Connect with us

Hi, what are you looking for?

LuduNwayOo

နိုင်ငံတကာ

ဂါဇာမှာ အစ္စရေးလေတပ် စစ်ဆင်ရေးဆင်နွှဲ

ပါလက်စတိုင်း နယ်မြေဖြစ်တဲ့ ဂါဇာ ကမ်းမြှောင် ဒေသကို အစ္စရေး လေတပ်က တိုက်ခိုက်ခဲ့ပါတယ်။

ပေါက်ကွဲစေတဲ့ ပစ္စည်းတွေကို မိုးပျံပူဖောင်းမှာ ချိတ်ဆွဲပြီး ဂါဇာဖက်ကနေ လွှတ်တင်ခဲ့တဲ့ လုပ်ရပ်ကို လက်တုံ့ပြန်တဲ့ အနေနဲ့ အစ္စရေးက စစ်ဆင်ရေးတွေ ဆင်နွှဲခဲ့တာပါ။ ဇွန်လ ၁၅ ရက်က ဂါဇာဖက်က လွှတ်တင်လိုက်တဲ့ မိုးပျံပူဖောင်းတချို့ အစ္စရေး ပိုင်နက်ထဲ ကျရောက်ပြီး မီးလောင်မှုတွေ ဖြစ်ခဲ့ပါတယ်။

အဲဒီနောက် ဇွန်လ ၁၆ ရက် မနက်အစောပိုင်းမှာ အစ္စရေး လေတပ်က ဂါဇာစီးတီးကို ပစ်မှတ်ထား တိုက်ခိုက်ခဲ့တာပါ။ ဒါဟာ အစ္စရေးမှာ အစိုးရ အပြောင်းအလဲဖြစ်ပြီး ပထမဆုံးအကြိမ် ပါလက်စတိုင်းကို တိုက်ခိုက်ခဲ့တာလည်း ဖြစ်ပါတယ်။ အစ္စရေးနဲ့ ဂါဇာအခြေစိုက် ပါလက်စတိုင်း ပြောက်ကျားတပ်ဖွဲ့ဖြစ်တဲ့ ဟားမားစ်တို့ဟာ ပြင်းပြင်းထန်ထန် တိုက်ပွဲတွေ ဖြစ်ပွားခဲ့ပြီး မေလ ၂၁ ရက်ကမှ အပစ်အခတ် ရပ်စဲထားခဲ့ကြတာပါ။

ဂျူးလက်ယာစွန်း ဝါဒီတွေက ဂျေရုဆလင်မှာ အင်အားပြ ချီတက်ခဲ့ပြီး နာရီပိုင်း အကြာမှာပဲ အခုလို တကျော့ပြန် တင်းမာမှုတွေ ပေါ်ပေါက်လာတာ ဖြစ်ပါတယ်။ ဂျေရုဆလင်ကို အစ္စရေးက ထိန်းချုပ်ထားပေမယ့် ပါလက်စတိုင်းကလည်း သူတို့ရဲ့ ပိုင်နက် နယ်မြေအဖြစ် သတ်မှတ် တောင်းဆိုနေပါတယ်။

ဟားမားစ် ပြောရေးဆိုခွင့်ရ အရာရှိ တစ်ဦးက ဂျေရုဆလင်မှာရှိတဲ့ ဘာသာရေး အထွဋ်အမြတ် နယ်မြေတွေကို ကာကွယ်ဖို့ ပါလက်စတိုင်းတွေက ရဲရဲရင့်ရင့် ဆက်လက် ခုခံ တိုက်ခိုက်နေမယ်လို့ ပြောပါတယ်။ အစ္စရေး စစ်တပ်ကလည်း ပိုင်နက် နယ်မြေကို ထိပါးလာတဲ့ ဘယ်လို ရန်စမှုကိုမှ သည်းခံမှာ မဟုတ်ကြောင်း သတိပေးထားပါတယ်။

