Connect with us

Hi, what are you looking for?

LuduNwayOo

နိုင်ငံတကာ

ဘင်္ဂလားဒေ့ရှ် ဆိပ်ကမ်း မီးလောင်မှုမှာ သေဆုံးသူ ၅၀ နီးပါးထိ များပြားလာ

ဆိပ်ကမ်းမှာ ထားရှိတဲ့ ကွန်တိန်နာတွေထဲမှာ ပေါက်ကွဲတတ်တဲ့ ဓာတုပစ္စည်းတွေ ထည့်သွင်း သိုလှောင်ထားလို့လည်း မီးလောင်မှုကို ပိုဆိုးရွားသွားစေတာ ဖြစ်နိုင်တယ်လို့ ရဲတပ်ဖွဲ့က သုံးသပ်ထားပါတယ်။

ဘင်္ဂလားဒေ့ရှ် ဆိပ်ကမ်း မီးလောင်မှုမှာ သေဆုံးသူ ၅၀ နီးပါးထိ များပြားလာ
ဘင်္ဂလားဒေ့ရှ် ဆိပ်ကမ်း မီးလောင်မှုမှာ သေဆုံးသူ ၅၀ နီးပါးထိ များပြားလာ

ဘင်္ဂလားဒေ့ရှ် နိုင်ငံမှာ ဖြစ်ပွားတဲ့ ဆိပ်ကမ်း မီးလောင်မှုကြောင့် သေဆုံးသူ အရေအတွက်ဟာ ၅၀ နီးပါးထိ မြင့်တက်လာခဲ့ပါတယ်။

မေ ၄ ရက် ညပိုင်းက စစ်တကောင်း မြို့နားမှာရှိတဲ့ ဆီတာကုန်ဒါ ဆိပ်ကမ်းမှာ မီးလောင်မှုတွေ၊ ပေါက်ကွဲမှုတွေ ဖြစ်ပွားပြီး လူ ၁၆ ဦးထက်မနည်း သေဆုံးကြောင်း အစောပိုင်းမှာ အာဏာပိုင်တွေက ထုတ်ပြန်ခဲ့ပါတယ်။ ဒါပေမဲ့ နောက်တစ်နေ့မှာတော့ သေဆုံးသူ ဦးရေဟာ ၄၉ ဦးထက်မနည်းထိ များပြားလာခဲ့ကြောင်း သိရပါတယ်။

ထောင်နဲ့ချီ များပြားတဲ့ ကွန်တိန်နာတွေ သိုလှောင်ထားရာ ဆိပ်ကမ်းမှာ မီးလောင်တာကို ဝိုင်းဝန်း ငြှိမ်းသတ်နေတုန်း နောက်ထပ် ပေါက်ကွဲမှုတွေကြောင့် မီးသတ်နဲ့ ရဲတပ်ဖွဲ့ဝင်တွေ၊ စေတနာ့ဝန်ထမ်းတွေ ထိခိုက်ဒဏ်ရာ ရခဲ့ကြပါတယ်။ ဒဏ်ရာရသူတွေထဲမှာ အခြေအနေ ဆိုးရွားသူတွေ ပါဝင်နေတာကြောင့် အသေအပျောက် ကိန်းဂဏန်းတွေ တိုးလာနိုင်ကြောင်း အစောပိုင်းမှာ ကတည်းက ကျန်းမာရေးဌာန တာဝန်ရှိသူ တချို့က မှတ်ချက် ပေးထားခဲ့ပါတယ်။

ဆိပ်ကမ်းမှာ ထားရှိတဲ့ ကွန်တိန်နာတွေထဲမှာ ပေါက်ကွဲတတ်တဲ့ ဓာတုပစ္စည်းတွေ ထည့်သွင်း သိုလှောင်ထားလို့လည်း မီးလောင်မှုကို ပိုဆိုးရွားသွားစေတာ ဖြစ်နိုင်တယ်လို့ ရဲတပ်ဖွဲ့က သုံးသပ်ထားပါတယ်။

