သူတို့ရဲ့ လက်ချက်လို့ အတိအလင်း ဝန်မခံခဲ့ပါဘူး။ ဒါပေမဲ့ ရုရှားက ယူကရိန်းသာ အနောက်နိုင်ငံတွေဆီက စစ်လက်နက် အထောက်အပံ့တွေ ပိုမို ရောက်ရှိလာရင် ရုရှားနိုင်ငံ အတွင်းပိုင်း နက်နက်ရှိုင်းရှိုင်းထိ တိုက်ခိုက်လာမှာကို စိုးရိမ်ပြီး ကာကွယ်ရေး အစီအမံတွေ မြှင့်တင်နေတာ ဖြစ်ပါတယ်။

Public Service Announcement

Public Service Announcement