မေ ၂၈၊၂၀၂၅။မေရီ/People’s Spring
မန္တလေးမြို့လယ်က ငလျင်ဒဏ်သင့်ထားတဲ့ လေးထပ်တိုက်ပြိုကျပြီး လူတစ်ဦး ထိခိုက်ဒဏ်ရာရရှိခဲ့ကြောင်း မြို့ခံတွေက ပြောပါတယ်။
ဒီကနေ့ မေလ ၂၈ရက် မနက် ၁၀နာရီလောက်က မန္တလေးမြို့၊ မဟာအောင်မြေမြို့နယ်၊ ၈၄လမ်း၊ ၃၉ လမ်းနဲ့ လမ်း ၄၀ ကြားမှာရှိတဲ့ ငလျင်ဒဏ်ထိထားတဲ့ လေးထပ်တိုက် ထပ်ပြိုခဲ့တာလို့ ဒေသခံတွေက ပြောပါတယ်။ အဲဒီပြိုကျိုကြောင့် အမျိုးသားတစ်ဦးလည်း ခြေထောက်ထိခိုက်ဒဏ်ရာရခဲ့တယ်လို့ သိရပါတယ်။
“တိုက်က ငလျင်ဒဏ်ထိထားပြီး ဝိတ်မနိုင်လို့ပြိုကျတာပါ။ ငလျင်တော့မလှုပ်ဘူး။ တိုက်ပြိုတဲ့အရှိန်ကြောင့်လှုပ်တယ်လို့ထင်ရတာ။”လို့ ဒေသခံတဦးက ပြောပါတယ်။
Public Service Announcement
ပြည်သူတွေဟာ ငလျင်ထပ်လှုပ်တယ်ထင်ပြီး ထွက်ပြေးခဲ့ကြတယ်လို့ မြို့ခံတွေက ဆိုပါတယ်။
မန္တလေးမြို့မှာ ငလျင်ကြီးလှုပ်ခတ်ခဲ့တာ နှစ်လပြည့်ခဲ့ပေမဲ့ ပြိုလက်စအဆောက်အအုံ အများအပြား ကျန်နေသေးပြီး အန္တရာယ်တွေရှိနေတယ်လို့ မြို့ခံတွေက ပြောပြပါတယ်။
ဒီနေ့မနက်ခင်းကတင်ပဲ မန္တလေးမြို့၊ ရတနာပုံစျေးအရှေ့ဘက်က ၇၇ လမ်း၊ ၃၃ လမ်းနဲ့ ၃၄ လမ်းကြားမှာဖွင့်ထားတဲ့ Bar တခု မီးလောင်ပြီး အမျိုးသမီးတဦး သေဆုံးခဲ့ပါသေးတယ်။