Public Service Announcement

Public Service Announcement

ဒဏ်ရာရသူ ရာဂဏန်းလောက်ထိ များပြားခဲ့ရာမှာ အခြေအနေ အရမ်းဆိုးရွားသူတွေ တော်တော်များများ ရှိနေဆဲလို့လည်း သိရပါတယ်။ အခင်းဖြစ်ရာ နေရာတဝိုက်က ဆေးရုံတွေမှာ မီးလောင်ဒဏ်ရာ ရထားတဲ့ လူနာတွေနဲ့ ပြည့်နှက်သွားတယ်လို့လည်း ဆေးရုံတချို့က တာဝန်ရှိသူတွေက အတည်ပြုပါတယ်။

ဘင်္ဂလားဒေ့ရှ်မှာ စက်ရုံ အလုပ်ရုံ မီးလောင်မှုတွေ မကြာခဏ ကြုံခဲ့ဖူးပြီး အဓိက အကြောင်းရင်းကတော့ လုပ်ငန်းဆိုင်ရာ လုံခြုံရေး အစီအမံ စံနှုန်းတွေ အားနည်းလွန်းတာကြောင့် ဖြစ်ပါတယ်။ အစိုးရက လုပ်ငန်းရှင်တွေကို အလုပ်ခွင် လုံခြုံရေးနဲ့ ပတ်သက်ပြီး ပိုမို ကြပ်မတ်စေဖို့ ဖိအားပေးနေပေမယ့် လုပ်ငန်း အများစုကတော့ ခနော်နီ ခနော်နဲ့ အခြေအနေတွေနဲ့ လည်ပတ်နေဆဲ ဖြစ်ပါတယ်။

ဆက်စပ်သတင်းများ

သတင်း

ပေါင် ၃၀၀ ဗုံးနှစ်လုံးကြောင့် သေဆုံးသွားသည့် ပြည်သူ များအနက် အမျိုးသား နှစ်ဦးနှင့် မိန်က​လေးငယ် နှစ်ဦးအပါအဝင် အမျိုးသမီး ​လေးဦး ပါဝင်သည်။

သတင်း

ဘင်္ဂလားဒေ့ရှ်ရဲ့ နိုင်ငံတကာနဲ့ မဟာဗျူဟာ လေ့လာရေး ဌာနက ကြီးမှူးကျင်းပတဲ့ ဆွေးနွေးပွဲ အစီအစဉ် တစ်ခုမှာ သူက မြန်မာစစ်တပ်ရဲ့ ထိပ်တန်း အရာရှိတချို့ဟာ နိုင်ငံတကာ ပိတ်ဆို့ အရေးယူမှုတွေ ခံထားရခြင်းက ဘင်္ဂလားဒေ့ရှ်ကို လုပ်ရကိုင်ရ ခက်စေတယ်လို့ ဆိုပါတယ်။

နိုင်ငံတကာ

BBCရဲ့ အဆိုအရ စစ်ပွဲမှာ ရုရှား စစ်သည် ၅၀၀၀၀ ကျော် သေဆုံးခဲ့ပြီးဖြစ်ကြောင်း၊ ဒါဟာ ၂၀၂၂ ခုနှစ်၊ စက်တင်ဘာလတုန်းက နောက်ဆုံးအကြိမ်အဖြစ် တရားဝင် ထုတ်ပြန်ခဲ့တဲ့ အသေအပျောက် စာရင်းထက် ၈ ဆ ပိုများနေတာဖြစ်ကြောင်း သိရပါတယ်။

သတင်း

တိုက်ပွဲမှာနေ့စဉ်ရက်ဆက်ဖြစ်နေသောကြောင့် ကျည်ဆန်လိုအပ်ချက်ရှိနေ၍ ပြည်သူများအနေဖြင့် ကူညီပါဝင်ပေးကြရန်လည်း ဗိုလ်မှူးကျော်ဟိန်းက ပြောသည်။