Connect with us

Hi, what are you looking for?

LuduNwayOo

နိုင်ငံတကာ

ရွေးကောက်ပွဲ အရှုံးကို လုံးဝ ဝန်မခံသေးတဲ့ ဘရာဇီး သမ္မတ ဘော်လ်ဆိုနာရို

သူ့ကို ထောက်ခံ မဲပေးကြတဲ့ ပြည်သူ တစ်ဦးချင်းစီကို ကျေးဇူးတင်ကြောင်းနဲ့ ဘရာဇီး နိုင်ငံသား တစ်ဦးဖြစ်တဲ့အတွက် ဘရာဇီး နိုင်ငံရဲ့ အခြေခံ ဥပဒေ သတ်မှတ်ချက်တွေကို လေးစား လိုက်နာမှာဖြစ်ကြောင်း ဘော်လ်ဆိုနာရိုက သတင်းထောက်တွေကို ပြောကြားခဲ့ပါတယ်။

ရွေးကောက်ပွဲ အရှုံးကို လုံးဝ ဝန်မခံသေးတဲ့ ဘရာဇီး သမ္မတ ဘော်လ်ဆိုနာရို
ရွေးကောက်ပွဲ အရှုံးကို လုံးဝ ဝန်မခံသေးတဲ့ ဘရာဇီး သမ္မတ ဘော်လ်ဆိုနာရို

အာဏာလွှဲပြောင်းပေးဖို့ ဆောင်ရွက်တော့မှာဖြစ်ကြောင်း အရိပ်အမြွက် ပြောကြားခဲ့ပေမယ့် ရွေးကောက်ပွဲမှာ အရေးနိမ့်ခဲ့ကြောင်း အသိအမှတ်ပြုဖို့ ဘရာဇီး သမ္မတ ဂျဲရ် ဘော်လ်ဆိုနာရိုက ရှောင်လွှဲသွားခဲ့ပါတယ်။

ခါးသီးပြိုင်ဘက် သမ္မတဟောင်း လူးဝစ်ဇ် အင်နာစီယို လူလာ ဒါဆေးလ်ဗားကို အရေးနိမ့်ခဲ့တဲ့ ရွေးကောက်ပွဲ ရလဒ်တွေ ထွက်ပေါ်လာပြီး ၂ ရက်နီးပါး အကြာကျမှ ဘော်လ်ဆိုနာရိုဟာ ဒီကိစ္စနဲ့ ပတ်သက်လို့ ပထမဆုံးအကြိမ် လူသိရှင်ကြား မှတ်ချက် ပေးလာတာ ဖြစ်ပါတယ်။

သူ့ကို ထောက်ခံ မဲပေးကြတဲ့ ပြည်သူ တစ်ဦးချင်းစီကို ကျေးဇူးတင်ကြောင်းနဲ့ ဘရာဇီး နိုင်ငံသား တစ်ဦးဖြစ်တဲ့အတွက် ဘရာဇီး နိုင်ငံရဲ့ အခြေခံ ဥပဒေ သတ်မှတ်ချက်တွေကို လေးစား လိုက်နာမှာဖြစ်ကြောင်း ဘော်လ်ဆိုနာရိုက သတင်းထောက်တွေကို ပြောကြားခဲ့ပါတယ်။

ဒါဟာ သူ့အနေနဲ့ လူလာကို အာဏာလွှဲပေးမယ့် အဓိပ္ပါယ်လို့ သတ်မှတ်နိုင်ပေမယ့် ဘော်လ်ဆိုနာရိုရဲ့ ပါးစပ်ကတော့ ရှုံးနိမ့်မှုကို လုံးဝ ထုတ်ပြီး ဝန်ခံမသွားခဲ့ပါဘူး။ ပြီးတော့သူဟာ လူလာရဲ့ နာမည်ကိုလည်း လုံးဝ မပြောဆိုမိအောင် သတိကြီးကြီးနဲ့ ရှောင်ရှားသွားခဲ့ပါတယ်။

