Connect with us

Hi, what are you looking for?

နိုင်ငံတကာ

ရုရှားမှာ မြောက်ကိုရီးယားတပ်တွေ ရောက်နေတဲ့ကိစ္စ အားကောင်းကောင်းနဲ့ တုံ့ပြန်မယ်လို့ ဘလင်ကန်ပြော

ရုရှားမှာ မြောက်ကိုရီးယားတပ်တွေ ဖြန့်ကျက်ထားတဲ့ ကိစ္စကို ခိုင်မာအားကောင်းတဲ့ နည်းလမ်းမျိုးနဲ့ တုံ့ပြန်မယ်လို့ အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်က ပြောကြားခဲ့ပါတယ်။

ရုရှားမှာ မြောက်ကိုရီးယားတပ်တွေ ဖြန့်ကျက်ထားတဲ့ ကိစ္စကို ခိုင်မာအားကောင်းတဲ့ နည်းလမ်းမျိုးနဲ့ တုံ့ပြန်မယ်လို့ အမေရိကန် နိုင်ငံခြားရေး ဝန်ကြီး အန်တိုနီ ဘလင်ကန်က ပြောကြားခဲ့ပါတယ်။

နိုဝင်ဘာ ၁၃ ရက်နေ့က ဘယ်လ်ဂျီယမ်နိုင်ငံ၊ ဘရပ်ဆဲလ်မြို့မှာ NATO စစ်မဟာမိတ် အဖွဲ့နဲ့ ဥရောပ သမဂ္ဂ (EU) အရာရှိတွေကို လိပ်မူတဲ့ မိန့်ခွန်းမှာ ဘလင်ကန်က အမေရိကန် အစိုးရ အပြောင်းအလဲ မတိုင်ခင် ယူကရိန်းအတွက် စစ်ရေး အထောက်အပံ့တွေ ဝိုင်းဝန်းပံ့ပိုးပေးကြဖို့ မဟာမိတ် နိုင်ငံတွေကို တိုက်တွန်းခဲ့ပါတယ်။

အမေရိကန် ရွေးကောက်ပွဲမှာ ဒေါ်နယ်လ်ထရမ့် အနိုင်ရခဲ့တဲ့နောက် ရုရှားနဲ့ စစ်ပွဲမှာ ယူကရိန်းဖက်ကနေ အမေရိကန်က ခိုင်ခိုင်မာမာ ဆက်လက် ရပ်တည်ရေးဟာ မရေမရာ အခြေအနေ ဖြစ်လာပါတယ်။

ဒီအတောအတွင်း မြောက်ကိုရီးယားကလည်း မဟာမိတ် ရုရှားကို ကူညီတိုက်ခိုက်ဖို့ စစ်တပ်တွေ စေလွှတ်ခဲ့ပြီး ရုရှားပိုင် ကာ့စ်ခ်ဒေသမှာ အဲဒီတပ်တွေကို စတင် ဖြန့်ကျက်နေပြီလို့ ယူကရိန်းနဲ့ အမေရိကန် စစ်ထောက်လှမ်းရေးတွေက အတည်ပြုခဲ့ပါတယ်။

Public Service Announcement

Public Service Announcement

ဘလင်ကန်က ရုရှားဟာ မြောက်ကိုရီးယားကို စစ်ထဲ ဆွဲသွင်းခဲ့ပြီး မြောက်ကိုရီးယားကလည်း လက်ခံခဲ့ကြောင်း၊ စစ်ပွဲတစ်ခုမှာ တောင်းဆိုမှုတွေက အရမ်းကြီးမားတာကို မြောက်ကိုရီးယားကိုယ်တိုင် နားလည်လာမှာ ဖြစ်သလို အဲဒီအတွက်လည်း ခိုင်မာတဲ့ တုံ့ပြန်မှုတွေ အမေရိကန်က လုပ်ဆောင်သွားမှာဖြစ်ကြောင်း ပြောကြားခဲ့ပါတယ်။

အခုသီတင်းပတ် အစောပိုင်းမှာ အမေရိကန် နိုင်ငံခြားရေး ဝန်ကြီးဌာနက မြောက်ကိုရီးယား တပ်ဖွဲ့ဝင် ထောင်ချီပြီး ရုရှားမှာ ဖြန့်ကျက်ထားတယ် ဆိုတာကို အတည်ပြုခဲ့ပါတယ်။ ဒီကိစ္စဟာ အင်မတန် အန္တရာယ်ကြီးပြီး စိုးရိမ်ရတဲ့ အလားအလာမျိုးလို့ မှတ်ချက်ပေးခဲ့ပါတယ်။

သူက အမေရိကန် သမ္မတ ဂျိုးဘိုင်ဒန်ဟာ သူ့ရဲ့ ရာထူးသက်တမ်း အတောအတွင်း ယူကရိန်းကို ကူညီဖို့ ဖြစ်နိုင်သမျှ နည်းလမ်းအားလုံးနဲ့ ဆက်လက် ကြိုးပမ်းနေမယ်လို့ ကတိပြုခဲ့ပြီး တခြား အနောက်ဥရောပ မဟာမိတ်တွေ အနေနဲ့လည်း ယူကရိန်းကို အစွမ်းရှိသမျှ ပုံအော ကူညီပေးကြဖို့ တိုက်တွန်းသွားခဲ့ပါတယ်။

ကိုးကား: Euro News

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

အစိုးရရဲ့ ဖိအားပေးမှုတွေ မြင့်တက်လာတဲ့နောက် ရုရှားရဲ့ နောက်ဆုံးလက်ကျန် လွတ်လပ်တဲ့ သတင်းစာတိုက်ကို ပိတ်သိမ်းလိုက်ရပြီ ဖြစ်ပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

Facebook