Connect with us

Hi, what are you looking for?

သတင်း

ကန့်ဘလူတွင် စစ်တပ်က ဒရုန်းဖြင့်ဗုံးချတိုက်ခိုက်၍ ကလေးနှစ်ဦးအပါအဝင် ပြည်သူ သုံးဦး သေဆုံး

စစ်ကိုင်းတိုင်း၊ ကန့်ဘလူမြို့နယ်၊ အင်းလယ်ကြီးကျေးရွာအား စစ်ကောင်စီတပ်က ဒရုန်းဖြင့် ဗုံးချတိုက်ခိုက်ရာ ကလေးနှစ်ဦးအပါအဝင် ဒေသခံပြည်သူသုံးဦး သေဆုံးကြောင်း ​သတင်းရရှိသည်။

စက်တင်ဘာ၂၉ရက်က စစ်ကောင်စီလေကြောင်းတိုက်ခိုက်၍ ပျက်စီးသွားသော နေအိမ်တစ်လုံးအား တွေ့ရစဥ်။ဓာတ်ပုံ - ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့

ဇေအောင်/People’s Spring

စစ်ကိုင်းတိုင်း၊ ကန့်ဘလူမြို့နယ်၊ အင်းလယ်ကြီးကျေးရွာအား စစ်ကောင်စီတပ်က ဒရုန်းဖြင့် ဗုံးချတိုက်ခိုက်ရာ ကလေးနှစ်ဦးအပါအဝင် ဒေသခံပြည်သူသုံးဦး သေဆုံးကြောင်း ​သတင်းရရှိသည်။

ယနေ့(အောက်တိုဘာ ၁၂ ရက်) နံနက် ၁နာရီခွဲခန့်က အင်းလယ်ကြီးကျေးရွာအား ငါတို့ရွာပျူစောထီးစခန်းမှ စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ ဒရုန်းဖြင့် ဗုံးသီးသုံးလုံးချ တိုက်ခိုက်ခဲ့ရာ ကလေးငယ် နှစ်ဦးအပါအဝင် သုံးဦးသေဆုံးကာ ရှစ်ဦးထိခိုက်ဒဏ်ရာရရှိခဲ့ကြောင်း ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့၏ တာဝန်ရှိသူက ပြောသည်။

Public Service Announcement

Public Service Announcement

“သေဆုံးတဲ့သူတွေဟာ တစ်မိသားစုတည်းလားဆိုတာတော့ မသိရသေးဘူး။ ဒရုန်းချတဲ့စကစအဖွဲ့ကတော့ ငါတို့ရွာထဲမှာပဲရှိသေးတယ်။ ဘယ်မှမထွက်သေးဘူး။”ဟု ၎င်းက ပြောသည်။

သေဆုံးသူများမှာ (၄)နှစ်အရွယ် မသိမ့်သိမ့်ဖြူ၊ အသက် (၁၀)နှစ်အရွယ် မငြိမ်းအိစံ၊ အသက် (၃၀)နှစ်အရွယ် မဖြူဝင်းတို့ဖြစ်ပြီး နေအိမ်အချို့ပါ ပျက်စီးခဲ့ကြောင်း သိရသည်။

ကန့်ဘလူမြို့ရှိ အမှတ်(၆၀၀၆)တင့်ကားတပ်မှ လာသော စစ်ကြောင်းများသည် ယခင်ကဲ့သို့ စစ်ကြောင်းထိုးခြင်းများမလုပ်ဘဲ ကျေးရွာများအား ဗုံးသီးတိုက်ခိုက်မှုများအား ဆက်တိုက်ပြုလုပ်နေကြောင်း ဒေသခံများက ပြောသည်။

စက်တင်ဘာ ၂၇ နှင့် ၂၈ ရက်က ကန့်ဘလူမြို့နယ်တွင် စစ်ကောင်စီတပ်၏ ဒရုန်းဖြင့်ဗုံးချတိုက်ခိုက်မှုနှင့် ပစ်ခတ်သတ်ဖြတ်မှုကြောင့် နှစ်ရက်အတွင်း ကလေးငယ်တစ်ဦးအပါအဝင် ဒေသခံပြည်သူ ၇ ဦး သေဆုံးခဲ့သည်။

ထို့အပြင် စက်တင်ဘာ၂၉ရက်ကလည်း ကန့်ဘလူမြို့နယ်၊ ပင့်သာတိုက်နယ်အတွင်းရှိ ကျေးရွာနှစ်ရွာအား တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့ရာ ဘုန်းကြီးကျောင်းနှင့် နေအိမ် ၄လုံး ပျက်စီးခဲ့သေးသည်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။

Facebook