Connect with us

Hi, what are you looking for?

LuduNwayOo

နိုင်ငံတကာ

Covid-19 လူနာတွေမှာ ပြင်းထန် မှိုရောဂါတစ်မျိုး စွဲကပ်နိုင်ခြေကို အိန္ဒိယ ဆရာဝန်တွေ သတိပေး

Covid-19 လူနာတွေမှာ နောက်ဆက်တွဲအဖြစ် ပြင်းထန် မှိုရောဂါတစ်မျိုး စွဲကပ်လာနိုင်တဲ့အပေါ် အိန္ဒိယ ဆရာဝန်တွေက သတိပေးလိုက်ပါတယ်။

အိန္ဒိယဟာ လတ်တလော အခြေအနေတွေအရ ကမ္ဘာပေါ်မှာ ကပ်ရောဂါ ကူးစက်မှုတွေ အဆိုးဆုံး ကြုံနေရတဲ့ နိုင်ငံပါ။ ဒါ့အပြင် နောက်ဆက်တွဲ ခြိမ်းခြောက်မှုအဖြစ် ရှားပါးတဲ့ မှိုရောဂါ တစ်မျိုးကလည်း တချို့သော Covid-19 လူနာတွေနဲ့ လူနာဟောင်းတွေမှာ တွေ့မြင်လာရတယ်လို့ ဆိုပါတယ်။

သိပ္ပံနာမည် Mucormycosisလို့ သတ်မှတ်ထားပြီး အိန္ဒိယ ဆရာဝန်တွေက မှိုနက်လို့ ခေါ်ဝေါ်တဲ့ ရောဂါဟာ အဖြစ်နည်းပေမယ့် သတိထားရမယ့် ပြဿနာကြီးတစ်ခုလို့ ယူဆကြပါတယ်။ ဒီရောဂါဟာ Covid-19ကြောင့် ကိုယ်ခံအား ထိခိုက် ကျဆင်းသွားတဲ့ လူနာတွေမှာ ခိုအောင်း စွဲကပ်လာနိုင်တယ်လို့ သိရပါတယ်။

ပုံမှန်ဆိုရင် ဒီရောဂါမျိုး ဖြစ်နိုင်ခြေ နည်းပေမယ့် နေ့စဉ် Covid-19 လူနာ သုံးသိန်းကျော်၊ လေးသိန်းလောက် တိုးပွားနေတဲ့ အခြေအနေနဲ့အတူ ပြီးခဲ့တဲ့ သီတင်းပတ်တွေအတွင်း မှိုနက်ရောဂါ ဖြစ်ပွားနေသူတွေကို ပိုပြီး အတွေ့များလာတယ်လို့ အိန္ဒိယ ဆရာဝန်တွေက ပြောပါတယ်။

ကျန်းမာရေး ပြဿနာ တစ်ခုခုကြောင့် ကိုယ်ခံအား နည်းပါးနေတဲ့ သူတွေမှာ ဝင်ရောက် စွဲကပ်ပြီးရင် မှိုနက်ရောဂါရဲ့ ထိခိုက် ထိုးနှက်နိုင်စွမ်းက အမြင့်ဆုံး ဖြစ်သွားတတ်တယ်လို့ ဆိုပါတယ်။ အိန္ဒိယ အနောက်ပိုင်းက မဟာရှာထရာ ပြည်နယ်မှာဆိုရင် ရက်ပိုင်းအတွင်း မှိုနက်ရောဂါ ဖြစ်ပွားသူ ၃၀၀ ကျော် ရှာတွေ့ခဲ့ပါတယ်။

သွေးကြောတွေနဲ့ အနီးတဝိုက်မှာ မှိုစွဲသလို ဖြစ်တတ်တဲ့ ရောဂါဟာ အသက်အန္တရာယ် ထိခိုက်တဲ့ထိ ပြင်းထန်သွားနိုင်ပါတယ်။ ဂရုတစိုက် ကုသမှုမျိုး မရှိရင် ဒီရောဂါကြောင့် သေနိုင်တယ်လို့ အိန္ဒိယ ဆေးသုတေသန ကောင်စီက Twitterမှာ ကြေညာချက် ထုတ်ပြန် သတိပေးထားခဲ့ပါတယ်။

