စဉ့်ကူးမြို့နယ်က သစ်တောဝန်းကို စစ်တပ်ဗုံးကြဲ ပြည်သူတဦးဒဏ်ရာရ၊ အိမ် ၂ လုံးပျက်စီး

ဇွန်-၂၁၊၂၀၂၅။ရှိန်း/People’s Spring

မန္တလေးတိုင်း၊စဉ့်ကူးမြို့နယ်၊လက်ပန်လှကျေးရွာ ၊သစ်တောရုံးဝင်းကို စစ်​ကောင်စီက ဇွန် ၂၀ ရက်မှာလေကြောင်းက​နေဗုံးကြဲတာ​ကြောင့် ပြည်သူတဦး ဒဏ်ရာရခဲ့ပြီး အဆောက်အဦးနှစ်လုံးပျက်စီးခဲ့တယ်လို့ ပြင်ဦးလွင်ခရိုင်ပကဖ သတင်းတာဝန်ခံက​ပြောပါတယ်။

ဇွန်လ၂၀ ရက်နေ့၊ညနေ ၅နာရီခွဲခန့်မှာ စစ်ကောင်စီရဲ့ တံတားဦး လေတပ်က ဂျက်ဖိုက်တာတစ်စီး က လက်ပန်လှရွာသစ်တောရုံးအတွင်းကိုလေကြောင်းက​နေဗုံးကြဲခဲ့တာလို့သိရပါတယ်။

လေကြောင်းတိုက်ခိုက်မှုမှာပြည်သူတဦးခြေထောက်ထိမှန်ဒဏ်ရာရခဲ့ပြီး အဆောက်အဦး ၂လုံးပျက်စီးခဲ့တယ်လို့သိရပါတယ်။

Public Service Announcement

“စစ်ကောင်စီက အရပ်သားပြည်သူကို ပစ်မှတ်ထားပြီးတိုက်ခိုက်နေတာပါပဲ။ဒီဝန်းထဲမှာလည်း ဘယ်PDFမှ တပ်စွဲနေထိုင်တာမရှိပါဘူး”လို့ ပြင်ဦးလွင်ခရိုင်ပကဖ သတင်းတာဝန်ခံက ပြောပါတယ်။

ဒါ့အပြင်တော်လှန်ရေးတပ်တွေထိန်းချုပ်‌‌နယ်မြေက ပြည်သူတွေအနေနဲ့ ဗုံးခိုကျင်းတွေ တူးကြဖို့နဲ့ လေကြောင်းရန်သတိကြဖို့လည်းတိုက်တွန်းထားပါတယ်။

စစ်ကောင်စီက မတ္တရာ၊ စဉ့်ကူး နဲ့ သပိတ်ကျင်းမြို့နယ်​တွေကို လေကြောင်းက​နေဆက်တိုက်ဗုံးကြဲနေတာဖြစ်ပါတယ် ။မတ္တရာမြို့နယ်အရှေ့ခြမ်းကိုလည်း ဇွန်လ၁၈ ရက် တရက်တည်းမှာ ဗုံးအလုံးရေ ၆၀ ကျော် ကြဲချတိုက်ခိုက်ခဲ့တယ်လို့သိရပါတယ်။မတ္တရာမြို့နယ် အ​ရှေ့ခြမ်းမှာစစ်တပ်ကစစ်​ကြောင်းထိုးဖို့ ကြိုးစား​နေတာ​ကြောင့် မန္တ​လေးPDF အပါအဝင် ​တော်လှန်​ရေးတပ်​တွေနဲ့တိုက်ပွဲ​တွေအပြင်းအထန်ဖြစ်ပွား​နေပါတယ် ။