Connect with us

Hi, what are you looking for?

LuduNwayOo

နိုင်ငံတကာ

အမေရိကန်မှာ လူအုပ်ထဲ ကားနဲ့ ဝင်တိုက်တဲ့ အမျိုးသားကို တရားစွဲဖို့ စီစဉ်နေ

ကယ်ဆယ်ရေး အဖွဲ့တွေရဲ့ အဆိုအရ ကလေးတွေထဲက တချို့ဟာ ဦးခေါင်းဒဏ်ရာ ပြင်းပြင်းထန်ထန် ရရှိတာတွေ၊ အရိုးကျိုးတာတွေ ဖြစ်ခဲ့တယ်လို့ သိရပါတယ်။ ဒဏ်ရာရတဲ့ ကလေးတွေထဲမှာ အသက် ၃ နှစ်ကနေ ၁၆ နှစ်ထိ အရွယ်တွေ ပါဝင်ကြပါတယ်။

အမေရိကန် နိုင်ငံမှာ ခရစ္စမတ်အကြို အလှပြ ချီတက်ပွဲ တစ်ခုထဲ ကားနဲ့ ဝင်တိုက်ခဲ့တဲ့ အမျိုးသားကို လူအများအပြား သေဆုံးစေမှုနဲ့ စွဲချက်တင်ဖို့ ရဲတပ်ဖွဲ့က စီစဉ်နေကြောင်း သိရပါတယ်။

နိုဝင်ဘာ ၂၁ ရက်က ဝစ္စကွန်ဆင်ပြည်နယ်၊ ဝေါ်ကီရှာမြို့မှာ ကျောင်းသူကျောင်းသား ကလေးငယ်တွေ ချီတက်ပွဲ ပြုလုပ်နေတဲ့ နေရာကို SUVကား တစ်စီးက ဝင်တိုက်ခဲ့တာကြောင့် လူ ၅ ဦး သေဆုံးပြီး ဒဏ်ရာရသူ ၄၈ ဦး ရှိခဲ့ပါတယ်။ သေဆုံးသူ အားလုံးဟာ ကလေးတွေကို လိုက်ပါ ထိန်းကျောင်းပေးနေတဲ့ အဖိုးအဖွားတွေ ဖြစ်ကြပြီး ဆေးရုံ ရောက်ခဲ့သူတွေထဲမှာ ကလေး ၁၈ ဦး ပါဝင်ခဲ့ပါတယ်။

အနီရောင် SUVကားကို မောင်းနှင်ပြီး လူအုပ်ထဲ ဝင်တိုက်ခဲ့သူဟာ အသက် ၃၉ နှစ်အရွယ် ဒါရဲလ် အက်ဒွပ် ဘရွတ်ခ်စ် ဆိုသူ ဖြစ်တယ်လို့ ရဲတွေက ထုတ်ပြန်ပါတယ်။ သူဟာ အိမ်မှာ ဆူဆူပူပူ ပြဿနာတစ်ခု ဖြစ်ရာကနေ ကားနဲ့ မောင်းထွက်လာရင်း လူအုပ်ကို ဝင်တိုက်သွားခဲ့တာလို့ သိရပါတယ်။ ဒီဖြစ်စဉ်မှာ အကြမ်းဖက် ဝါဒနဲ့ ဆက်နွှယ်တဲ့ အထောက်အထားတွေ လတ်တလော မတွေ့ရသေးကြောင်း ဝေါ်ကီရှာ ရဲတပ်ဖွဲ့က ဆိုပါတယ်။

