ဂျိုးဘိုင်ဒန် ​သမ္မတ​ရွေး​ကောက်ပွဲဝင်မပြိုင်​တော့

-People’s Spring

အ​မေရိကန်သမ္မတ ဂျိုးဘိုင်ဒန်ဟာ ၂၀၂၄ အ​မေရီကန်သမ္မတ​ရွေး​ကောက်ပွဲမှာ ဝင်​ရောက်ယှဥ်ပြိုင်​တော့မှာမဟုတ်ဘူးလို့ သူရဲ့​ဖေစ်ဘွခ်စာမျက်နှာကတစ်ဆင့်ကြညာလိုက်ပါတယ်။

ဒီမိုကရက် ပါတီဝင်တွေကြားမှာ​တောင် ဘိုင်ဒန်ရဲ့ အသက်အရွယ်၊ ကျန်းမာရေးနဲ့ ကြံ့ခိုင်မှုတွေအပေါ် စိုးရိမ်မှုတွေ မြင့်တက်လာပြီး နိုဝင်ဘာ ၅ ရက်နေ့ ရွေးကောက်ပွဲမှာ ဘိုင်ဒန်နုတ်ထွက်ပြီး ဒုတိယ သမ္မတ ကာမာလာ ဟားရစ်ကို အစားထိုး ယှဉ်ပြိုင်ဖို့ တောင်းဆိုသူတွေ ပိုများလာနေပါတယ်။ ဒါပေမဲ့လည်း ဘိုင်ဒန်ကတော့ အဲဒီ စိုးရိမ်မှုတွေကို တ​လျှောက်လုံးခေါင်းမာမာနဲ့ ငြင်းဆိုပြီး သူ့ရဲ့ ဆုံးဖြတ် ရွေးချယ်မှုက အရမ်းရှင်းလင်း​ကြောင်း၊ အားလုံး တစ်သား

Public Service Announcement

တည်း အတူ စုစည်းနေမယ်ဆိုရင် ရွေးကောက်ပွဲမှာ မနိုင်စရာ အကြောင်းမရှိကြောင်း အ​စောပိုင်းကတုံ့ပြန်ခဲ့တာပါ။ဒါ​ပေမယ် အ​မေရီကန်သမ္မတရဲ့ ဇူလိုင် ၂၁ ရက်​နေ့မှာအ​မေရီကန်ပြည်သူ​တွေကို ရည်ညွန်း​ရေးထားတဲ့စာမှာ ​ရွေး​ကောက်ပွဲဝင်မပြိုင်​တော့ဘူးလို့ ​ကြေညာလိုက်တာပါ။

ပြီးခဲ့တဲ့ ရက်ပိုင်းအတွင်း သမ္မတဟောင်း ဘာရတ်အိုဘားမားနဲ့ လွှတ်တော် ဥက္ကဋ္ဌဟောင်း နန်စီ ပလော့စီတို့လို အထင်ကရ ဒီမိုကရက် ပါတီဝင်တွေကပါ လူထုအမြင် စစ်တမ်းတွေအရ အသက် ၈၂ နှစ်အရွယ်ဘိုင်ဒန်ဟာ ရွေးကောက်ပွဲမှာ အဓိကပြိုင်ဘက် ဒေါ်နယ်လ်ထရမ့်ကို နိုင်ခြေ လုံးဝမရှိကြောင်း သတိပေးခဲ့ကြတယ်လို့ ပါတီတွင်း သတင်းရင်းမြစ်တွေက ပြောကြားထားပါတယ်။ ဒါ​ကြောင့် ရီပတ်ဘ​လစ်ကန်ပါတီ သမ္မတ​လောင်း ထရန့်နိုင်ဖို့ အပြတ်အသတ်​ရေးပန်းစား​နေချိန်မှာ ဘိုင်ဒန်ဟာ အခုလို ​ရွေး​ကောက်ပွဲဝင်မပြိုင်​တော့ဖို့ဆုံးဖြတ်လိုက်တာဖြစ်ပါတယ်။

အ​မေရီကန်လက်ရှိသမ္မတက​နောက်သက်တမ်းအတွက် ​ရွေး​ကောက်ပွဲဝင်မပြိုင်​တာဟာ အ​မေရီကန်သမိုင်းမှာ ဆယ်စုနှစ်များစွာအတွင်းပထမဆုံးအကြိမ်ဖြစ်တယ်လို့ CNN က​ဖော်ပြပါတယ်။ ဘိုင်ဒန် ​ရွေး​ကောက်ပွဲ မပြိုင်​တော့တာ​ကြောင့် ဒီမိုကရက်တစ်ပါတီသမ္မတ​လောင်း အဖြစ် နိုဝင်ဘာ​ရွေး​ကောက်ပွဲကို ဘယ်သူ့ကို အစားထိုးယှဥ်ပြိုင်​စေမလဲဆိုတာ​တော့ မသိရ​သေးပါဘူး။

ဘိုင်ဒန်ရဲ့စာထဲမှာ ဒုတိယသမ္မတ ကာမာလာ ဟားရစ်ရဲ့စွမ်း​ဆောင်မှု​တွေကို ချီးကျူးထားပါတယ်။ ဘိုင်ဒန်အစား ကာမာလာ ဟားရစ် ​ရွေး​ကောင်ပွဲဝင်ပြိုင်ရင် အနိုင်ယူဖို့ ပို​တောင်လွယ်မယ်လို့ ထရန့်က CNN ကို​ပြောပါတယ်။