Connect with us

Hi, what are you looking for?

LuduNwayOo

နိုင်ငံတကာ

ဖွံ့ဖြိုးမှု နောက်ကျတဲ့ နိုင်ငံတွေ စာရင်းကနေ ရုန်းထွက်လာတော့မယ့် ဘင်္ဂလားဒေ့ရှ်

ကုလသမဂ္ဂရဲ့ သတ်မှတ် စံနှုန်းတွေအရ ဖွံ့ဖြိုးဆဲ နိုင်ငံတွေ စာရင်းမှာ ပါဝင်လာဖို့ဆိုရင် နိုင်ငံသားတွေရဲ့ တစ်နှစ် ပျမ်းမျှ ဝင်ငွေက အနိမ့်ဆုံး ဒေါ်လာ ၁၂၃၀ ရှိဖို့ လိုပါတယ်။ ဘင်္ဂလားဒေ့ရှ်မှာ နိုင်ငံသားတွေရဲ့ ပျမ်းမျှဝင်ငွေက ၂၅၅၄ ဒေါ်လာထိ ရှိနေကြောင်း သိရပါတယ်။

ဘင်္ဂလားဒေ့ရှ် အပါအဝင် အာရှ ၃ နိုင်ငံကို ဖွံ့ဖြိုးမှု နောက်ကျကျန်နေတဲ့ နိုင်ငံတွေ စာရင်းကနေ ဖယ်ရှားပေးဖို့ ကုလသမဂ္ဂ အထွေထွေ ညီလာခံ (UNGA)က သဘောတူ ဆုံးဖြတ်လိုက်ပါတယ်။

ဖွံ့ဖြိုးမှု နောက်ကျ ကျန်နေတဲ့ နိုင်ငံတွေ စာရင်းကနေ ဖွံ့ဖြိုးဆဲ နိုင်ငံတွေ စာရင်းဆီ ကူးပြောင်းပေးဖို့ ပုံမှန်ဆိုရင် ၃ နှစ် ပြင်ဆင်ချိန် ပေးလေ့ ရှိပေမယ့် ဘင်္ဂလားဒေ့ရှ်ကိုတော့ ၅ နှစ် အချိန်ပေးဖို့ UNGAက လက်ခံပေးခဲ့ပါတယ်။ သတ်မှတ် စံနှုန်းတွေနဲ့ ကိုက်ညီသွားပြီဆိုရင် ဘင်္ဂလားဒေ့ရှ်ဟာ ၂၀၂၆ ခုနှစ်၊ နိုဝင်ဘာ ၂၄ ရက်မှာ ဖွံ့ဖြိုးဆဲ နိုင်ငံတွေ အစုအဖွဲ့မှာ ပါဝင်လာတော့မှာပါ။

ဘင်္ဂလားဒေ့ရှ်နဲ့ အလားတူ အခွင့်အရေးမျိုး ရရှိတဲ့ တခြား နှစ်နိုင်ငံကတော့ လာအိုနဲ့ နီပေါတို့ ဖြစ်ပါတယ်။ ကုလသမဂ္ဂရဲ့ ထုတ်ပြန်ချက်မှာတော့ ဒီ ၃ နိုင်ငံကို ကောင်းကောင်း ပြင်ဆင်ခွင့် ပေးဖို့အတွက် စံသတ်မှတ် ကာလ ၃ နှစ်အစား ခြွင်းချက်အဖြစ် ၅ နှစ် သတ်မှတ်ပေးလိုက်ကြောင်း ဖော်ပြထားပါတယ်။ ဒါဟာ ကိုဗစ် ကပ်ရောဂါ ကာလအလွန် ပြန်လည် ထူထောင်ရေး မူဝါဒတွေ၊ မဟာဗျူဟာတွေကို ပီပီပြင်ပြင် အကောင်အထည် ဖော်နိုင်အောင် စီစဉ်ပေးလိုက်တာလည်း ဖြစ်တယ်လို့ ကုလသမဂ္ဂက ဆိုပါတယ်။

