Connect with us

Hi, what are you looking for?

LuduNwayOo

နိုင်ငံတကာ

တစ်လခွဲလောက် ကြာပြီးမှ ရွေးကောက်ပွဲ ရှုံးနိမ့်မှုနဲ့ ပတ်သက်လို့ ပထမဆုံးအကြိမ် ဘရာဇီး သမ္မတ မှတ်ချက်ပေး

ဘော်လ်ဆိုနာရိုဟာ အခုအချိန်ထိ လူလာရဲ့ ရွေးကောက်ပွဲ အောင်ပွဲရလဒ်ကို အသိအမှတ် မပြုသလို သူ့အပေါ် အားပေး ထောက်ခံသူတွေ အနေနဲ့ ဘရာဇီး စစ်စခန်းတွေနားမှာ ဆက်ပြီး ဆန္ဒပြသင့်ကြောင်း အရိပ်အမြွက်သဘော တိုက်တွန်းသွားတာလည်း တွေ့ရပါတယ်။

တစ်လခွဲလောက် ကြာပြီးမှ ရွေးကောက်ပွဲ ရှုံးနိမ့်မှုနဲ့ ပတ်သက်လို့ ပထမဆုံးအကြိမ် ဘရာဇီး သမ္မတ မှတ်ချက်ပေး
တစ်လခွဲလောက် ကြာပြီးမှ ရွေးကောက်ပွဲ ရှုံးနိမ့်မှုနဲ့ ပတ်သက်လို့ ပထမဆုံးအကြိမ် ဘရာဇီး သမ္မတ မှတ်ချက်ပေး

ရွေးကောက်ပွဲမှာ ရှုံးနိမ့်ခဲ့ရတာ အရမ်း နာကျင် ခံစားရပါတယ်လို့ ရွေးကောက်ပွဲအပြီး တစ်လခွဲလောက် အကြာကျမှ ဘရာဇီး သမ္မတ ဂျဲရ် ဘော်လ်ဆိုနာရိုက ပထမဆုံးအကြိမ် ထုတ်ဖော် ဝန်ခံခဲ့ပါတယ်။

အောက်တိုဘာ ၃၀ ရွေးကောက်ပွဲမှာ သမ္မတဟောင်း လူးဝစ်ဇ် အစ်နာရှို လူလာ ဒါဆေးလ်ဗားကို အရေးနိမ့်ခဲ့တဲ့ အချိန်ကစလို့ ဘော်လ်ဆိုနာရိုဟာ ရွေးကောက်ပွဲနဲ့ ပတ်သက်ပြီး သူ့အမြင်ကို လူသိရှင်ကြား လုံးဝ ထုတ်မပြောဘဲ နှုတ်ဆိတ်နေခဲ့တာ ဖြစ်ပါတယ်။

ဒီဇင်ဘာ ၉ ရက်မှာတော့ လက်ယာစွန်း အမျိုးသားရေး ဝါဒစွဲ သမ္မတ သူ့ကို အားပေး ထောက်ခံသူတွေနဲ့ သမ္မတ အိမ်တော်ရှေ့မှာ တွေ့ဆုံခဲ့ပါတယ်။ ဘော်လ်ဆိုနာရိုရဲ့ အမာခံ အားပေးသူတွေက ရွေးကောက်ပွဲ ရလဒ်ကို လက်မခံဘဲ ဘရာဇီး စစ်တပ်က အာဏာသိမ်းသင့်ကြောင်း တိုက်တွန်းနေကြပါတယ်။

သူ့အနေနဲ့ အကြီးအကျယ် နာကျင် ခံစားခဲ့ရကြောင်း၊ ဒါပေမဲ့ သူဘယ်သွားမယ်၊ ဘရာဇီး စစ်တပ် ဘယ်ကို ဦးတည်မယ် ဆိုတာတွေ အကုန်လုံးကို ဆုံးဖြတ်နိုင်တာက သူ့ကို ထောက်ခံတဲ့ ပြည်သူတွေသာ ဖြစ်ကြောင်း ဘော်လ်ဆိုနာရိုက ပြောပါတယ်။

Public Service Announcement

Public Service Announcement

ဒါပေမဲ့ နိုင်ငံရေးမှာ စစ်တပ်က ကြားဝင်စွက်ဖက်လာဖို့ တောင်းဆိုမှုတွေကိုတော့ ထောက်ခံမှာ မဟုတ်ကြောင်း ဘော်လ်ဆိုနာရိုက ဆိုပါတယ်။ ဘရာဇီးရဲ့ လက်နက်ကိုင် တပ်ဖွဲ့တွေဟာလည်း နိုင်ငံရဲ့ ဖွဲ့စည်းပုံ ဥပဒေကို လေးစားရမှာ ဖြစ်တယ်လို့ သူက ပြောပါတယ်။