ဒီရောဂါကို ကုသရာမှာ မှိုတိုက်ဖျက်တဲ့ ဆေးဝါးတွေ သွင်းပေးတာ၊ မှိုစွဲလို့ ပျက်စီးသွားတဲ့ တစ်ရှူးတွေကို ဖြတ်တောက် ဖယ်ရှားရတာမျိုး နည်းလမ်းတွေ အသုံးပြုရပါတယ်။ ဒါပေမဲ့ ဆေးတွေက စျေးကြီးတဲ့အတွက် ကုသရေးမှာ အခက်အခဲတွေ ဖြစ်တတ်တယ်လို့ ဆရာဝန်တွေက ပြောပြပါတယ်။ အထူးသဖြင့် အစိုးရ ဆေးရုံတွေမှာ ဒီလိုဆေးတွေ ရနိုင်ဖို့ ခက်ခဲတတ်ပါတယ်။

မှိုနက်ရောဂါကြောင့် သေဆုံးနိုင်ခြေ မြင့်မြင့်မားမား ရှိတတ်ကြောင်း၊ ပြန်ကောင်းလာသူ အနည်းအကျဉ်းကလည်း ခက်ခဲရှုပ်ထွေးတဲ့ ခွဲစိတ်မှုတွေ ခံယူရတတ်ကြောင်း၊ နှစ်ပတ်အတွင်း အခြေအနေ ဆိုးသွားတတ်ပြီး ရောဂါ စတွေ့ပြီ ဆိုတာနဲ့ အလေးထား တုံ့ပြန်ဖို့ အရေးကြီးကြောင်းလည်း အိန္ဒိယ ဆေးသုတေသန ကောင်စီက ကြေညာထားပါတယ်။

You May Also Like

နိုင်ငံတကာ

ဖြစ်စဉ်နဲ့ ပတ်သက်လို့ စုံစမ်းစစ်ဆေးမှုတွေ စတင်နေပြီလို့လည်း လေတပ်နဲ့ ရဲတပ်ဖွဲ့က အသီးသီး ထုတ်ပြန်ထားပါတယ်။ ပြီးခဲ့တဲ့နှစ်၊ အောက်တိုဘာလတုန်းကလည်း အာနူချယ်လ် ပရာဒက်ရှ် ပြည်နယ်မှာ ရဟတ်ယာဉ်တစ်စီး ပျက်ကျရာက အိန္ဒိယ ကြည်းတပ်ရဲ့ စစ်သည် ၅ ဦး သေဆုံးခဲ့ဖူးပါတယ်။

သတင်း

AviChinaဟာ ၂၀၂၁ ခုနှစ်၊ ဒီဇင်ဘာလတုန်းက မြန်မာစစ်တပ်အတွက် အပေါ့စားလေယာဉ်တွေ ပို့ဆောင်ပေးခဲ့ပြီး Bharat Electronicsကတော့ ၂၀၂၁ ခုနှစ်၊ ဇူလိုင်လတုန်းကမြန်မာနိုင်ငံမှာအဝေးထိန်းလက်နက်ရုံတစ်ခုတည်ဆောက်ပေးခဲ့တယ်လို့သိရပါတယ်။

သတင်း

အိန္ဒိယ၏ ဒီမိုကရေစီမီးရှုးတန်ဆောင်သည် စစ်အာဏာရှင် စနစ်ချုပ်ငြိမ်းရေးအတွက် တိုက်ပွဲဝင်နေကြသည့် မြန်မာပြည်သူများအပေါ်တွင်လည်း ထွန်းလင်းနိုင်ပါစေကြောင်း NUG နိုင်ငံခြားရေးဝန်ကြီး ဒေါ်ဇင်မာအောင်က ဆုမွန်ကောင်းတောင်း သည်။

သတင်း

အိန္ဒိယ နိုင်ငံခြားရေးဌာနဘက်က စစ်ကောင်စီတိုက်လေယာဉ်တွေဟာ သူတို့ လေပိုင်နက်ကို ကျုးကျော်တာမရှိသလို ဗုံးဟာလည်း ၂ နိုင်ငံ နယ်ခြားမြစ် တယော (Tiau) မြစ်ထဲ ကျရောက်တာလို့ အိန္ဒိယနိုင်ငံခြားရေးအတွင်းဝန်က ပြောပါတယ်။