Connect with us

Hi, what are you looking for?

သတင်း

ရန်ကုန်တွင် သန်းခေါင်စာရင်းကောက်ရန်ကူညီနေသည့် ရာအိမ်မှူးပစ်သတ်ခံရ

ရန်ကုန်မြို့တွင် စစ်ကောင်စီ၏ သန်းခေါင်စာရင်းကောက်ယူမှုတွင် အကူအညီပေးနေသည့် အင်းစိန်မြို့နယ်၊ အောင်ဆန်းရပ်ကွက် ရာအိမ်မှူးမင်းမင်းထွန်းသေနတ်ဖြင့် ပစ်သတ်ခံလိုက်ရသည်။

စစ်ကောင်စီထုတ်ပြန်ထားသော သန်းခေါင်စာရင်းကောက်ယူမှုပုံစံအား ပြသထားစဥ်။ ဓာတ်ပုံ - စကစ

မိထက်/People’s Spring

ရန်ကုန်မြို့တွင် စစ်ကောင်စီ၏ သန်းခေါင်စာရင်းကောက်ယူမှုတွင် အကူအညီပေးနေသည့် အင်းစိန်မြို့နယ်၊ အောင်ဆန်းရပ်ကွက် ရာအိမ်မှူးမင်းမင်းထွန်းသေနတ်ဖြင့် ပစ်သတ်ခံလိုက်ရသည်။

ယနေ့(စက်တင်ဘာ ၂၆ရက်)ည ၇နာရီ ၁၅ မိနစ်တွင် အောင်ဆန်းရပ်ကွက်ရှိ လက်ဖက်ရည်ဆိုင်တစ်ဆိုင်အတွင်း သေနတ်ဖြင့်ပစ်ခတ်ခံရပြီး ပွဲချင်းပြီးသေဆုံးခဲ့ခြင်းဟု ဒေသခံတစ်ဦးကပြောသည်။

Public Service Announcement

Public Service Announcement

” မင်းမင်းထွန်းက တော်‌တော်ပဲ့တယ်။ လူက ဖရဲသီးရောင်းတယ်။ ကယ်ရီစွဲတယ်။ရဲက ခိုင်းဖော်ခိုင်းဘက်။ ရဲသတင်းပေး။ သန်းခေါင်စာရင်းကောက်ဖို့သူ လိုက်ကူနေတယ်။ အခု သေပြီ” ဟု ယင်းဒေသခံကပြောသည်။

မင်းမင်းထွန်းသည် စစ်ကောင်စီက ဖွဲ့စည်းထားသည့် ပြည်သူ့လုံခြုံရေးအဖွဲ့ဝင်အဖြစ် စစ်သင်တန်းတက်ရောက်ခဲ့သူ ဖြစ်သည်။ ၎င်းအား ပစ်ခတ်သွားသူများကို မသိရှိရသေးဘဲ ရုပ်အလောင်းအား စစ်ကောင်စီနှင့်ရဲတပ်ဖွဲ့က စစ်ဆေးရုံသို့ သယ်ဆောင်သွားသည်။

စစ်ကောင်စီက အောက်တိုဘာ ၁ ရက်မှ ၁၅ ရက်အတွင်း ပြည်လုံးကျွတ်သန်းခေါင်စာရင်းကောက်ယူမည်ဖြစ်ကြောင်း ကြေညာထားသည်။ စစ်ကောင်စီနှင့်ပူးပေါင်းရေး သန်းခေါင်စာရင်းကောက်မည့်သူများကို ပစ်မှတ်ထားရှင်းလင်းမည်ဟုလည်း ကာကွယ်ရေးတပ်ဖွဲ့အချို့ကသတိပေးထားသည်။

တစ်နိုင်ငံလုံးအတိုင်းအတာဖြင့်စစ်ဘေး ရေဘေးကြုံရချိန်တွင် အာဏာတည်မြဲရန်အတွက် ပြည်လုံးကျွတ်သန်းခေါင်စာရင်းကောက်ယူရန် ကြိုးပမ်းနေသည့် စစ်ကောင်စီကို ဆန့်ကျင်ရန် ရန်ကုန်အခြေစိုက် လူထုသပိတ်အစုအဖွဲ့များက ယနေ့ တိုက်တွန်းချက်ထုတ်ပြန်ထားသည်။

ဆက်စပ်သတင်းများ

သတင်း

ပျောက်ဆုံးသူတွေ့ရင် ဆက်သွယ်ပေးဖို့ မိသားစုအကူအညီတောင်း

သတင်း

ရန်ကုန်မြို့၊မင်္ဂလာတောင်ညွှန့်မြို့နယ်က စတိုးဆိုင်မှာ ဝင်ခိုးတဲ့သူတွေကအိမ်ရှင်တွေကို တိုက်ခိုက်ခဲ့တာ‌ ‌ကြောင့် အမျိုးသားတစ်ဦးသေဆုံးပြီး သက်ကြီးပိုင်းအမျိုးသမီး တစ်ဦး ဒဏ်ရာရကာ အရေးပေါ်အခြေအနေနဲ့ ဆေးကုသမှုခံယူနေရတယ်လို့ ဒေသခံတွေကပြောပါတယ်။

သတင်း

ရန်ကုန်မြို့၊ မရမ်းကုန်းမြို့နယ် ဘုရင့်နောင်ကားပစ္စည်းဈေးဝင်းအတွင်းမှာ သက်ကြီးပိုင် အမျိုး သား ၁ဦး အပူရှပ်ပြီး လေဖြန်းသွားခဲ့တယ်လို့ ဒေသခံနဲ့ လူမှုကူညီရေးအသင်းအဖွဲ့၀င်တချို့က ပြောပါတယ်။

သတင်း

အောက်တိုဘာ ၁၀ မှာ​ဒေသနှစ်ခုအပူချိန်စံချိန်သစ်တင်

Facebook