မန္တလေး ပုသိမ်ကြီးဘက်မှာ နေအိမ်နဲ့ခြံ ဌားရမ်းသူများပြား၊ အိမ်ငှားစျေးနှုန်း တွေ ငလျင်မတိုင်ခင်ကထက် မြင့်တက်သွား

ဧပြီ – ၃ ၊ ၂၀၂၅ /People’s Spring

မန္တလေးမြို့ပေါ်မှာ ငလျင်ဒဏ်သင့်ပြီးနောက် ပုသိမ်ကြီးမြို့နယ် ထဲ ပြောင်းရွှေ့နေထိုင်ကြသူတွေများတာကြောင့် နေအိမ်တွေ၊ခြံတွေ ဌားရမ်းသူများလာတယ်လို့မြို့ခံတွေဆီကသိရပါတယ်။

ပုသိမ်ကြီးဟာ မန္တလေးခရိုင်ထဲက မြို့နယ်တစ်ခု ဖြစ်ပြီး ငလျင်ကြောင့် ထိခိုက်ပျက်စီးမှု နည်းပါးတဲ့ မြို့ဖြစ်ပါတယ်။

မြို့ပေါ်မှာ နေအိမ်တွေထိခိုက်ပျက်စီးသွားလို့ နေမရသူတွေ၊ နောက်ဆက် တွဲ ငလျင်ကိုစိုးရိမ်ကြသူတွေဟာ ပုသိမ်ကြီးဘက်က ကျေးရွာတွေမှာ ယာယီနေဖို့ ဌားရမ်းလာကြတာလို့သိရပါတယ်။

Public Service Announcement

ပုသိမ်ကြီးမြို့နယ်ထဲက လက်ကောင်း၊ သုံးအိမ်၊ ကျောက်မီး၊ ငွေတောင်၊ မြို့တော၊ တံတိုင်းရှည်၊ ကုလားကြီးခြံ၊ အုန်းချော စတဲ့ကျေးရွာတွေမှာ ခြံအများစုရှိတဲ့အတွက် လိုက်လံငှားရမ်းနေတာလို့ဆိုပါတယ်။

အိမ်ငှားစျေးနှုန်းကလည်း ယခင်ကထက် ထက်ဝက်မြင့်တက်သွားတယ်လို့သိရပါတယ်။

ငလျင်မလှုပ်ခင်က တစ်လ ဌားရမ်းခ ကျပ်တစ်သိန်းခွဲ ကနေ အခုအခါမှာ ကျပ်သုံးသိန်း လောက် စျေးတက်သွားတာပါ။

ငွေကြေးတတ်နိုင်သူတွေကတော့မန္တလေးကနေ ပြင်ဦးလွင်ဘက် ပြောင်းရွှေ့နေထိုင်ကြပါတယ်။

ဒါပေမယ့် မန္တလေး မြို့ခံအများစုဟာ နေအိမ်ပျက်စီးဆုံးရှုံးတာ ၊ အထပ်မြင့်အဆောက်အဦးတွေမှာ နောက်ဆက်တွဲငလျင်လှုပ်ခတ်မှာ စိုးရိမ်လို့ တက်မနေရဲတော့ဘဲ လမ်းတွေပေါ်မှာ ၊ ပလက်ဖောင်းတွေပေါ်မှာ ပူပြင်းလှတဲ့နေ့အပူရှိန်အောက်မှာ အဆင်သင့်သလို နေထိုင်နေကြရပါတယ်။