ဇနီးဖြစ်သူနဲ့ ဆက်စပ်တဲ့ အငြင်းပွားစရာ အခြေအနေတွေအတွက် တောင်ကိုရီးယား သမ္မတ ယွန်ဆွတ်ခ်ယိုလ်က တောင်းပန်စကား ပြောကြားခဲ့ပါတယ်။
သမ္မတကတော် ကင်မ်ကွန်ဟီဟာ Dior အမှတ်တံဆိပ် တန်ဖိုးကြီး လက်ကိုင်အိတ် တစ်လုံးကို လက်ဆောင်အဖြစ် လက်ခံခဲ့တာ၊ စတော့စျေးကွက် ခြယ်လှယ်မှုတွေနဲ့ ဆက်စပ်နေတာတွေကြောင့် ဝေဖန်မှုတွေကို အပြင်းအထန် ခံခဲ့ရဖူးပါတယ်။
နိုဝင်ဘာ ၇ ရက်နေ့မှာတော့ ယွန်က ရုပ်မြင်သံကြားကနေတဆင့် ပြည်သူတွေဆီ လိပ်မူတဲ့ မိန့်ခွန်းတစ်ခုထဲမှာ သူ့ဇနီးနဲ့ ပတ်သက်လို ထည့်သွင်း ပြောကြားသွားပါတယ်။ သူက ဇနီးဖြစ်သူကို ဘာပဲလုပ်လုပ် ပိုပြီး သတိထားဖို ဆုံးမထားကြောင်း၊ ဒါပေမဲ့ ကင်မ်နဲ့ ပတ်သက်ပြီး ဝေဖန် ထိုးနှက်ချက်တွေဟာ လွန်လွန်ကဲကဲ ပုံကြီးချဲ့ထားပြီး ဒီအခြေအနေက ကင်မ်အတွက် မမျှတကြောင်း ဇနီးဖက်ကနေ ကာကွယ်သွားခဲ့ပါတယ်။
သူ့ဇနီးရဲ့ ကိစ္စတွေကို အစိုးရအဆင့် တရားဝင် စစ်ဆေးသင့်တယ်ဆိုတဲ့ တောင်းဆိုမှုတွေကို ယွန်က ငြင်းဆိုထားပေမယ့် သမ္မတကတော်ရဲ့ တရားဝင် လုပ်ဆောင် ဆောင်ရွက်မှုတွေနဲ့ ပတ်သက်ပြီး ကူညီ အကြံပေးမယ့် ရုံးအဖွဲတစ်ခု ထူထောင်ပေးသွားမယ်လိုလည်း ဆိုပါတယ်။
Public Service Announcement
အတိုက်အခံတွေကတော့ ယွန်ဟာ ဇနီးဖြစ်သူရဲ့ အရှုပ်အထွေးတွေကို အကြောင်းပြုပြီး လူထုထောက်ခံမှု ကျဆင်းလာတော့မှသာ အခုလို တောင်းပန်စကားဆိုပြီး အခြေအနေကို ကုစားဖို ကြိုးစားနေတာ ဖြစ်တယ်လို စွပ်စွဲ ဝေဖန်ထားပါတယ်။
၂၀၂၃ နှစ်ကုန်ပိုင်းတုန်းက လက်ဝဲယိမ်း YouTube channelတစ်ခုက ကင်မ်ဟာ ဝမ် ၃ သန်းတန်၊ တစ်နည်းအားဖြင့် ဒေါ်လာ ၂၂၀၀ ဝန်းကျင်လောက် တန်ဖိုးရှိတဲ့ Dior လက်ကိုင်အိတ်ကို သင်းအုပ်ဆရာ တစ်ဦးဆီကနေ လက်ခံနေတဲ့ ဗီဒီယိုကို ဖော်ပြခဲ့ပါတယ်။ အဲဒီဗီဒီယိုကို ၂၀၂၂ ခုနှစ်၊ စက်တင်ဘာလတုန်းက သင်းအုပ်ဆရာရဲ့ လက်ပတ်နာရီကနေ လျှိဝှက် ရိုက်ကူးထားခဲ့တာလို ဆိုပါတယ်။ အခုနှစ် ဖေဖော်ဝါရီလတုန်းကတော့ ယွန်ဟာ ဗီဒီယိုနဲ့ ပတ်သက်ပြီး နိုင်ငံရေးအရ ခြေထိုးခံမှု တစ်ခုလို စွပ်စွဲပြီး တောင်းပန်စကားပြောဖို ငြင်းဆိုခဲ့ပါတယ်။
အဲဒါနဲ့ ပတ်သက်လို အတိုက်အခံ ဒီမိုကရက်ပါတီက ယွန်ဟာ အရှက်ကင်းမဲ့ပြီး မျှော်လင့်စရာလည်း ဘာမှမရှိတော့ဘူးလို သမ္မတကို ထိုးနှက်ခဲ့ဖူးပါတယ်။ အခုနှစ် အစောပိုင်းတုန်းက ကင်မ်နဲ့ ပတ်သက်တဲ့ စွပ်စွဲချက်တွေကို တရားဝင် စုံစမ်းစစ်ဆေးမှုတွေ ပြုလုပ်ပေးဖို အတိုက်အခံတွေက လွှတ်တော်မှာ ဖိအားပေး တောင်းဆိုခဲ့တာကိုလည်း ယွန်က ဗီတိုအာဏာသုံးပြီး ပယ်ချခဲ့ပါတယ်။
ကိုးကား: AP
