Connect with us

Hi, what are you looking for?

LuduNwayOo

နိုင်ငံတကာ

လုံခြုံရေးဆိုင်ရာ အကျပ်အတည်းသစ်တွေ အမေရိကန် ကြုံရစေမယ်လို့ ကင်မ်ဂျုံအန်းရဲ့ ညီမ သတိပေး

ကင်မ်ယိုဂျောင်ဟာ မြောက်ကိုရီးယား နိုင်ငံရေး နယ်ပယ်မှာ ဩဇာအကြီးမားဆုံး အမျိုးသမီးအဖြစ် သတ်မှတ် ခံထားရသလို အစ်ကိုဖြစ်သူအပေါ် အထူးတလည် သစ္စာစောင့်သိသူလို့လည်း လူသိများပါတယ်။

လုံခြုံရေးဆိုင်ရာ အကျပ်အတည်းသစ်တွေ အမေရိကန် ကြုံရစေမယ်လို့ ကင်မ်ဂျုံအန်းရဲ့ ညီမ သတိပေး
လုံခြုံရေးဆိုင်ရာ အကျပ်အတည်းသစ်တွေ အမေရိကန် ကြုံရစေမယ်လို့ ကင်မ်ဂျုံအန်းရဲ့ ညီမ သတိပေး

လုံခြုံရေး ကဏ္ဍနဲ့ ပတ်သက်လို့ သေရေးရှင်ရေး အကျပ်အတည်း အသစ်တွေ ကြုံတွေ့ရစေမယ်လို့ မြောက်ကိုရီးယား ခေါင်းဆောင် ကင်မ်ဂျုံအန်းရဲ့ ညီမက အမေရိကန်ကို ရည်ရွယ်ပြီး သတိပေး ပြောကြားလိုက်ပါတယ်။

ကင်မ်ယိုဂျောင်ဟာ မြောက်ကိုရီးယား နိုင်ငံရေး နယ်ပယ်မှာ ဩဇာအကြီးမားဆုံး အမျိုးသမီးအဖြစ် သတ်မှတ် ခံထားရသလို အစ်ကိုဖြစ်သူအပေါ် အထူးတလည် သစ္စာစောင့်သိသူလို့လည်း လူသိများပါတယ်။

မြောက်ကိုရီးယားက ကုလသမဂ္ဂ တားမြစ်ထားတဲ့ မဟာဗျူဟာ ဒုံးကျည် စမ်းသပ်မှုတွေ ဆက်လက် လုပ်ဆောင်နေတာ အပါအဝင် ဒေသတွင်း တည်ငြိမ်မှုကို ပျက်ပြားအောင် ဆောင်ရွက်နေမှုတွေကို အပြင်းအထန် ရှုတ်ချတဲ့ အဆိုတစ်ရပ်အတွက် အမေရိကန်က ဘက်ပေါင်းစုံကနေ စဉ်းစားနေကြောင်း ကုလသမဂ္ဂဆိုင်ရာ အမေရိကန် သံအမတ်ကြီး လင်ဒါ သောမတ်စ် ဂရင်းဖီးလ်က ပြောကြားခဲ့ပြီး မကြာခင်မှာပဲ ကင်မ်ယိုဂျောင်ဆီက အခုလို တင်းတင်းမာမာ တုံ့ပြန်မှုမျိုး ထွက်ပေါ်လာတာပါ။

သောမတ်စ် ဂရင်းဖီးလ်က မြောက်ကိုရီးယားရဲ့ လက်နက်စမ်းသပ်မှုတွေနဲ့ ပတ်သက်လို့ ပိုမို ကန့်သတ် ပိတ်ပင်ဖို့ ထောက်ခံထားတဲ့ နိုင်ငံပေါင်း ၁၄ ခုရဲ့ သဘောတူ ကြေညာချက်ကိုလည်း ဖတ်ကြားပြသွားပါတယ်။

ကင်မ်ယိုဂျောင်ကတော့ အမေရိကန်၊ ဗြိတိန်၊ ပြင်သစ်၊ ဩစတြေးလျ၊ ဂျပန်နဲ့ တောင်ကိုရီးယားတို့လည်း ပါဝင်တဲ့ အဲဒီ ကြေညာချက်ကို စက်ဆုပ်စရာ ကိစ္စတစ်ခုလို့ ဝေဖန်သွားခဲ့ပါတယ်။ သူက အမေရိကန်ကို ကြောက်ကြောက်နဲ့ ဟောင်နေတဲ့ ခွေးတစ်ကောင်လို့ ပမာပြု နှိုင်းယှဉ်သွားပြီး ဒီကြေညာချက်မျိုးဟာ မြောက်ကိုရီးယားရဲ့ အချုပ်အခြာ အာဏာကို ထိပါးမှု၊ နိုင်ငံရေးအရ အကြီးအကျယ် ရန်စမှုလို့ မှတ်ယူကြောင်းလည်း ပြောပါတယ်။

