'/%3E%3C/svg%3E){kind=small}
မိတ္ထီလာခရိုင်မှာ ဆိုင်ကယ်စီးတဲ့အခါ ဆိုင်ကယ် ၁ စီးကို အမျိုးသား ၂ ဦး အတူတကွလိုက်ပါစီးနင်းတာမျိုးမလုပ်ဖို့ စစ်ကောင်စီတပ်ဖွဲ့ဝင်တွေ လိုက်လံသတိပေးနေတယ်လို့ဒေသခံတွေဆီကသိရပါတယ်။
အမျိုးသားနဲ့ အမျိုးသမီး တွဲစီးလို့ရသလို ၊အမျိုးသမီး ၂ ဦး စီးရင်လည်းခွင့်ပြုတဲ့အကြောင်း စစ်ကောင်စီတပ်ဖွဲ့ဝင်တွေ လိုက်လံသတိပေးတာလို့ ဒေသခံတွေက ဆိုပါတယ်။
ဒီသတိပေးချက်ဟာ မိတ္ထီလာ၊ သာစည် ၊ဝမ်းတွင်း နဲ့ မလှိုင်မြို့နယ်တွေလည်းပါဝင်တယ်လို့သိရပါတယ်။
စစ်ကောင်စီတပ်ဖွဲ့ဝင်တွေဟာ ဒီနေ့မှာတော့ သတိပေးတာပြုလုပ်နေပြီး နိုဝင်ဘာလ၁၆ရက်နေ့ကစတင်ပြီး အရေးယူသွားမှာဖြစ်တယ်လို့သိရပါတယ်။
Public Service Announcement
မိတ္ထီလာမြို့မှာ ပြီးခဲ့တဲ့ရက်ပိုင်းက ဗုံးပေါက်ကွဲမှူဖြစ်ပွားခဲ့ပြီး တပ်မတော်ထောက်ခံပွဲပြုလုပ်တဲ့နေ့ကလည်း ရဲစခန်းအနီး ပေါက်ကွဲမှုဖြစ်ကာ ဒဏ်ရာရရှိသူတွေလည်းရှိခဲ့ပါတယ်။
