Connect with us

Hi, what are you looking for?

LuduNwayOo

နိုင်ငံတကာ

ဩစတြေးလျက မြစ်တစ်ခုထဲမှာ ငါးမန်းကိုက်လို့ မိန်းကလေးငယ်တစ်ဦး သေဆုံး

သွေးသံရဲရဲ ဖြစ်နေတဲ့ မိန်းကလေးကို သူငယ်ချင်းတွေက ရေထဲကနေ ရအောင် ဆွဲတင်ပြီး အသက်ပြန်ရှင်အောင် နည်းလမ်းပေါင်းစုံနဲ့ ကြိုးစားခဲ့ပေမယ့် ဒဏ်ရာ ပြင်းလွန်းတာကြောင့် လက်လွှတ်လိုက်ရတာ ဖြစ်ပါတယ်။

ဩစတြေးလျက မြစ်တစ်ခုထဲမှာ ငါးမန်းကိုက်လို့ မိန်းကလေးငယ်တစ်ဦး သေဆုံး
ဩစတြေးလျက မြစ်တစ်ခုထဲမှာ ငါးမန်းကိုက်လို့ မိန်းကလေးငယ်တစ်ဦး သေဆုံး

ဩစတြေးလျက မြစ်တစ်ခုထဲ ခုန်ချပြီး ရေဆင်းကူးခဲ့တဲ့ မိန်းကလေးငယ် တစ်ဦးဟာ ငါးမန်း ကိုက်ခံရလို့ သေဆုံးသွားခဲ့ကြောင်း သိရပါတယ်။

ဖေဖော်ဝါရီ ၄ ရက်က အသက် ၁၆ နှစ်အရွယ် မိန်းကလေး တစ်ဦးဟာ အနောက် ဩစတြေးလျ ပြည်နယ်မှာ လင်းပိုင်အုပ် တစ်အုပ်နားမှာ ရေကူးဖို့ မြစ်ထဲ ခုန်ချခဲ့ပါတယ်။ အဲဒီ မိန်းကလေးဟာ ရေထဲမှာ အသင့်ရှိနေတဲ့ မျိုးစိတ် အတိအကျ မသိရတဲ့ ငါးမန်းတစ်ကောင်နဲ့ တည့်တည့်တိုးပြီး အသက်ဆုံးရှုံးတဲ့ထိ တိုက်ခိုက် ခံခဲ့ရတာပါ။

မိန်းကလေး ရေထဲ ခုန်ချခဲ့တဲ့ နေရာဟာ ပါ့သ်မြို့ ဆင်ခြေဖုံးက ဖရီမန်တယ်လ် မြောက်ပိုင်း ရပ်ကွက်ထဲမှာ စီးဆင်းနေတဲ့ ဆွမ်းမြစ်ထဲမှာ ဖြစ်ပါတယ်။ မိန်းကလေးနဲ့အတူ အပျော် ရေကူးနေတဲ့ သူငယ်ချင်း တချို့လည်း အဲဒီနေရာမှာ ရှိခဲ့တယ်လို့ ရဲတွေက ပြောပါတယ်။

သွေးသံရဲရဲ ဖြစ်နေတဲ့ မိန်းကလေးကို သူငယ်ချင်းတွေက ရေထဲကနေ ရအောင် ဆွဲတင်ပြီး အသက်ပြန်ရှင်အောင် နည်းလမ်းပေါင်းစုံနဲ့ ကြိုးစားခဲ့ပေမယ့် ဒဏ်ရာ ပြင်းလွန်းတာကြောင့် လက်လွှတ်လိုက်ရတာ ဖြစ်ပါတယ်။

Public Service Announcement

Public Service Announcement

မိန်းကလေးနဲ့ သူငယ်ချင်း တစ်စုဟာ ရေပေါ်လျှပ်ပြေး ဂျက်စကီးတွေ စီးနင်းနေရင်း အနားမှာ လင်းပိုင်တစ်အုပ်ကို တွေ့ခဲ့တာကြောင့် မိန်းကလေးက အဲဒီ ရေနေ နို့တိုက် သတ္တဝါတွေနဲ့အတူ ရေကူးဖို့ မြစ်ထဲ ခုန်ချခဲ့တာလို့ ဒေသဆိုင်ရာ ရဲတပ်ဖွဲ့ အကြီးအကဲ ပေါလ် ရော်ဘင်ဆန်က ဆိုပါတယ်။

