သဲကုန်းမြို့စိုက်ပျိုး​ရေးရုံးတွင်တပ်စွဲထား​​သောစစ်တပ်တိုက်ခိုက်ခံရ

​မေ-၆၊‌ဇော်ရမ်း/People’s Spring

ပြည်ခရိုင်၊သဲကုန်းမြို့စိုက်ပျိုးရေးရုံး၌တပ်စွဲထားသောစစ်ကောင်စီတပ်ကိုတိုက်ခိုက်ခံရပြီးသေဆုံးမှုရှိကြောင်း မြို့ခံများကပြောသည်။

သဲကုန်းမြို့၊ ဆင်ခေါင်းရွာအနီးရှိ စိုက်ပျိုးရေးရုံးကို မေလ ၅ ရက်နေ့ ည ၈ နာရီ၊ မိနစ် ၂၀ ခန့်တွင် ပြည်သူ့ကာကွယ်ရေးပူးပေါင်းတပ်များက တိုက်ခိုက်ခဲ့ခြင်းဟု သိရသည်။

“အနီးကပ်တိုက်ပွဲလိုဖြစ်သွားတာ။ဒီမနက်တော့ လမ်းသွားလမ်းလာတွေကို မဲနေတယ်။သူတို့အရမ်းကြောက်နေတာဖြစ်တယ်။ကျမတို့ကတော့ ကြည့်နေကြည့်စားနေတာပဲ”ဟုမြို့ခံတစ်ဦးကပြောသည်။

Public Service Announcement

အဆိုပါတိုက်ခိုက်မှုနှင့်ပတ်သက်၍ပြည်သူ့ကာကွယ်ရေးတပ်ဖွဲ့များကသတင်းထုတ်ပြန်ခြင်းမရှိသေးပေ။

ပြီးခဲ့သည့်ဖေဖော်ဝါရီ၂၇ရက်တွင်သဲကုန်းမြိုနယ် သီးပင်ရပ်ကွက်၊ ဆရာအတတ်သင် (၁)လမ်းပေါ်မှ စစ်ကောင်စီစစ်ဆေးရေးဂိတ်ကို ပြည်ခရိုင်ပြည်သူ့ကာကွယ်ရေးတပ်ရင်းအမှတ်(၃၆၀၁)တပ်ခွဲ(၃)နှင့် တပ်ခွဲ (၅)တို့က တိုက်ခိုက်ခဲ့ရာ စစ်ကောင်စီတပ်ဖွဲ့ဝင်လေးဦးသေဆုံးခဲ့သည်။

သဲကုန်းမြို့သည် စစ်ကောင်စီ၏ တပ်မ (၆၆) အခြေစိုက်ပြီး ပြည်ခရိုင်အတွင်းစစ်ရေးအရှိန်မြှင့်မည်ဖြစ်၍ ဒေသခံများ စစ်ရေးသတိပြုကြရန် ပြည်သူ့ ကာကွယ်ရေးတပ်ဖွဲ့များက ထုတ်ပြန်ထားသည်။ပြည်ခရိုင်တွင်ပန်းတောင်း၊အုတ်တွင်း၊ ပေါက်ခေါင်းမြို့နယ်များ၌လည်း စစ်ကောင်စီတပ်နှင့်ကာကွယ်ရေးတပ်များကြားစစ်ရေးတင်းမာနေသည်။