ထီးချိုင့်မြို့နယ်အတွင်း အကြမ်းဖက်စစ်ကောင်စီတပ်ဖွဲ့ဝင်အများအပြား ဝင်ရောက်လာပြီး အရပ်းသားနှစ်ဦးအားဖမ်းဆီး ပစ်သတ်သွားကြောင်း ဒေသခံများကပြောသည်။
ထီးချိုင့်နှင့် ရွှေကူမြို့ကြားရှိ ကျွဲကောရွာမှ ပြည်သူနှစ်ဦးကို ယနေ့(နိုဝင်ဘာ ၁၇) နံနက်က ဖမ်းသွားပြီး နေ့လယ်ပိုင်းတွင် သေနတ်ဖြင့် ပစ်သတ်သွားခြင်းဟု ဒေသခံတစ်ဦးကပြောသည်။
အဖမ်းခံရသူနှစ်ဦးအနက် တစ်ဦးကို သတ်ဖြတ်ပြီး တဲတစ်လုံးပေါ်တွင် မီးရှို့သွားကြောင်းနှင့် နောက်တစ်ဦးကိုရွာထိပ်သို့ ခေါ်သွားပြီး သတ်ဖြတ်မီးရှို့သွားသည်ဟု ကနဦးကြားသိထားကြောင်း ဒေသတွင်း ပြည်သူ့တော်လှန်ရေးသတင်းများ တင်ပေးနေသည့် Tigyaing Revolution – TR pageက သတင်းထုတ်ပြန်ထားသည်။
ထီးချိုင့်မြို့သည် ဧရာဝတီမြစ် တစ်ဘက်စီတွင် တည်ရှိနေသော မြို့ဖြစ်ပြီး စစ်ကောင်စီက ယခုအခါ မြစ် အနောက်ပိုင်းကျေးရွာများသို့ ဝင်ရောက်မွှေနှောက်နေသည်ဟု ဒေသခံများကပြောသည်။
Public Service Announcement