လတ်တလောမှာတော့ ကုလသမဂ္ဂက ဖွံ့ဖြိုးမှု နောက်ကျကြောင်း သတ်မှတ်ထားတဲ့ စာရင်းမှာ မြန်မာ အပါအဝင် နိုင်ငံပေါင်း ၄၆ ခု ရှိနေပါတယ်။ ကုလသမဂ္ဂရဲ့ ဖွံဖြိုးမှု ကော်မတီက ဘင်္ဂလားဒေ့ရှ်ကို ဖွံ့ဖြိုးဆဲ နိုင်ငံတွေ စာရင်းထဲ ပြောင်းလဲ သတ်မှတ်ဖို့ အခုနှစ် ဖေဖော်ဝါရီလမှာ စတင် ထောက်ခံခဲ့ပါတယ်။ အဲဒီအချိန် အိမ်နီးချင်း မြန်မာနိုင်ငံမှာတော့ စစ်တပ်က အာဏာသိမ်းလိုက်လို့ အရာရာ ဆုတ်ယုတ် ပျက်သုဉ်းမှုတွေ စတင်ခဲ့ပါတယ်။

ကုလသမဂ္ဂရဲ့ သတ်မှတ် စံနှုန်းတွေအရ ဖွံ့ဖြိုးဆဲ နိုင်ငံတွေ စာရင်းမှာ ပါဝင်လာဖို့ဆိုရင် နိုင်ငံသားတွေရဲ့ တစ်နှစ် ပျမ်းမျှ ဝင်ငွေက အနိမ့်ဆုံး ဒေါ်လာ ၁၂၃၀ ရှိဖို့ လိုပါတယ်။ ဘင်္ဂလားဒေ့ရှ်မှာ နိုင်ငံသားတွေရဲ့ ပျမ်းမျှဝင်ငွေက ၂၅၅၄ ဒေါ်လာထိ ရှိနေကြောင်း သိရပါတယ်။

You May Also Like

သတင်း

Albion ကုမ္ပဏီသည် အာဖဂန်၊ သီရီလင်္ကာ၊ ယီမင်၊ဆူဒန်၊ဆိုမာလီယာစသည့် နိုင်ငံရေးမတည်ငြိမ်သည့် နိုင်ငံများသို့ ဆေးဝါးများတင်ပို့နေသည့်ကုမ္ပဏီတစ်ခုဖြစ်သည်။

သတင်း

စစ်ကောင်စီဘက်က သတင်းထုတ်ပြန်ရာမှာတော့ နယ်စပ်ဒေသမှာ အကြမ်းဖက်မှုတိုက်ဖျက်ဖို့ ၊လူကုန်ကူးတာကို နှိမ်နင်းဖို့ ၊ သတင်းအချက်အလက်ကို နှစ်ဖက်အပြန်အလှန်ဖလှယ်ဖို့တွေ ဆွေးနွေးကြတယ်လို့ဆိုထားပါတယ်။

သတင်း

သြစတြေးလျသည် အသက်ရှင်သန်ရေးအတွက် လူသားချင်းစာနာမှုအကူအညီထောက်ပံ့မှုကို မှီခိုနေရသည့် နေရပ်စွန့်ခွာရိုဟင်ဂျာ ၉၁၉,၀၀၀ ကျော်အတွက် ဘင်္ဂလားဒေ့ရှ်ကို ဆက်လက်ကူညီထောက်ပံ့မည်ဟု ကတိပြုသည်။

နိုင်ငံတကာ

ဘင်္ဂလားဒေ့ရှ်ရဲ့ အိမ်နီးချင်း အိန္ဒိယနိုင်ငံက အနောက်ဘင်္ဂလား ဒေသမှာလည်း မုန်တိုင်းကြောင့် လူသောင်းဂဏန်းလောက်ကို အရေးပေါ် ရွှေ့ပြောင်းပေးခဲ့ရပေမယ့် ထိခိုက်သေပျောက်မှု မရှိခဲ့ကြောင်း သိရပါတယ်။