အစ္စရေးရဲ့ လေကြောင်း တိုက်ခိုက်မှုဟာ ၁၀ မိနစ်သာ ကြာခဲ့ပေမယ့် အပစ်အခတ် ရပ်စဲရေး သဘောတူညီမှု ကျိုးပျက်ဖို့ ဘယ်လောက် လွယ်ကူသလဲဆိုတာ ဂါဇာ ဒေသခံတွေကို တပ်လှန့်လိုက်သလို ဖြစ်သွားပါတယ်။ နောက်ဆုံးဖြစ်ပွားတဲ့ အစ္စရေး-ပါလက်စတိုင်း ပဋိပက္ခမှာ အစ္စရေးဖက်က ၁၀ ဦးသေပြီး ပါလက်စတိုင်းဖက်မှာ ၃၀၀ ကနေ ၅၀၀ ကြားထိ အသေအပျောက် ရှိခဲ့ကြောင်း သိရပါတယ်။

You May Also Like

သတင်း

အကြမ်းဖက်စစ်ကောင်စီအား လက်နက်များ ဖြန့်ဖြူးရောင်းချပြုလုပ်လျက်ရှိသည့် ကုမ္ပဏီများကို ပိတ်ဆို့ အရေးယူဆောင်ရွက်ရန် ကုလသမဂ္ဂ၊ အာဆီယံနှင့် နိုင်ငံတကာအဖွဲ့အစည်းများသို့ အမျိုးသားညီညွတ်ရေးအစိုးရ (NUG)က ယနေ့ထုတ်ပြန်တောင်းဆိုသည်။ အကြမ်းဖက်စစ်အုပ်စု၏ ရာဇဝတ်မှုများကို မျက်ကွယ်ပြုခြင်းသည် ရာဇဝတ်မှုများ ဆက်လက်ကျူးလွန်ရန် အားပေးရာရောက်သည်ဖြစ်၍ အားပေးထောက်ခံသည့် အပြုအမူမှန်သမျှကို မပြုလုပ်ကြရန် NUG က နိုင်ငံတကာကို...

သတင်း

စစ်ကောင်စီ၏ ပြစ်ဒဏ်လွတ်ငြိမ်းခွင့်ပေးအပြီးတွင် အာဆီယံအထူးကိုယ်စားလှယ်က ၎င်း၏ တတိယအကြိမ်မြောက် မြန်မာနိုင်ငံခရီးစဥ်ကို စီစဥ်နေကြောင်း ကြေညာလိုက်ပြီး ထင်ရှား သည့်နိုင်ငံရေးအကျဥ်းသားအချို့အပါအဝင် ပြစ်ဒဏ်လွတ်ငြိမ်းပေးခဲ့သည့်အပေါ် ကြိုဆိုကြောင်း ထုတ်ပြန်ခဲ့သည်။

သတင်း

စစ်ကောင်စီနဲ့ အမည်ခံရွေးကောက်ပွဲကို ငြင်းပယ်ပြီးနောက် ဒီမိုကရေစီလိုလားသူခေါင်းဆောင်တွေနဲ့သာ ထိတွေ့ဆက်ဆံဖို့ကိုလည်း တပါတည်းတိုက်တွန်းထားတာတွေ့ရပါတယ်။

သတင်း

အာဏာသိမ်းသည့်အချိန်မှ စပြီး စစ်တပ်သည် လူပေါင်း ၂,၄၀၀ ကျော်သတ်ဖြတ်ခြင်း၊ သမ္မတဦးဝင်းမြင့်နှင့် နိုင်ငံတော်၏ အတိုင်ပင်ခံဒေါ်အောင်ဆန်းစုကြည် အပါအဝင် လူပေါင်း ၁၆,၀၀၀ ကျော် ဖမ်းဆီးခြင်းတို့ဖြင့်မြန်မာပြည်သူများအပေါ် ရက်စက်ကြမ်းကြုတ်သည့် အကြမ်းဖက်လုပ်ရပ်များ ကျူးလွန်ခဲ့ကြောင်း ထုတ်ပြန်သည်။