Connect with us

Hi, what are you looking for?

LuduNwayOo

နိုင်ငံတကာ

ရွေးကောက်ပွဲမှာ အရေးနိမ့်ခဲ့တဲ့နောက် ပြည်တွင်းမှာ စည်းလုံးမှု ရှိကြဖို့ ထိုင်းဝန်ကြီးချုပ် တိုက်တွန်း

ပရာယွတ်ရဲ့ ယူနိုက်တက် ထိုင်းအမျိုးသားပါတီ (UNP)ဆိုရင် အောက်လွှတ်တော် အမတ်နေရာ ၅၀၀ အတွက် ရွေးကောက်ပွဲ ယှဉ်ပြိုင်မှုမှာ ၃၆ နေရာသာ အနိုင်ရခဲ့ပါတယ်။

ရွေးကောက်ပွဲမှာ အရေးနိမ့်ခဲ့တဲ့နောက် ပြည်တွင်းမှာ စည်းလုံးမှု ရှိကြဖို့ ထိုင်းဝန်ကြီးချုပ် တိုက်တွန်း
ရွေးကောက်ပွဲမှာ အရေးနိမ့်ခဲ့တဲ့နောက် ပြည်တွင်းမှာ စည်းလုံးမှု ရှိကြဖို့ ထိုင်းဝန်ကြီးချုပ် တိုက်တွန်း

ရွေးကောက်ပွဲမှာ ရလဒ် ဆိုးဆိုးရွားရွားနဲ့ အရေးနိမ့်ခဲ့တဲ့နောက် ထိုင်းဝန်ကြီးချုပ် ပရာယွတ် ချန်အိုချာက နိုင်ငံရေးမှာ စည်းစည်းလုံးလုံး ရှိကြဖို့ တိုက်တွန်း ပြောကြားလိုက်ပါတယ်။

၂၀၁၄ ခုနှစ်က အာဏာသိမ်းခဲ့တဲ့ ထိုင်းစစ်တပ်ကို ဦးဆောင်ခဲ့သူ စစ်ဗိုလ်ချုပ်ကြီးဟောင်း ပရာယွတ်ဟာ မေလ ၁၄ ရက် ရွေးကောက်ပွဲမှာ စစ်တပ် ထောက်ခံတဲ့ ပါတီတွေ ခါးခါးသီးသီး အရေးနိမ့်ခဲ့တာနဲ့ ပတ်သက်လို့တော့ သဘောထား မှတ်ချက် မပေးသေးပါဘူး။

ပရာယွတ်ရဲ့ ယူနိုက်တက် ထိုင်းအမျိုးသားပါတီ (UNP)ဆိုရင် အောက်လွှတ်တော် အမတ်နေရာ ၅၀၀ အတွက် ရွေးကောက်ပွဲ ယှဉ်ပြိုင်မှုမှာ ၃၆ နေရာသာ အနိုင်ရခဲ့ပါတယ်။

ပရာယွတ်က အနိုင်ရ အတိုက်အခံ အင်အားစုတွေကို ဂုဏ်ပြုစကား ပြောခဲ့ပြီး အစိုးရသစ် မဖွဲ့စည်းနိုင်ခင်အထိ အတောအတွင်း သူ့ရဲ့ ဝန်ကြီးချုပ် တာဝန်တွေကို ဆက်လက် ထမ်းဆောင်နေမယ်လို့ ပြောကြားသွားခဲ့ပါတယ်။

Public Service Announcement

Public Service Announcement

ပြီးတော့ ထိုင်းနိုင်ငံရေး ပါတီတွေနဲ့ ပြည်သူတွေ အားလုံး နိုင်ငံ ဖွံ့ဖြိုးတိုးတက်ရေးအတွက် စည်းစည်းလုံးလုံး ဆောင်ရွက်ကြဖို့ ပန်ကြားလိုကြောင်း ပရာယွတ်က ဆိုပါတယ်။ ထိုင်းမှာ ဘယ်လို ပဋိပက္ခတွေမှ မရှိဘဲ ချစ်ခြင်းမေတ္တာနဲ့ စည်းလုံးမှုကို အခြေခံပြီး တည်ငြိမ်အေးချမ်းမှု တည်ဆောက်နိုင်ဖို့ မျှော်လင့်ကြောင်း ဝန်ကြီးချုပ်က ဆိုပါတယ်။