အဏ္ဏဝါဗေဒ ပညာရှင်တွေကတော့ မြစ်ရဲ့ အခင်းဖြစ်ပွားရာ အစိတ်အပိုင်းမှာ ငါးမန်းတွေ လာရောက် ကျက်စားတာမျိုးက ပုံမှန်မဟုတ်တဲ့ အခြေအနေလို့ ပြောပါတယ်။ ငါးမန်း တိုက်ခိုက်မှုကြောင့် လူသေဆုံးခဲ့တဲ့ သတင်းအပြီး ပြည်နယ် အစိုးရက မြစ်ကြော တလျှောက်ကို သတိကြီးကြီး စောင့်ကြည့်ဖို့ ညွှန်ကြားထားသလို အပန်းဖြေ ကမ်းခြေတချို့ကိုလည်း ပိတ်ထားလိုက်ပါတယ်။

ဆွမ်းမြစ်ထဲမှာတော့ နှစ်ပေါင်း ၁၀၀ ကျော်အတွင်း ပထမဆုံးအကြိမ် လူသေတဲ့အထိ ငါးမန်း တိုက်ခိုက်မှု ကြုံတွေ့ခဲ့တာလည်း ဖြစ်ပါတယ်။ ၁၉၂၃ ခုနှစ်၊ ဇန်နဝါရီလတုန်းကလည်း ပါ့သ်မြို့ ဆင်ခြေဖုံးက ကလဲရီမောင့်မှာ အသက် ၁၃ နှစ်အရွယ် ယောက်ျားလေးတစ်ဦး ငါးမန်းကိုက် ခံရပြီး အသက်ဆုံးရှုံးခဲ့ဖူးကြောင်း သိရပါတယ်။

ဩစတြေးလျ ပင်လယ် ကမ်းခြေတွေမှာ ငါးမန်းတိုက်ခိုက်လို့ လူသေတဲ့ သတင်းတွေ ရံဖန်ရံခါ ကြားရလေ့ ရှိပေမယ့် ရေငန်ဝင်တဲ့ မြစ်ထဲမှာ ငါးမန်းကြောင့် လူသေဖူးတဲ့ နောက်ဆုံး ဖြစ်စဉ်ကိုတော့ ၁၉၆၀ မှာ ကြုံခဲ့ပါတယ်။ အဲဒီတုန်းက ဆစ်ဒနီမှာရှိတဲ့ ရို့စ်ဗီးလ် မြစ်ကူးတံတားအောက်မှာ အပျော်တမ်း ရေငုပ်သူ တစ်ဦးကို ၃.၃ မီတာလောက် အရှည်ရှိတဲ့ ကျားငါးမန်းက တိုက်ခိုက်ခဲ့တာလို့ မှတ်တမ်းတွေက ဖော်ပြထားပါတယ်။

ဆက်စပ်သတင်းများ

သတင်း

တောင်ကုတ်မြို့နယ်၊ ကံဆိပ်ကျေးရွာကို တိုက်ပွဲဖြစ်ပွားခြင်းမရှိဘဲ စစ်ကောင်စီက လေကြောင်းဗုံးကြဲတိုက်ခိုက်ခြင်းဟု ဒေသခံများကပြောသည်။

နိုင်ငံတကာ

ကနေဒါကနေ လာရောက်တဲ့ မွတ်ဆလင် ဝတ်ပြု ခရီးသည် တစ်ဦးကတော့ ရုပ်ပိုင်းဆိုင်ရာအရ အပူဒဏ်က အရမ်းဆိုးရွားတာ မှန်ပေမယ့် ယုံကြည်ကိုးကွယ်မှုမှာ စိတ်ဆောင်နေလို့ တတ်နိုင်သမျှ အပူဒဏ်ကို မေ့ဖျောက်ထားကြတယ်လို့ ပြောပါတယ်။

သတင်း

ဇီးကုန်းရွာနေ (၈)နှစ်အရွယ် ကလေးငယ်တစ်ဦးနှင့် ကျွန်းဦးရွာနေ အမျိုးသားတစ်ဦးပါ လက်နက်ကြီးထိမှန် သေဆုံးခဲ့ကြောင်း ဒေသခံများက ပြောသည်။

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။