မြန်မာအပါအဝင် ကမ္ဘာ့နိုင်ငံတွေမှာ ကိုဗစ်ရောဂါ ကူးစက်နေဆဲပါ

ကိုဗစ်ရောဂါက မြန်မာပြည်မှာရော ကမ္ဘာ့နိုင်ငံတွေမှာပါ ကူးစက်ဖြစ်ပွားနေဆဲဖြစ်ပါတယ်။ အဲဒီလိုပဲ ရောဂါကူးစက်ခံရလို့ သေဆုံးမှုတွေကလည်း ရှိနေဆဲပါ။

အမေရိကန်နိုင်ငံကတော့ ကမ္ဘာမှာ ကိုဗစ်ကူးစက်ခံရသူအရေအတွက်အမြင့်ဆုံးနိုင်ငံဖြစ်ပြီးတော့ ဒုတိယလိုက်တာကတော့ အိန္ဒိယနိုင်ငံဖြစ်ပါတယ်။

အမေရိကန်မှာ ဒီကနေ့အထိ ကိုဗစ်ကပ်ရောဂါကူးစက်ခံရသူ စုစုပေါင်း ၄၆ သန်းကျော်ရှိပြီးတော့ အိန္ဒိယမှာတော့ ၃၄ သန်းကျော်ရှိပြီဖြစ်ပါတယ်။

မြန်မာနိုင်ငံမှာတော့ ကူးစက်မှုသိသိသာသာလျှော့နည်းနေပေမယ့် နေ့စဥ်လူနာသစ်တွေ့ရှိမှုက တစ်ထောင်အောက်ရောက်နေပြီဖြစ်ပါတယ်။ ကိုဗစ်ကပ်ရောကာလတလျောက်ကူးစက်ခံရတဲ့အရေအတွက်ကတော့ အခြားနိုင်ငံတွေကို စစ်ဆေးနိုင်မှုရော မှတ်တမ်းယူနိုင်မှုအခြေအနေရော အားနည်းတာကြောင့် တကယ့်ကိန်းဂဏန်းအမှန်ကိုရနိုင်ဖို့မလွယ်ပေမယ့် စစ်ကောင်စီကျန်းမာရေးဝန်ကြီးဌာနထုတ်ပြန်ချက်အရကတော့ ဒီကနေ့အထိ ၅ သိန်းကျော်ရှိပါတယ်။

Public Service Announcement

သေဆုံးသူကလည်း နေ့စဥ် ၂၀ ကနေ ၃၀ ကြားပုံမှန်ရှိနေသေးတာပဲဖြစ်ပါတယ်။

မြန်မာနိုင်ငံအပါအဝင် ကမ္ဘာ့နိုင်ငံတွေတိုင်းမှာ ကိုဗစ်နဲ့အတူယှဥ်တွဲနေထိုင်ကြဖို့ ကြိုးစားကြရင်း ပုံမှန်လူနေမှုဘဝတွေဆီ ပြန်သွားနေကြပါပြီ။

အရေးကြီးဆုံးကတော့ ကိုဗစ်ရောဂါဖြစ်ဖူးသူပဲဖြစ်ဖြစ်၊ ကာကွယ်ဆေးထိုးထားသူပဲဖြစ်ဖြစ် အပြင်ထွက်တဲ့အခါတိုင်း Mask တပ်ပါ၊ လက်ဆေးပါ၊ ခပ်ခွာခွာနေပါ၊ လေလုံခန်းတွေတတ်နိုင်ရင် ရှောင်ပါ။

ကာကွယ်ဆေးထိုးဖို့အခွင့်အရေးရခဲ့ရင်းလည်း ထိုးနှံပါ။