ဘော်လ်ဆိုနာရိုဟာ အခုအချိန်ထိ လူလာရဲ့ ရွေးကောက်ပွဲ အောင်ပွဲရလဒ်ကို အသိအမှတ် မပြုသလို သူ့အပေါ် အားပေး ထောက်ခံသူတွေ အနေနဲ့ ဘရာဇီး စစ်စခန်းတွေနားမှာ ဆက်ပြီး ဆန္ဒပြသင့်ကြောင်း အရိပ်အမြွက်သဘော တိုက်တွန်းသွားတာလည်း တွေ့ရပါတယ်။

ဘော်လ်ဆိုနာရိုနဲ့ လူလာတို့ရဲ့ အားပြိုင်မှုဟာ ဘရာဇီးနိုင်ငံ သမိုင်းမှာ အကြိတ်အနယ် အရှိဆုံး ရွေးကောက်ပွဲတစ်ခု အနေနဲ့ မှတ်တမ်းဝင်စေခဲ့ပြီး လူလာက ပွတ်ကာသီကာ အနိုင်ရခဲ့တာပါ။ အဲဒီအတွက် အချက်အလက်တွေကို တရားဝင် ထုတ်ပြန်ရှင်းလင်းဖို့လည်း ဘရာဇီး ရွေးကောက်ပွဲ ကော်မတီက အသင့်ဖြစ်နေပါတယ်။

ဘော်လ်ဆိုနာရိုက ဘရာဇီး လက်နက်ကိုင် တပ်တွေဟာ နိုင်ငံကို ဆိုရှယ်လစ် လမ်းစဉ်နောက် လိုက်မသွားအောင် ကာကွယ်ဖို့ တာဝန်ရှိကြောင်း ပြောပါတယ်။ ပြီးတော့ လက်ယာစွန်း နိုင်ငံရေး အင်အားစုတွေအတွက် ဘာဆုံးရှုံးမှုမှ မရှိခဲ့သလို သူတို့ရဲ့ ရပ်တည်မှုဟာ အရှည် တည်တံ့နေဦးမယ်လို့လည်း သူက ကြွေးကြော်သွားပါတယ်။

ရွေးကောက်ပွဲ အနိုင်ရထားတဲ့ လူလာဟာ ၂၀၂၃ ခုနှစ်၊ နှစ်ဆန်းပိုင်းကစပြီး ဘော်လ်ဆိုနာရိုဆီက သမ္မတ အရိုက်အရာကို လွှဲပြောင်းယူသွားမှာ ဖြစ်ပါတယ်။

ဆက်စပ်သတင်းများ

နိုင်ငံတကာ

အမေရိကန်လုပ် အပေါ့စား တိုက်လေယာဉ်တွေဟာ နှစ်အလိုက် အဆင့်မြှင့်မှုတွေ ဆက်တိုက် လုပ်ဆောင်ခဲ့ပြီး လက်ရှိ ယူကရိန်း လေတပ်က အသုံးပြုနေတဲ့ ဆိုဗီယက်ဒီဇိုင်း တိုက်လေယာဉ်တွေထက် နည်းပညာပိုင်း အများကြီး ပိုမို မြင့်မားပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။

နိုင်ငံတကာ

လူထုအမြင် စစ်တမ်းတွေမှာ သူဟာ ထရမ့်ရဲ့နောက်က လိုက်နေရတယ်ဆိုတဲ့ ကိစ္စကိုလည်း ပယ်ချခဲ့ပြီး စကားပြောကြည့်ဖူးသမျှ စစ်တမ်း အဖွဲ့အစည်းတွေက သူ့အပေါ် ထောက်ခံနှုန်း တက်ရိပ်ပြလာတယ်လို့ချည်း ပြောပြခဲ့တယ်လို့လည်း ဘိုင်ဒန်က ဆိုပါတယ်။

နိုင်ငံတကာ

ဒုတိယ ကမ္ဘာစစ်နောက်ပိုင်း အဆိုးဆုံး ရွေးကောက်ပွဲ ရလဒ်မျိုးနဲ့ ကြုံခဲ့ပြီး ဘောရစ်ဂျွန်ဆန် ဦးဆောင်တဲ့ ကွန်ဆာဗေးတစ်တွေကို အရှုံးပေးခဲ့ရတဲ့ ၂၀၁၉ ရွေးကောက်ပွဲကနေ လေဘာပါတီဟာ အံ့ဩစရာ နာလန်ပြန်ထူလာနိုင်ခဲ့တာ ဖြစ်ပါတယ်။