ဟန်နွေ/People’s Spring
မကွေးတိုင်း ဆောမြို့နယ် ကျောက်ထုအခြေစိုက် စစ်ကောင်စီအမြောက်တပ်က မြို့နယ်အတွင်းရှိ ပန်းဆန်ကျေးရွာကို ဒရုန်းဖြင့် ဗုံးကြဲတိုက်ခိုက်ခဲ့ရာ ထိခိုက်သေဆုံးရှိသည်ဟု ဒေသ သတင်းရင်းမြစ်က ပြောသည်။
အောက်တိုဘာ ၅ရက် နံနက် ၈နာရီခွဲခန့်တွင် ကျောက်ထုအမြောက်တပ်သည် အရပ်သား ပြည်သူများ နေထိုင်ရာ ပန်းဆန်ကျေးရွာကို ဒရုန်းဖြင့် သုံးကြိမ်တိုက်ခိုက်ခဲ့ပြီး လက်နက်ကြီးဖြင့်လည်း ပစ်ခတ်ခဲ့သည်ဟု ဆိုသည်။
Public Service Announcement
” လူထိခိုက်တာ ရှိတယ်ကြားတယ်။ သေဆုံးလည်းရှိတယ်။ သေချာမသိရသေးဘူး။ ဖုန်းဆက်မရသေး”ဟုဒေသ သတင်းရင်းမြစ်က ပြောသည်။
ထို့အပြင် အောက်တိုဘာ ၃ရက်ကလည်း ကျောက်ထုအမြောက်တပ်သည် ပန်းဆန်ရွာ ဝန်းကျင်ကို လက်နက်ကြီးများဖြင့် ရမ်းသမ်းပစ်ခတ်ခဲ့သည်ဟု ဆိုသည်။
ဒေသအခြေအနေနှင့်ပတ်သက်ပြီး ဆောဒေသပြည်သူ့ကာကွယ်ရေးတပ်ဖွဲ့ တာဝန်ရှိသူထံဆက်သွယ်ထားဆဲဖြစ်ပြီး အဆက်အသွယ်မရသေးပေ။
ယခင်ကလည်း စစ်ကောင်စီတပ်သည် ပန်းဆန်ရွာသို့ လက်နက်ကြီးများဖြင့် အကြိမ်ကြိမ် ပစ်ခတ်ခဲ့၍ ဒေသခံပြည်သူလူထု သေဆုံးထိခိုက်မှုများ ရှိခဲ့သည်။
