စစ်တပ်မပါတဲ့ နိုင်ငံရေးအခင်းအကျင်းကိုဖန်တီးနိုင်ပြီ

သမိုင်းတလျှောက်မှာ စစ်တပ်မပါတဲ့ နိုင်ငံရေးအခင်းအကျင်းကို ဖန်တီးနိုင်ခဲ့ပြီလို့ ဒီနေ့မနက်ပိုင်း ကျင်းပနေတဲ့ အမျိုးသားညီညွှတ်ရေးအတိုင်ပင်ခံကောင်စီ(NUCC) ရဲ့ပထမဆုံးအကြိမ် သတင်းစာရှင်းလင်းပွဲမှာ ဦးမင်းကိုနိုင်ကပြောလိုက်ပါတယ်။

ဒါဟာ အောင်မြင်မှုဖြစ်ပြီး ဒီနေ့သတင်းစာရှင်းလင်းပွဲကနေ အင်အားရှိတဲ့စုဖွဲ့မှု ရှိပြီဆိုတဲ့သတင်းမျိုးပေးချင်တယ်လို့လည်း ပြောပါတယ်။

NUCC ဟာ အနာဂတ်ပြည်ထောင်စုအတွက် စုပေါင်းဦးဆောင်မှု၊ စုပေါင်းတာဝန်ခံမှုနဲ့ သွားနေတာဖြစ်ပြီး ဒါဟာနောက်ပြန်မဆုတ်တော့တဲ့ ခြေလှမ်းကောင်းဖြစ်တယ်လို့လည်း ဦးမင်းကိုနိုင်ကဆိုပါတယ်။
ဒီနေ့ သတင်းစာရှင်းလင်းပွဲမှာ NUCC ဆိုတာ ဘာလဲ၊ NUCC ဘာတွေလုပ်ဆောင်နေလဲဆိုတာကို ဦးမင်းကိုနိုင်က အကျဉ်းချုံးရှင်းပြထားတာကိုကောက်နုတ်တင်ဆက်ပေးလိုက်ပါတယ်။

NUCC လုပ်ဆောင်နေတဲ့လုပ်ငန်းစဥ်တွေနဲ့ပတ်သက်လို့ ဦးမင်းကိုနိုင်၊ ဦးအောင်ဆန်းမြင့်၊ ပဒိုစောတောနီး၊ ဒေါက်တာလျန်မှုန်းဆာခေါင်း၊ ဦးမိုးသူ၊ ဒေါက်တာတေဇာစန်း၊ ဦးလွင်ကိုလတ်၊ ဦးနန္ဒာစစ်အောင်၊ ဦးခန့်ဝေဖြိုး၊ လွေးပိုးငယ်တို့က ဒီကနေ့ နိုဝင်ဘာ ၁၆ မှာ ပြုလုပ်တဲ့ သတင်းစာရှင်းလင်းပွဲမှာ ဦးဆောင်ရှင်းလင်းပြောကြားခဲ့ပါတယ်။

Public Service Announcement