ဇူလိုင်-၃၀၊၂၀၂၅။ဇေအောင်/People’s Spring
စစ်ကိုင်းတိုင်း၊မုံရွာမြို့မှာဒီကနေ့ညအင်အားအသင့်တင့်ရှိတဲ့ ငလျင်တစ်ခု လှုပ်သွားလို့ မြို့ခံတွေ ထိတ်လန့်ခဲ့ကြပါတယ်။
ဒီကနေ့ ဇူလိုင် ၃၁ ရက် ည ၈ နာရီ ၅၆ မိနစ်ခန့်က မုံရွာမြို့ပေါ်မှာ သိသာတဲ့ငလျင်ငယ်တခု လှုပ်ခတ်သွားပြီး အနည်းငယ် ပြင်းထန်တာကြောင့် ပြည်သူတွေထိတ်လန့်ခဲ့ကြကြောင်း မြို့ခံတွေက ပြောပါတယ်။
“လှဲနေတာတောင်သိသာတယ်။ရမ်းခါသွားတာ”လို့ မြို့ခံအမျိုးသမီးတဦးက ပြောပါတယ်။
Public Service Announcement
မုံရွာမြို့အပြင် ပုလဲ၊ ဆားလင်းကြီး၊ ယင်းမာပင်ဒေသတွေကပါ သိသာစွာ လှုပ်ခတ်သွားတယ်လို့ ဒေသခံတွေက ပြောပါတယ်။
ဒီကနေ့ည လှုပ်ခတ်ခဲ့တဲ့ငလျင်ဟာ မကွေးတိုင်း၊ ဂန့်ဂေါမြို့၏မြောက်ဘက်၊ မြေအောက်အနက် ၁၂၅ ကီလိုမီတာကိုဗဟိုပြုပြီး ရစ်ခ်တာစကေး ၄.၉ အဆင့် နဲ့ အင်အားအတော်အသင့်ရှိတဲ့မြေငလျင်တစ်ခုလှုပ်ခတ်ခဲ့တာဖြစ်ကြောင်း အမျိုးသားညီညွတ်ရေးအစိုးရရဲ့လူသားချင်းစာနာထောက်ထားရေးနဲ့ ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက ကြေညာပါတယ်။
ငလျင်အန္တရာယ်ကြောင့်ထိခိုက်ဆုံးရှုံးမှုတွေလျော့နည်းစေရန်အတွက် ဆောင်ရန်၊ ရှောင်ရန်၊ သတိပြုရန်များနဲ့အညီ နေထိုင်ကြဖို့ အထက်ပါဌာနက အသိပေးထားပါတယ်။
