သုည/People’s Spring
တိုကျိုမြို့ရှိ စစ်ကောင်စီလက်အောက်ခံ မြန်မာသံရုံးရှေ့တွင် ဂျပန်ရောက် မြန်မာများက “Operation 1027” ၁၀၂၇စစ်ဆင်ရေး (၁)နှစ်ပြည့်အဖြစ် စစ်အာဏာရှင်ကို ဆန့်ကျင်နေသည့် တော်လှန်ရေးအင်အားစုများ၊ မဟာမိတ်တပ်ဖွဲ့များကို ထောက်ခံကြောင်း ဆန္ဒဖော်ထုတ်ပွဲကို ယနေ့ (အောက်တိုဘာ ၂၈) ပြုလုပ်ခဲ့သည်။
အဆိုပါ ဆန္ဒထုတ်ဖော်ပွဲတွင် မြန်မာများက စစ်ကောင်စီကို ဆန့်ကျင်နေသည့် တော်လှန်ရေးအင်အားစုများ၊ မဟာမိတ်တပ်ဖွဲ့များ၏ လုပ်ဆောင်ချက်များကို အပြည့်အဝထောက်ခံကြောင်း၊ စွန့်လွှတ်အနစ်နာခံတိုက်ပွဲဝင်ခဲ့ကြသော သူရဲကောင်းအာဇာနည်များ၏ မပြီးဆုံးသေးသော တော်လှန်ရေးရည်မှန်းချက်များကို ဆက်လက်အကောင်အထည်ဖော်ပံ့ပိုးသွားမည် ဖြစ်ကြောင်း ဆန္ဒပြခဲ့ကြသည်။
Public Service Announcement
ထို့အပြင် အရပ်သားများကို အကြမ်းဖက်တိုက်ခိုက်မှု ကျူးလွန်နေသည့် စစ်ကောင်စီအား အပြင်းအထန်ရှုတ်ချကြောင်း၊ သံတမန်ကျင့်ဝတ်နှင့် မညီသောသံဝန်ထမ်းများကိုလည်း ပြည်သူများက အလိုမရှိကြောင်း၊ ထိုက်သင့်သော အပြစ်ပေးအရေးယူမှုများ ဆောင်ရွက်နိုင်ရေး ဆက်လက်ကြိုးပမ်းသွားမည် ဖြစ်ကြောင်း ကြွေးကြော်သံများဖြင့် ဆန္ဒထုတ်ဖော်ခဲ့ကြသည်။
