Connect with us

Hi, what are you looking for?

နိုင်ငံတကာ

ရုရှားကို စစ်လက်နက် ထောက်ပံ့နေကြောင်း အမေရိကန် စွပ်စွဲချက်ကို မြောက်ကိုရီးယား ပယ်ချ

KCNAကတော့ မြောက်ကိုရီးယားဟာ ရုရှားနဲ့ ဘယ်လို လက်နက် အပေးအယူ သဘောတူညီမှုမှ မရယူခဲ့သလို အနာဂတ်မှာလည်း ဒီလို သဘောတူညီမှုတွေ ရှိမလာနိုင်ကြောင်း တုံ့ပြန်ခဲ့ပါတယ်။

ရုရှားကို စစ်လက်နက် ထောက်ပံ့နေကြောင်း အမေရိကန် စွပ်စွဲချက်ကို မြောက်ကိုရီးယား ပယ်ချ
ရုရှားကို စစ်လက်နက် ထောက်ပံ့နေကြောင်း အမေရိကန် စွပ်စွဲချက်ကို မြောက်ကိုရီးယား ပယ်ချ

ရုရှားကို စစ်လက်နက်နဲ့ ခဲယမ်းမီးကျောက်တွေ ထောက်ပံ့ ပေးပို့နေကြောင်း အမေရိကန်ရဲ့ စွပ်စွဲပြောဆိုမှုတွေကို မြောက်ကိုရီးယားက ခါးခါးသီးသီး ငြင်းဆိုသွားပါတယ်။

မြောက်ကိုရီးယား အစိုးရပိုင် KCNA သတင်းဌာနက အမေရိကန်ဟာ နိုင်ငံတကာ မျက်နှာစာမှာ မြောက်ကိုရီးယား အစိုးရကို အထင်အမြင် လွဲမှားခံရအောင် ရည်ရွယ်ချက်ရှိရှိ ထိုးနှက်ဖို့ ကြိုးစားနေတာလို့ စွပ်စွဲခဲ့ပါတယ်။ ယူကရိန်း စစ်ပွဲအတွက် ရုရှားကို မြောက်ကိုရီးယားက စစ်လက်နက်တွေ ပို့ဆောင်ပေးနေတယ်ဆိုတဲ့ အမေရိကန်ရဲ့ ဖော်ပြချက်တွေဟာ အခြေအမြစ် လုံးဝမရှိတဲ့ ကောလာဟလတွေသာ ဖြစ်တယ်လို့ KCNAက ဆိုပါတယ်။

အိမ်ဖြူတော် ပြောရေးဆိုခွင့်ရ အရာရှိ ဂျွန်ကာဘီက မြောက်ကိုရီးယားဟာ အရှေ့အလယ်ပိုင်းနဲ့ အာဖရိကဆီ ကုန်စည် တင်ပို့မယ့် သင်္ဘောတွေကို အသုံးပြုပြီး ရုရှားအတွက် စစ်လက်နက်တွေ ထောက်ပံ့ ပေးပို့နေတယ်လို့ ယုံကြည်ရကြောင်း၊ အဲဒီလမ်းကြောင်းတွေကို တိတိကျကျ ဖော်ထုတ်နိုင်အောင် အမေရိကန်က မျက်ခြေမပြတ် လေ့လာ စောင့်ကြည့်နေကြောင်း ပြောကြားခဲ့ပါတယ်။

KCNAကတော့ မြောက်ကိုရီးယားဟာ ရုရှားနဲ့ ဘယ်လို လက်နက် အပေးအယူ သဘောတူညီမှုမှ မရယူခဲ့သလို အနာဂတ်မှာလည်း ဒီလို သဘောတူညီမှုတွေ ရှိမလာနိုင်ကြောင်း တုံ့ပြန်ခဲ့ပါတယ်။

Public Service Announcement

Public Service Announcement

ကာဘီက မြောက်ကိုရီးယားဟာ လက်နက်ကြီးတွေနဲ့ လက်နက်ကြီး ကျည်ဆန်တွေ တော်တော်များများကို ရုရှားဆီ ပေးပို့ခဲ့တယ်လို့ စွပ်စွဲပြီး ဒီလုပ်ရပ်က စစ်ပွဲကို ပိုမို ရှည်ကြာလာစေလိမ့်မယ်လို့ ဝေဖန်သွားပါတယ်။

အခုရက်ပိုင်းတွေအတွင်း အမေရိကန်နဲ့ တောင်ကိုရီးယား မဟာမိတ်တွေဟာ မြောက်ကိုရီးယားနဲ့ တင်းမာမှုတွေ ပိုမို မြင့်တက်လာနေပါတယ်။ မြောက်ကိုရီးယားက ပြီးခဲ့တဲ့ ရက်ပိုင်းတွေမှာ ဒုံးကျည် စမ်းသပ်မှုတွေ အရှိန်မြှင့် လုပ်ဆောင်လာတာဟာ နျူကလီးယားလက်နက် စမ်းသပ်မှု တစ်ခုအတွက် ကြိုတင် ပြင်ဆင်နေတာ ဖြစ်နိုင်ကြောင်းလည်း အမေရိကန်က စွပ်စွဲ ပြောဆိုထားပါတယ်။

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

အစိုးရရဲ့ ဖိအားပေးမှုတွေ မြင့်တက်လာတဲ့နောက် ရုရှားရဲ့ နောက်ဆုံးလက်ကျန် လွတ်လပ်တဲ့ သတင်းစာတိုက်ကို ပိတ်သိမ်းလိုက်ရပြီ ဖြစ်ပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

Facebook