တန့်ဆည်မြို့ အထက(၂)အနီး ယနေ့(နိုဝင်ဘာ ၅)ရက်နံနက်ပိုင်းက ဗုံးပေါက်ကွဲမှုဖြစ်ပွားခဲ့ကြောင်း ဒေသခံများက ပြောသည်။
အဆိုပါ ပေါက်ကွဲမှုဖြစ်ပွားသည့် ကျောင်းအနီးရှိနေသောစစ်ကောင်စီတပ်သားများက သေနတ်ဖြင့်ရမ်းသမ်းပစ်ခတ်မှုကြောင့် အမျိုးသမီးတစ်ဦး လည်ပင်းကျည် ထိမှန်သေဆုံးခဲ့ကြောင်း ဒေသသတင်းရင်းမြစ်တစ်ခုဖြစ်သည့် Taze Newsက ဖော်ပြသည်။
ကျည်ထိမှန်သည့်အမျိုးသမီးအား စစ်ကောင်စီတပ်များက ဆေးရုံသို့ခေါ်ဆောင်သွားခဲ့သော်လည်း အမျိုးသမီးမှာ သေနတ်ဒဏ်ရာကြောင့် သေဆုံးသွားခဲ့သည်ဟု ဒေသခံတစ်ဦးက ပြောသည်။
စစ်ကောင်စီတပ်သားများ၏ ပစ်ခတ်မှုကြောင့် သေဆုံးခဲ့သည့် အမျိုးသမီးမှာ တန့်ဆည်အထက(၂)အနီးနေထိုင်သူဖြစ်ပြီး ဦးကျော်လွင်ဆိုသူ၏သမီးဖြစ်ကြောင်း ဒေသခံတစ်ဦးက အတည်ပြုသည်။
Public Service Announcement
ထို့အပြင် သေဆုံးသွားသည့်အမျိုးသမီးတွင် ကလေးတစ်ဦးကျန်ရစ်ခဲ့ကြောင်း ဒေသခံများထံမှ သိရသည်။