သတင်းထောက်တွေက ပရာယွတ်ကို နိုင်ငံရေး နယ်ပယ်ထဲ ဆက်ရှိမရှိ မေးမြန်းတဲ့ အခါမှာတော့ သူက ဖြေကြားသွားခြင်း မရှိပါဘူး။ UNPရဲ့ အရာရှိ တချို့ကတော့ ဝန်ကြီးချုပ်ဟာ နိုင်ငံရေးကနေ အနားယူသွားတာမျိုး ဖြစ်ကောင်း ဖြစ်နိုင်တယ်လို့ အရိပ်အမြွက် မှတ်ချက် ပေးထားပါတယ်။

ထိုင်းရွေးကောက်ပွဲမှာတော့ ပြုပြင်ပြောင်းလဲရေး ဝါဒီတွေလို့ နာမည်ကြီးတဲ့ Move Forwardပါတီ (MFP)နဲ့ အဓိက အတိုက်အခံ အင်အားစုဖြစ်တဲ့ ဖျူထိုင်းပါတီ (PTP)တို့က အောင်ပွဲခံခဲ့ပြီး ညွန့်ပေါင်း အစိုးရ ဖွဲ့စည်းသွားဖွယ် ရှိနေကြောင်း ကျယ်ကျယ်ပြန့်ပြန့် ခန့်မှန်းခံထားရပါတယ်။

တစ်ဖက်မှာလည်း စစ်တပ်က ခန့်အပ်ထားပြီး ရွေးကောက်ပွဲ ဝင်စရာ မလိုတဲ့ အထက်လွှတ်တော် အမတ်တွေရဲ့ အားကို အသုံးချပြီး စစ်တပ် ကျောထောက်နောက်ခံ ပါတီတွေက အစိုးရသစ် ဖွဲ့စည်းနိုင်မယ့် အခြေအနေတချို့ ရှိနေဆဲ ဖြစ်ပါတယ်။

ဆက်စပ်သတင်းများ

နိုင်ငံတကာ

ရွေးကောက်ပွဲဝင် သမ္မတလောင်း အဖြစ်ကနေ ဂျိုးဘိုင်ဒန် နုတ်ထွက်သွားတဲ့နောက် သူ့ရဲ့ နေရာမှာ ပါတီကိုယ်စားပြု သမ္မတလောင်းအဖြစ် တင်မြှောက်ခံရအောင် ရည်မှန်း ကြိုးစားသွားမယ်လို့ ဒုတိယ သမ္မတ ကာမာလာ ဟားရစ်က ကြေညာခဲ့ပါတယ်။

နိုင်ငံတကာ

အ​မေရိကန်သမ္မတ ဂျိုးဘိုင်ဒန်ဟာ ၂၀၂၄ အ​မေရီကန်သမ္မတ​ရွေး​ကောက်ပွဲမှာ ဝင်​ရောက်ယှဥ်ပြိုင်​တော့မှာမဟုတ်ဘူးလို့ သူရဲ့​ဖေစ်ဘွခ်စာမျက်နှာကတစ်ဆင့်ကြညာလိုက်ပါတယ်။

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။

နိုင်ငံတကာ

လူထုအမြင် စစ်တမ်းတွေမှာ သူဟာ ထရမ့်ရဲ့နောက်က လိုက်နေရတယ်ဆိုတဲ့ ကိစ္စကိုလည်း ပယ်ချခဲ့ပြီး စကားပြောကြည့်ဖူးသမျှ စစ်တမ်း အဖွဲ့အစည်းတွေက သူ့အပေါ် ထောက်ခံနှုန်း တက်ရိပ်ပြလာတယ်လို့ချည်း ပြောပြခဲ့တယ်လို့လည်း ဘိုင်ဒန်က ဆိုပါတယ်။