Connect with us

Hi, what are you looking for?

LuduNwayOo

နိုင်ငံတကာ

အီရန်မှာ ဝတ်စားဆင်ယင်မှုဆိုင်ရာ စည်းမျဉ်းတွေအပေါ် ဆန္ဒပြမှုတွေ ပိုမိုပြင်းထန်လာ

ဘာသာရေး ရဲတွေရဲ့ ရိုက်နှက်မှုကြောင့် အီရန်က အမျိုးသမီးငယ် တစ်ယောက် သေဆုံးခဲ့တဲ့ ဖြစ်စဉ်အပြီး အခုလို အခြေအနေတွေ စတင်လာခဲ့တာ ဖြစ်ပါတယ်။

အီရန်မှာ ဝတ်စားဆင်ယင်မှုဆိုင်ရာ စည်းမျဉ်းတွေအပေါ် ဆန္ဒပြမှုတွေ ပိုမိုပြင်းထန်လာ
အီရန်မှာ ဝတ်စားဆင်ယင်မှုဆိုင်ရာ စည်းမျဉ်းတွေအပေါ် ဆန္ဒပြမှုတွေ ပိုမိုပြင်းထန်လာ

အီရန်နိုင်ငံမှာ ဘာသာရေး စည်းမျဉ်းတွေအရ အမျိုးသမီးတွေကို မဖြစ်မနေ ခေါင်းဆောင်းအဝတ် ခြုံခိုင်းတဲ့အပေါ် ဆန္ဒပြ ကန့်ကွက်မှုတွေက ပိုပြီး အရှိန်မြင့်လာပါတယ်။ ဘာသာရေး ရဲတွေရဲ့ ရိုက်နှက်မှုကြောင့် အီရန်က အမျိုးသမီးငယ် တစ်ယောက် သေဆုံးခဲ့တဲ့ ဖြစ်စဉ်အပြီး အခုလို အခြေအနေတွေ စတင်လာခဲ့တာ ဖြစ်ပါတယ်။

ပြီးခဲ့တဲ့ သီတင်းပတ်ကုန်က အသက် ၂၂ နှစ်အရွယ် မာဆာ အမီနီဟာ ဆေးရုံပေါ်မှာ ကိုမာဝင် မေ့မျောနေရာက ကွယ်လွန်သွားခဲ့ပါတယ်။ သူဟာ ဘာသာရေး ထုံးတမ်းတွေနဲ့အညီ သတ်မှတ်ထားတဲ့ ဝတ်စားဆင်ယင်မှု စည်းမျဉ်းတွေကို ချိုးဖောက်ခဲ့တယ်ဆိုပြီး ဘာသာရေး ရဲတွေ ဝိုင်းရိုက်ကြရာက သတိလစ် မေ့မျောနေခဲ့တာပါ။ ၃ ရက် အကြာမှာတော့ အမီနီ ကွယ်လွန်သွားခဲ့ရှာပါတယ်။

ဒီသတင်းဟာ အီရန်နိုင်ငံမှာ အကြီးအကျယ် ဂယက်ရိုက်သွားပြီး ဘာသာရေး ရဲတွေရဲ့ ရက်စက် ကြမ်းကြုတ်မှုနဲ့ ဝတ်စားဆင်ယင်မှုဆိုင်ရာ အစွန်းရောက် စည်းမျဉ်းတွေကို ဆန္ဒပြတဲ့ လှုပ်ရှားမှုတွေ အားကောင်းလာခဲ့ပါတယ်။ တဟီရန် မြို့တော် မြောက်ပိုင်းက ဆာရီမှာတော့ စက်တင်ဘာ ၂၀ က အမျိုးသမီးတွေဟာ ခေါင်းဆောင်းခြုံလွှာ အဝတ်တွေကို မြေကြီးပေါ် ပစ်ချပြီး မီးရှို့ ဆန္ဒပြကြသလို လူပေါင်းများစွာက ကောင်းချီး ဩဘာပေးခဲ့ကြပါတယ်။ အမျိုးသမီးတွေက အာဏာပိုင်တွေရဲ့ သတ်မှတ်ချက်ကို ချိုးဖောက်တဲ့ အဝတ်အစားတွေကိုလည်း ရည်ရွယ်ချက်ရှိရှိ ဝတ်ဆင်လာကြပါတယ်။

