တက္ကသိုလ်၊ကောလိပ်တွေပြန်ဖွင့်နိုင်ဖို့အတွက် တက္ကသိုလ်ကျောင်းသားတွေကို ကိုဗစ်ကာကွယ်ဆေး ထိုးပေးဖို့ စစ်ကောင်စီ ဟာ စီစဉ်နေပါတယ်။
ဒီလိုထိုးပေးရာမှာလည်း လက်ရှိတက်ရောက်ဆဲ ကျောင်းသူကျောင်းသားတွေကို သာ ဦးစားပေးထိုးပေးမှာလို့သိရပါတယ်။
စစ်ကောင်စီဟာအာဏာသိမ်းပြီးနောက် တိုင်းပြည် ပုံမှန်အတိုင်းလည်ပတ်နေတယ်ဆိုပြီး နိုင်ငံတကာကို ပြသချင်တဲ့အတွက် ကျောင်းတွေ၊တက္ကသိုလ်တွေကို ဖွင့်လှစ်ဖို့စိုင်းပြင်းနေတာပါ။
အခြေခံပညာကျောင်းတွေကိုတော့ အသက် ၁၂ နှစ်အထက် ကျောင်းသူ၊ကျောင်းသားတွေကို ကာကွယ်ဆေးထိုးပေးပြီး နိုဝင်ဘာလ ၁ ရက်က ဖွင့်လှစ်ခဲ့ပေမယ့် တက်ရောက်သူမရှိသလောက်နည်းပါးနေတာတွေ့ရပါတယ်။
Public Service Announcement
တက္ကသိုလ်တွေမှာလည်း တက်ရောက်သူဟာ လက်ချိုးရေလို့ရတဲ့အနေအထားဖြစ်နေတာပါ။
အာဏာသိမ်းတာကိုဆန့်ကျင်တဲ့အနေနဲ့ တက္ကသိုလ်ဆရာ ၊ဆရာမတွေ အများစုဟာ CDM လုပ်ကြသလို ကျောင်းသူ၊ကျောင်းသားတွေဟာလည်း တက်ရောက်တာမရှိခဲ့ပါဘူး။
