Connect with us

Hi, what are you looking for?

LuduNwayOo

နိုင်ငံတကာ

အာဖဂန်မှာ ဗလီတစ်ခု ဗုံးကွဲမှုကြောင့် ဝတ်ပြုသူ ၁၂ ဦးထက်မနည်း သေဆုံး

အာဖဂန် နစ္စတန်နိုင်ငံ၊ ကဘူးလ်မြို့တော်မှာ ဗလီတစ်ခု ဗုံးပေါက်ကွဲမှုကြောင့် လူ ၁၂ ဦးထက်မနည်း သေဆုံးခဲ့ပါတယ်။

မေလ ၁၄ ရက် ပေါက်ကွဲမှုဟာ အီးဒ်ကာလအတွင်း အပစ်အခတ် ရပ်စဲထားရေး သဘောတူညီချက်ကို ထိခိုက် လှုပ်ခတ်လာစေပါတယ်။ ပေါက်ကွဲမှုကြောင့် ဝတ်ပြုနေသူတွေ အပါအဝင် နောက်ထပ် ထိခိုက် ဒဏ်ရာရသူ အနည်းဆုံး ၁၅ ဦးလောက် ရှိခဲ့ပါတယ်။

ဗလီရဲ့ ပြောရေးဆိုခွင့်ရ အရာရှိ ဖာဒေါစ် ဖာရာမက်ဇ်က ဗုံးကွဲမှုအတွင်းမှာ ဗလီ အကြီးအကဲ မော့ဖ်တီ နိုင်မန်လည်း သေဆုံးသွားခဲ့တယ်လို့ အတည်ပြုခဲ့ပါတယ်။ ဒီတိုက်ခိုက်မှုနဲ့ ပတ်သက်လို့ ဘယ်အဖွဲ့အစည်းကမှ တာဝန်ခံ ကြေညာတာမျိုး မရှိသေးပါဘူး။

မျက်မြင်တွေရဲ့ အဆိုအရ သောကြာနေ့ ဝတ်ပြုမှု အစီအစဉ် စတင်ပြီး မကြာခင်မှာပဲ ဗုံးထပေါက်ခဲ့တာလို့ သိရပါတယ်။ မူဟီဘူလာ ဆာဟက်ဘ်ဇာဒါ ဗလီကို လာရောက် ဝတ်ပြုပြီး အသက်ဘေးကနေ ကပ်လွတ်ခဲ့သူ တစ်ဦးကတော့ ထိခိုက် သေကြေသူတွေထဲမှာ ကလေးတွေပါ ပါဝင်ခဲ့ကြောင်း ပြောပါတယ်။ ဗုံးပေါက်ကွဲပြီးချိန်မှာ ဗလီရဲ့ အစိတ်အပိုင်း တချို့ ပြိုကျသွားပြီး မီးခိုးတွေ ဖုံးသွားတယ်လို့ ဆိုပါတယ်။

အာဖဂန်မှာ အစိုးရနဲ့ တာလီဘန် လက်နက်ကိုင် တပ်ဖွဲ့တွေကြား တိုက်ပွဲတွေ ဖြစ်ပွားနေသလို အိုင်အက်စ် အကြမ်းဖက် အုပ်စုနဲ့ တခြား လက်နက်ကိုင် အဖွဲ့အစည်းတွေလည်း လှုပ်ရှားနေပါတယ်။ တာလီဘန်တွေကတော့ ဗလီ ဗုံးခွဲမှုဟာ သူတို့နဲ့ လုံးဝ မသက်ဆိုင်ကြောင်း ငြင်းဆိုထားပါတယ်။

အရင်က အာဖဂန်မှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေနဲ့ ပတ်သက်ပြီး အစိုးရနဲ့ တာလီဘန်တွေကြား အပြန်အလှန် လက်ညှိုးထိုး စွပ်စွဲခဲ့ကြပါတယ်။ အီးဒ်ကာလမှာတော့ သုံးရကကြာ အပစ်အခတ် ရပ်စဲမယ်လို့ တာလီဘန်ရော၊ အာဖဂန် အစိုးရကပါ အသီးသီး ကြေညာခဲ့ပေမယ့် ဒုတိယမြောက်နေ့မှာ အခုလို ဗုံးကွဲခဲ့တာပါ။

ပြီးခဲ့တဲ့ သီတင်းပတ်ကလည်း ကဘူးလ်က ကျောင်းတစ်ကျောင်းနားမှာ ဗုံးပေါက်ကွဲမှုကြောင့် ကျောင်းသူ မိန်းကလေးငယ် အများစု အပါအဝင် လူပေါင်း ၉၀ ကျော် သေဆုံးခဲ့ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

ဗီဒီယို

အာဖဂန်ဟာ စစ်ပွဲတွေရဲ့ဒဏ်ကို ဆယ်စုနှစ်တွေနဲ့ချီ သက်ရောက် ခံစားခဲ့ရတဲ့ နိုင်ငံ တစ်ခုဖြစ်ပြီး မပေါက်ကွဲသေးတဲ့ စစ်လက်နက် ပစ္စည်း အကြွင်းအကျန် အစအနတွေ အမြောက်အမြားက လူနေ ဧရိယာတွေနဲ့ မနီးမဝေးမှာ ကြွင်းကျန်နေဆဲပါ။

သတင်း

ရန်ကုန်မြို့၊ ဘားလမ်း ဗုံးခွဲတိုက်ခိုက်မှုမှာ ပြည်သူ့ကာကွယ်ရေးတပ်ဖွဲ့လက်ချက်ဟု ထုတ်ပြန် သောကြေညာချက်အတုကို စစ်တပ်ထောက်ခံသူများ၏ ဖေ့စ်ဘုတ်နှင့် တယ်လီဂရမ်အကောင့် များက စတင်ထုတ်ပြန်ဖော်ပြခြင်းဖြစ်သည်ဟု Myanmar Witness က စုံစမ်းဖော်ထုတ်သည်။

နိုင်ငံတကာ

ဟီရတ်မြို့ရဲ့ ဒုတိယ မြို့တော်ဝန် မော်လ်ဝေရှားက အခုလို အလောင်းတွေ ချိတ်ဆွဲပြထားတဲ့အတွက် နောက်ထပ် ပြန်ပေးဆွဲမှုတွေ ဖြစ်မလာအောင် တားဆီးပေးနိုင်လိမ့်မယ်လို့ ဆိုပါတယ်။ မြို့ထဲမှာ အလောင်းတွေ ချိတ်ဆွဲပြထားတဲ့ ဓာတ်ပုံတွေက လူမှုကွန်ရက် မီဒီယာတွေပေါ်မှာလည်း ပျံ့နှံ့နေပါတယ်။

နိုင်ငံတကာ

အာဖဂန်ကို အုပ်စိုးဖူးတဲ့ တာလီဘန်တွေဟာ တင်းကျပ်တဲ့ ဘာသာရေး အခြေခံ အစွန်းရောက် စည်းမျဉ်းတွေကို ကျင့်သုံးခဲ့သလို အမျိုးသမီးတွေကိုလည်း ပညာသင်ခွင့် မပြုခဲ့ပါဘူး။