အီရန် ဘာသာရေး ရဲတပ်ဖွဲ့ကတော့ အမီနီ သေဆုံးမှုနဲ့ ပတ်သက်လို့ တာဝန်မရှိကြောင်း ငြင်းဆိုပြီး မိန်းကလေးက ရုတ်တရက် နှလုံးဖောက်ပြီး ကွယ်လွန်သွားတာသာ ဖြစ်တယ်လို့ အကြောင်းပြထားပါတယ်။ အမီနီရဲ့ ဇာတိဖြစ်တဲ့ နိုင်ငံ အနောက်ပိုင်း ကာဒစ္စတန် ဒေသမှာလည်း အုံကြွမှုတွေကို ရဲတွေက အင်အားသုံး ဖြိုခွင်းခဲ့တာကြောင့် လူ ၃ ဦး သေဆုံးခဲ့ပါသေးတယ်။

ကုလသမဂ္ဂက အီရန်မှာ ဆန္ဒပြသူတွေအပေါ် အာဏာပိုင်တွေက ကြမ်းကြမ်းတမ်းတမ်း တုံ့ပြန်နေတဲ့ အခြေအနေတွေဟာ စိုးရိမ်စရာ ဖြစ်လာကြောင်း သတိပေးထားပါတယ်။ ပြီးခဲ့တဲ့ သီတင်းပတ်ကုန်ကစလို့ အီရန် လုံခြုံရေး အရာရှိတွေက ဆန္ဒပြသူတွေကို ကျည်အစစ်တွေပါ အသုံးပြုပြီး ပစ်ခတ်နေတဲ့အတွက် ဒဏ်ရာရသူတွေ ဒါဇင်နဲ့ချီ များပြားခဲ့ကြောင်းလည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

အီရန်ဟာ ရုရှားကို လက်နက် ထောက်ပံ့ ရောင်းချမှုတွေ မရှိကြောင်း ပြောဆိုထားပေမယ့် ယူကရိန်းမှာ အီရန်ဒရုန်းတွေ အမြောက်အမြား တွေ့မြင်လာရတဲ့ အခြေအနေတွေနဲ့ ပတ်သက်လို့တော့ ဘာမှ မဖြေရှင်းဘဲ နှုတ်ဆိတ်နေဆဲ ဖြစ်ပါတယ်။

သတင်း

ဂျပန်ရောက်မြန်မာနိုင်ငံသားများက ယနေ့ ညနေပိုင်းတွင် ကိုဘေးမြို့ Sannomiya ဘူတာတွင် စုဝေး၍ မြန်မာစစ်အစိုးရ၏ ကိုယ်စားလှယ်အား ဂျပန်နိုင်ငံက ဖိတ်ကြားမှုကို ဆန့်ကျင်ကြောင်း ဂျပန်၊ အင်္ဂလိပ် နှစ်ဘာသာဖြင့် ရေးသားသည့် စာတန်းကို ကိုင်ဆောင်၍ ဆန္ဒထုတ်ဖော်ခဲ့သည်။

သတင်း

ဒါ့အပြင် ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကို ဆက်လက်ခန့်ထားရေး၊ မြန်မာကိုကူညီသောအားဖြင့် ဝိုင်းကလစ်ပေးဖို့ လက်ကမ်းစာစောင်ဝေခြင်းနဲ့ အလှူခံခြင်းတို့လည်း ပြုလုပ်ခဲ့ကြတယ်လို့ သိရပါတယ်။

နိုင်ငံတကာ

ရုရှားကို ဒရုန်းတွေ ထောက်ပံ့ခြင်းကြောင့် အီရန်ဟာ ယူကရိန်းနဲ့ သံတမန်ရေး ဆက်ဆံမှုမှာ အကြီးအကျယ် ထိခိုက်သွားရပြီ ဆိုတာကို နားလည်ဖို့လိုကြောင်း ယူကရိန်း နိုင်ငံခြားရေး ဝန်ကြီးဌာနက ဆိုပါတယ်။