Public Service Announcement

Public Service Announcement

ပြိုင်ဘက်တွေထက် မဲအပြတ်အသတ် သာလွန်ခဲ့တဲ့ ဘော်လ်ဆိုနာရိုနဲ့ လူလာတို့ဟာ နှစ်ဦးတည်း ဒုတိယအဆင့် ရွေးကောက်ပွဲကို ယှဉ်ပြိုင်ခဲ့ရာမှာ လူလာက မဲအရေအတွက် ၅၀.၀ ရာခိုင်နှုန်းနဲ့ အနိုင်ရပြီး ဘော်လ်ဆိုနာရိုက ၄၉.၁ ရာခိုင်နှုန်းနဲ့ ကပ်အရေးနိမ့်ခဲ့ပါတယ်။ လက်ယာစွန်း နိုင်ငံရေးဝါဒီ ဘော်လ်ဆိုနာရိုကို မျက်မုန်းကျိုးနေဟန်ရှိတဲ့ ကမ္ဘာ့နိုင်ငံ ခေါင်းဆောင် တော်တော်များများကလည်း အချိန်မဆိုင်းဘဲ လူလာကို ဝိုင်းဝန်းဂုဏ်ပြု ချီးကျူးခဲ့ကြတာ တွေ့ရပါတယ်။

ဘော်လ်ဆိုနာရိုကို အမာခံ ထောက်ခံသူ တချို့ကတော့ ရွေးကောက်ပွဲ ရလဒ်ဟာ မသမာဘူးလို့ စွပ်စွဲပြီး လမ်းတွေကို ပိတ်ဆို့တာမျိုး လုပ်ရပ်တွေနဲ့ ဆန္ဒပြနေပါတယ်။ အသက် ၆၇ နှစ်အရွယ် ဘော်လ်ဆိုနာရိုက ရွေးကောက်ပွဲ လုပ်ငန်းစဉ်တွေအပေါ် အယုံအကြည် မရှိတဲ့ ပြည်သူတွေက သူတို့ရဲ့ သဘောထား အမြင်ကို ဆုပ်ကိုင်ပြီး ဆန္ဒပြနေတာတွေကို အမြဲတမ်း ကြိုဆိုကြောင်း ပြောပါတယ်။

အတိတ်တုန်းက ဘော်လ်ဆိုနာရိုဟာ သူ့ကို သမ္မတ ရာထူးက ဖယ်ရှားဖို့ဆိုရင် ဘုရားသခင် တစ်ပါးတည်းကသာ စွမ်းဆောင်နိုင်လိမ့်မယ်လို့ ပြောဆိုခဲ့ဖူးပါတယ်။ ဘရာဇီး သမ္မတအဖြစ် သက်တမ်း ၂ ကြိမ်ဆက် ၇ နှစ်ကြာ တာဝန်ယူခဲ့ဖူးသူ လူလာဟာ လာမယ့်နှစ်၊ ဇန်နဝါရီ ၁ ရက်မှာ ဘော်လ်ဆိုနာရိုရဲ့ အရိုက်အရာကို လွှဲပြောင်း ဆက်ခံသွားမှာ ဖြစ်ပါတယ်။

ဆက်စပ်သတင်းများ

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။

နိုင်ငံတကာ

လူထုအမြင် စစ်တမ်းတွေမှာ သူဟာ ထရမ့်ရဲ့နောက်က လိုက်နေရတယ်ဆိုတဲ့ ကိစ္စကိုလည်း ပယ်ချခဲ့ပြီး စကားပြောကြည့်ဖူးသမျှ စစ်တမ်း အဖွဲ့အစည်းတွေက သူ့အပေါ် ထောက်ခံနှုန်း တက်ရိပ်ပြလာတယ်လို့ချည်း ပြောပြခဲ့တယ်လို့လည်း ဘိုင်ဒန်က ဆိုပါတယ်။

နိုင်ငံတကာ

ဒုတိယ ကမ္ဘာစစ်နောက်ပိုင်း အဆိုးဆုံး ရွေးကောက်ပွဲ ရလဒ်မျိုးနဲ့ ကြုံခဲ့ပြီး ဘောရစ်ဂျွန်ဆန် ဦးဆောင်တဲ့ ကွန်ဆာဗေးတစ်တွေကို အရှုံးပေးခဲ့ရတဲ့ ၂၀၁၉ ရွေးကောက်ပွဲကနေ လေဘာပါတီဟာ အံ့ဩစရာ နာလန်ပြန်ထူလာနိုင်ခဲ့တာ ဖြစ်ပါတယ်။