အမေရိကန် အနေနဲ့ မြောက်ကိုရီးယားကို လက်နက် ဖျက်သိမ်းဖို့ ဘယ်လိုပဲ အသည်းအသန် ကြိုးစားပါစေ၊ မြောက်ကိုရီးယားရဲ့ ကိုယ့်ကိုယ်ကိုယ် ကာကွယ်ခွင့်ကို ဘယ်တော့မှ အဆုံးရှုံး ခံမှာ မဟုတ်ကြောင်း၊ မြောက်ကိုရီးယားကို ဆန့်ကျင်တဲ့ လုပ်ရပ်တွေနဲ့ ရှေ့ဆက်တိုးလေလေ၊ အမေရိကန်ဟာ လုံခြုံရေးဆိုင်ရာ သေရေးရှင်ရေး အကျပ်အတည်းမျိုးတွေ ကြုံရလေလေဆိုတာ နားလည်သင့်ကြောင်း ကင်မ်ယိုဂျောင်က ကြိမ်းဝါးသွားပါတယ်။

မြောက်ကိုရီးယားဟာ ပြီးခဲ့တဲ့ ရက်ပိုင်းက သူတို့ရဲ့ နျူကလီးယား လက်နက်တိုက်ထဲက ခေတ်အမီဆုံး စစ်လက်နက်ဖြစ်တဲ့ Hwasong-17လို့ ယုံကြည်ရတဲ့ တာဝေးပစ် ဒုံးကျည် တစ်စင်းကို စမ်းသပ် ပစ်လွှတ်ထားခဲ့ပါတယ်။ အဲဒီဒုံးကျည်ဟာ အမေရိကန် ပိုင်နက်ထိ ရောက်ရှိနိုင်စွမ်း ရှိလိမ့်မယ်လို့ ဂျပန် စစ်ထောက်လှမ်းရေးတွေက သုံးသပ်ထားပါတယ်။

You May Also Like

သတင်း

မုံရွာတောင်ပိုင်း မုံရွာမြို့အဝင်ရှိ စစ်ကောင်စီစစ်ဆေးရေးဂိတ်များအား ဒေသကာကွယ်ရေးအဖွဲ့များက မကြာခဏ တိုက်ခိုက်လေ့ရှိသည်။

နိုင်ငံတကာ

အမေရိကန် လေတပ်ဟာ စစ်အေးခေတ်မှာ စတင် အသုံးပြုခဲ့တဲ့ B-2နဲ့ B-1 Lancer မဟာဗျူဟာ ဗုံးကြဲလေယာဉ်တွေ နေရာမှာ B-21 အသစ်တွေကို တဖြည်းဖြည်းချင်း အစားထိုးသွားမှာ ဖြစ်ပါတယ်။

သတင်း

သတိပေးထုတ်ပြန်သည့်နေ့မှစ၍ ထိရောက်သည့် အရေးယူမှု ပြုလုပ်မည်ဖြစ်ကြောင်း ၂၀၂၁ မတ်လ ၁၆ရက်က ထုတ်ပြန်ခဲ့သည့် စာကိုယခုနှစ် ဒီဇင်ဘာ ၁ရက်တွင် ပြန်လည် အသိပေးဖော်ပြသည်။

သတင်း

ဒီးမော့ဆိုမြို့နယ်၊ နန်းမယ်ခုံမြို့တစ်ကျောတွင် စစ်ရေးတင်းမာနေမှုကြောင့် ပြည်သူများအနေဖြင့် အသွားအလာမပြုလုပ်ကြရန် ကရင်နီအမျိုးသားများကာကွယ်ရေးတပ်(KNDF)က ယနေ့(နိုဝင်ဘာ ၃၀ ရက်)သတိပေးထုတ်ပြန်သည်။ မိုးဗြဲမြို့နှင့် ဒီးမော့ဆိုမြို့နယ်ကြား၌ တည်ရှိသော နန်းမယ်ခုံသည် စစ်ရေးအရ ဗျူဟာကျပြီး ယခုနှစ်ဆန်းပိုင်းတွင် စစ်ကောင်စီတပ်က အင်အားအလွန်အကျွံအသုံးပြု၍ ထိုးစစ်ဆင်တပ်စွဲထားခဲ့ခြင်းဖြစ်သည်။ “ပြီးခဲ့တဲ့ တစ်ပတ်လောက်ကတည်းက နန်းမယ်ခုံတစ်ဝိုက်မှာ တိုက်ပွဲနေ့စဥ်နီးပါးဖြစ်နေတာ။ စကစဘက်က...