ကားနဲ့ အတိုက်ခံရပြီး သေဆုံးခဲ့တဲ့ သူတွေထဲမှာ မီးလ်ဝေါ်ကီ အကမယ် ဖွားဖွားများဆိုတဲ့ အဖွဲ့က အဖွဲ့ဝင်တွေလည်း အပါအဝင် ဖြစ်ပါတယ်။ မီလ်ဝေါ်ကီမြို့က လာရောက်ပြီး သက်ကြီးပိုင်းအရွယ် အမျိုးသမီးကြီးတွေ စုစည်းထားတဲ့ အဖွဲ့ဟာ ဝေါ်ကီရှာမှာ နှစ်စဉ်လိုလို ခရစ္စမတ်အကြို စီတန်း လှည့်လည်မှုတွေကို ပါဝင်အားဖြည့် ပူးပေါင်းပေးလေ့ ရှိပါတယ်။

ကယ်ဆယ်ရေး အဖွဲ့တွေရဲ့ အဆိုအရ ကလေးတွေထဲက တချို့ဟာ ဦးခေါင်းဒဏ်ရာ ပြင်းပြင်းထန်ထန် ရရှိတာတွေ၊ အရိုးကျိုးတာတွေ ဖြစ်ခဲ့တယ်လို့ သိရပါတယ်။ ဒဏ်ရာရတဲ့ ကလေးတွေထဲမှာ အသက် ၃ နှစ်ကနေ ၁၆ နှစ်ထိ အရွယ်တွေ ပါဝင်ကြပါတယ်။

လောလောဆယ်မှာ ဘရွတ်ခ်စ်ကို ရဲတွေက စုံစမ်းစစ်ဆေးနေသလို ဝစ္စကွန်ဆင် ပြည်နယ် အစိုးရ ရှေ့နေတွေကလည်း စွဲချက်တင်ဖို့ ပြင်ဆင်နေပါတယ်။ ပြည်နယ် အုပ်ချုပ်ရေးမှူး တိုနီအဲဗားစ်က ဒီဖြစ်ရပ်အတွက် ဝမ်းနည်းမှု သင်္ကေတ အနေနဲ့ ပြည်နယ် တစ်ခုလုံးမှာ အလံတွေကို တိုင်တစ်ဝက် နှိမ့်ချပြီး လွှင့်ထူဖို့ အမိန့်ထုတ်ခဲ့ပါတယ်။

ယာဉ်တိုက်မှု ပြီးပြီးချင်းမှာ ဝေါ်ကီရှာ ရဲတပ်ဖွဲ့ဟာ တစ်မြို့လုံးက ကျောင်းတွေကို ပိတ်ထားဖို့ တိုက်တွန်းခဲ့သလို ထိခိုက် နာကျင်ခဲ့သူတွေကို စာနာ နှစ်သိမ့်ပေးမယ့် အဖွဲ့အစည်းတွေကိုလည်း အကူအညီ တောင်းခံခဲ့ကြောင်း သိရပါတယ်။

You May Also Like

သတင်း

ထိုသို့ မြန်မာနိုင်ငံ၏ ပုံမှန်မဟုတ်သည့်၊ သာမာန်ထက်လွန်ကဲသော ခြိမ်းခြောက်မှုများကြောင့် အမေရိကန်သမ္မတ လက်မှတ်ရေးထိုးထုတ်ပြန်သော အမျိုးသားဆိုင်ရာအရေးပေါ်ကြေညာချက်ကို ဂျိုးဘိုင်ဒန်က ဒုတိယအကြိမ်ဆက်လက်သက်တမ်းတိုးခဲ့ခြင်းဖြစ်သည်။

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

နိုင်ငံတကာ

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။

နိုင်ငံတကာ

နာမည် ဖော်ပြမထားတဲ့ အမေရိကန် ထိပ်တန်း စစ်ဗိုလ်ချုပ်ကြီး တစ်ဦးက ဗြိတိန် ကာကွယ်ရေးဝန်ကြီး ဘန်ဝေါလေ့စ်နဲ့ တွေ့ဆုံချိန်မှာ မဟာမိတ် နိုင်ငံရဲ့ တိုက်ခိုက်ရေးစွမ်းရည် ကျဆင်းလာမှုကို ပွင့်ပွင့်လင်းလင်း သတိပေးခဲ့တာလို့ Sky Newsက ဖော်ပြခဲ့ပါတယ်။